----------

----------

2007年台北、墾丁、高雄八天自由行(經驗小貼士&有用網址)

小貼士:

(1) [必備物品] – 暑假去台灣真係好熱好晒,一定要帶防晒、太陽帽、補濕、雨傘、蚊怕水(如果去九份同十分)。

(2) [換錢問題] – 換台幣最好係澳門銀行或者兌換店換,去到台灣機場同銀行既兌換價都低過澳門架,港幣換台幣只有4.08~4.09,係澳門換一般都有4.15以上。

(3) [買Package] – 買Package要留意搭邊班機,因為Package限定幾班機俾你選擇,最早一班都係12:10,所以要盡量揀到有果班先買,唔係就冇左半日架啦,另外回程一定要揀夜晚果班,咁先可以有多d時間玩。

(4) [捷運悠遊卡] – 如果係台北有2~3日時間,最好去捷運車站既詢問處買返張悠遊卡,一來每次搭車有折扣,二來唔洗次次買飛咁麻煩,一張卡NT$500,用唔晒可以退錢。

(5) [瑞芳火車票] – 由台北車站開出既火車一般都好full,如果打算去九份最好先去台鐵售票處(5號窗)預先買定飛,買到有座位既果日先去,如果唔係可以要企9個字。

(6) [開門時間] – 台北好多景點都係星期一休息,而且好多舖頭會係朝早11點之後先開門,plan行程果陣要留意。

(7) [台北101] – 上台北101大廈最好夜晚去,日頭個景唔靚,夜景靚好多。

(8) [台北必食推介] – 阿宗麵線(西門町),紅豆牛奶綿冰(士林夜市),鼎泰豐食小籠包(永華街或忠孝敦化站附近),度小月擔擔麵(忠孝敦化站附近),東區粉圓(忠孝敦化站附近),可口魚丸(淡水老街),張記傳統魚丸(九份舊道口),舊道口牛肉麵(九份舊道口)

(9) [高雄去墾丁交通] – 由高雄去墾丁一般旅遊書都介紹坐巴士,車費NT$350,不過坐巴士要用2.5至3小時,所以最好選搭的士,只需1.5小時車程,不過要搭黃色果種,因為有牌,車費通常NT$300~NT$400,睇架車新定舊,一架車要齊4人先開。

(10) [墾丁民宿訂房] – 台灣既民宿一般要求訂房時匯款去指定帳戶落訂,但從澳門匯款去台灣一般要收成200幾蚊手續費,好唔花算;其實你可以email去你想住既果間民宿度,同佢講清楚你既行程同匯款麻煩等問題,要求佢同你留住間房,通常佢地都會OK。

(11) [遊墾丁景點] – 墾丁每個景點之間既距離都好遠,而且墾丁街車(公車)班次好少,所以通常d人都係租電單車,不過由一個地方去另一個地方用電單車都要行半個鐘,大熱天時分分鐘會中暑;另一個遊覽既方法可以參加當地既半天團,一般有上午同下午兩個團,上午團費用NT$450,去出火奇觀、佳樂水風景區、風吹海、龍磐公園、鵝鑾鼻公園、船帆石,下午團費用NT$350,去海洋生物館、貓鼻頭公園、關山落日,參加晒上下午團基本去晒墾丁主要景點,不過記住唔會join全日團,join兩個半日團抵d,因為全日團包埋午餐,但唔好食架,而且join半日團佢會車埋你返酒店門口,可以中午休息下。

有用網址:

香港討論區:http://www16.discuss.com.hk/forumdisplay.php?fid=438&page=1
台灣talker  – 香港人的台灣旅遊指南:http://www.taiwantalker.com/index.php
背包客棧自助旅行論壇:http://www.backpackers.com.tw/forum/index.php?c=11#11
大台灣旅遊網:http://www.travel-web.com.tw/
大台北旅遊網http://taipei.travel-web.com.tw/
CTIN 台灣旅遊聯盟:http://travel.network.com.tw/
飯店訂房網:http://www.ezhotel.com.tw/
墾丁玩易網:http://www.fun-ez.com/
悠遊墾丁:http://uukt.com.tw/

Related Posts Plugin for WordPress, Blogger...
2007年台北、墾丁、高雄八天自由行(Day 8)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁