----------

----------

2007年吉隆坡公幹之旅(Day 1 – Part 1)

五日吉隆坡公幹終於完滿結束啦,星期三晚8點半終於安全返抵家門,祖先保佑。
今次出門主要係去公幹,所以只係趁住唔洗開會嘅空檔時間周圍行下街、食下野同埋睇下景。

 

上星期六(本來放假可以訓晏D,點知要去公幹,又冇OT收,慘!),晨咁早就出門坐的士去港澳碼頭(呢程車費冇得claim返,用左成40蚊),去到碼頭當然係print返張香港入境紙先啦(去果程因為直去機場禁區,唔洗入境,所以張入境紙係留返由吉隆坡飛返香港果陣用),跟住去碼頭二樓出境大堂度嘅機場TurboJet櫃位辦理登機手續同埋行李托運(好似只有Cathay先可以係澳門碼頭預辦登機手續,不過要俾$20手續費)。

 

澳門港澳碼頭二樓新開嘅噴射飛航機場快線登記櫃位
澳門碼頭

 

Check-in完都只係9點左右,係碼頭坐左一個鐘,等到10點鐘終於可以坐TurbotJet去香港機場碼頭,10點9左右就到左香港嘅機場碼頭啦。因為已經攪掂登機手續,所以落左船直接去排隊攞返HK$120機場稅退稅,跟住排隊坐去候機大樓嘅接駁巴士。

 

香港赤立角機場碼頭至候機大樓嘅接駁巴士
接駁巴士

 

係機場等到12點3,終於上得機啦,12點9都算準時起飛,大公司果然冇delay

 

坐國泰長途機有戲可以睇,所以第一時間睇下有咩新片先。原來有哈利波特-鳳凰會的密令、變形金剛、虎膽龍威4.0…..,不過都睇過晒。好彩回程果陣有套嚟多件衰鬼上帝未睇過,等回程果陣睇下先。之前上網聽人講坐國泰有雪糕食,點知原來得果一條雪條,失望。

 

每個座位都有部衛星電話?只係個Remote Control
飛機上1

 

新片速遞
飛機上2

 

國泰嘅飛機餐真係麻麻地,個人覺得Air Macau果D好食過佢
飛機上3

 

坐左3個半鐘,終於到達吉隆坡機場。落左機先要坐返程無人架駛小火車去入境大樓,好彩冇咩國際航班,好快過左關,跟住攞埋行李就可以出去坐的士去酒店啦。

 

吉隆坡機場上空

飛機上4

 

落機之後
機場1

 

等緊坐無人架駛小火車去入境大樓
機場2

 

由機場去吉隆坡市區一般可以坐的士或者KLIA Express,坐KLIA要去到火車站再轉車去酒店,而且單程每人都要RM35,而坐的士只需要RM70左右,直接去到酒店門口,如果有兩個人或以上,當然係坐的士啦,既方便又省錢

 

不過坐的士之前要去Budget Taxi櫃台度買飛,個counter就係攞完行李之後行去接機大堂嘅路上,埋到去話佢知你去邊,佢就會打張飛俾你同埋收埋車錢,因為路程唔同,所以唔同地方車費會唔同,不過市中心應該都係RM65~RM70之間。(註:而家馬來西亞幣對港幣匯率大約係2.3~2.4左右)

 

買完taxi飛照佢指示行去3號出口,跟住D人排隊上的士就可以啦。上車前會有工作人員問你攞張飛,因為張飛上面已經寫左你去嘅地方,所以全程唔洗同個司機講,又唔洗再俾錢,到站落車就可以,好方便又唔怕俾人屈。(我地行緊去3號出口等的士果陣,有個的類似的士佬嘅中國人埋黎問我地係唔係要坐的士去市區,我地話已經買左budget taxi,佢就好似嚇你咁話起碼要等一個鐘,其實budget taxi都好多,不停咁有車黎,所以唔洗排好耐就上到車,千其唔好幫襯D自己拉客嘅的士啊。)

 

排緊隊等上的士(註:前面個靚女我唔識架

機場3

 

Budget taxi車票收據,機場去Shangrila Hotel車費RM67.40
的士飛

 

由機場坐車去市區大約一個鐘左右(如果係返工時間就大獲,事關由郊區去市區返工嘅人好多,塞車都塞死你,我估當放工時間由市區去郊區應該都係好塞車)。下午6點半終於到達酒店,攪埋check-in再入房放低行李之後大約7點零。

 

酒店門口

酒店1

 

間房都算幾大間
酒店2酒店4

 

Queen-size大床
酒店3

 

淋浴間好似細佐D
酒店6酒店5

 

吧櫃度有好多好吸引嘅小食,不過超貴,一包M&M都要RM17,點敢食佢
酒店10

 

左邊支evian要成RM24,右邊兩支冇牌子嘅係酒店贈飲

酒店11

 

待續……….

Related Posts Plugin for WordPress, Blogger...
2007年吉隆坡公幹之旅(Day 1 - Part 2)
2007年吉隆坡公幹之旅(預告篇)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁