----------

----------

2007年大阪、京都五天自由行(Day 1–向關西出發)

行程:(930,天晴,氣溫27度)

[10:00](澳門時間)出門口 >> [10:30]飲茶 >> [12:00]澳門機場check-in >> [13:30]飛機起飛 >> [18:00](日本時間)降落關西空港 >> [18:30]辦理入境手續 >> [19:35]乘坐南海電車空港特急至大阪難波車站 >> [20:11]到達難波,步行到酒店 >> [20:50]到達酒店check-in >> [21:30]行道頓堀,食dinner >> [23:00]返回酒店休息

——————–

由於飛機要到中午之後先至起飛,所以可以訓晏d先起身,但因為興奮得滯訓唔著,哈。所以都係起身出去飲茶先。10點半去到金都喜福軒,因為時間尚早所以唔洗等都有位。食到119,都係時間出發去機場啦。去到機場,發現機場南北兩個停車場都full,好彩兜左一陣係南面停車場終於搵到個車位,如果唔係真係唔知點算好。

 

泊好架車拖住行李去到離境大樓,即刻搵旅行社領隊攞機票。呢個package係要去到機場佢地職員先會俾張機票你架,領隊仲會同你辦埋登記手續同行李托運,不過返黎果程就要自己攪。

 

123入到候機室冇咩做,於是入去貴賓室度飲下野睇下書仔。等到1點鐘終於上得機,原來班機有兩個日本5天團。飛機係1點半起飛,比原定時間只係遲左5分鐘。

 

Air Macau橙色飛機,角度唔靚影唔到機身側面
飛機1


去大阪要坐成三個半鐘飛機,都幾悶下,唯有一邊等食飛機餐一邊睇下本旅遊書解下悶。等左差唔多個半鐘,終於開餐啦。

 

飛機餐,照燒雞肉飯,幾好味,不過返黎都係食同一味
飛機2


食完飯填埋張入境表,一定要填齊所有資料,如果唔係入境果陣d職員會叫你行開去填返好。

 

日本時間下午6,飛機終於到達關西空港,由於6點鐘已經天黑,所以起係人工島上嘅機場係咩樣都睇唔清楚。落左機等左一陣就攞到行李,再行一陣就到入境counter,不過發現咁大個空港原來只開得3個入境counter,條龍排到好長,好彩早到,只係排左半個鐘就攪掂,後面果d睇怕都要排成鐘先入到境啦。早排睇新聞話日本入境要打手指模,原來係關西空港入境仲未有咁嘅需要。

 

入左境之後,係詢問處見到第一個kawaii日本小姐,同佢爹左一輪(英文),然後照佢教路去左travel agentcounter買第二日去京都坐嵯峨嵐山小火車1050分班車嘅車飛。跟住係左手邊扶梯上二樓轉右直行去南海電鐵同JR售票處,係JR售票處買埋第三日環球影城嘅入場券,然後去南海電鐵售票處買機場至難波嘅來回車飛。

 

735坐南海電鐵空港特急去難波,不過架車只得小貓三幾隻,睇怕間公司都係蝕錢多。

 

南海電鐵空港特急列車,車頭好似鐵人28,好有型

南海電車1

 

 

南海電鐵空港特急列車車內
南海電車3


810到達難波車站,出左車站,向心齋橋方向行,一出門口就見到0101大廈,右邊有戎橋筋商店街同南海通商店街,沿住戎橋筋商店街直行,行左大約10分鐘就到左道頓堀。不過認錯路兜左差唔多20分鐘,最後問人先搵到酒店,原來酒店就係道頓堀傍邊,行去道頓堀只需要1分鐘,行去心齋橋都係1分鐘,行去難波地鐵站2分鐘,行去黑門市場大約15分鐘,行去難波南海車站大約10分鐘。

 

南海通商店街入口(由南海電鐵難波車站出口望過去)

難波道頓堀心齋橋一帶1

 

戎橋筋商店街入口(由南海電鐵難波車站出口望過去)
難波道頓堀心齋橋一帶2

 

南海電鐵難波車站,夜景(由戎橋筋商店街望過去)

難波道頓堀心齋橋一帶10

 

南海電鐵難波車站,日景(由戎橋筋商店街望過去)

難波道頓堀心齋橋一帶16

 

戎橋筋商店街,其實條條商店街都差唔多樣,只係將條街加建左個上蓋,兩邊開晒唔同類型嘅店舖,整個難波-道頓堀-心齋橋購物區就係由呢d有蓋嘅步行街組成
難波道頓堀心齋橋一帶17


850係酒店check-in,終於入到房。日本嘅酒店房果然係好細,不過裝修得好靚感覺好舒服。

 

我地住嘅Cross Hotel正門

難波道頓堀心齋橋一帶12

 

由酒店望出去嘅御堂筋大街
難波道頓堀心齋橋一帶11


欣賞完間房同安頓左行李之後,9點半就落去道頓堀行下同食dinner啦。道頓堀只係好細嘅一條街,主要部分只有百幾米長,不過就集中左好多得意嘅食野同賣野嘅店舖,晚晚都有好多人架。

 

戎橋,位於戎橋筋商店街、心齋橋商店街、道頓堀的交界處,而家啱啱做緊美化工程,整好之後應該好靚。呢度係睇人嘅好地方,因為唔同類型嘅人都集中晒係呢度,有等緊朋友嘅年青人,有等緊團友嘅旅行團遊客,有成班著晒返工套裝嘅OLOM,有著住校服同超短裙打扮妖野嘅學生妹,仲有好多著晒黑色西裝好似黑社會嘅人士成晚企係度唔知做咩( 單身 女士千其唔好一個人行呢度,因為呢d人一見單身女仔行過就會上去唔知同佢講咩,而果d女仔就係咁急急腳走人,唔知係唔係想搵佢地拍AV??)。

難波道頓堀心齋橋一帶3

 

道頓堀景一

難波道頓堀心齋橋一帶4

 

道頓堀景二

難波道頓堀心齋橋一帶5

 

 

道頓堀景三

難波道頓堀心齋橋一帶14

 

赤鬼燒章魚丸,好似好出名,因為好多人排隊買

難波道頓堀心齋橋一帶6

 

另一間燒章魚丸,叫做本家,雖然好似街邊檔,不過一樣好多人排隊買

難波道頓堀心齋橋一帶23

 

拉麵店出面嘅自動售票機,要食咩先入錢然後按想要嘅拉麵就有張飛出黎,跟住攞俾佢地就可以架啦

難波道頓堀心齋橋一帶8

 

呢碗係四天王拉麵嘅拉麵,好大舊叉燒
難波道頓堀心齋橋一帶9

 

行完道頓堀,食完燒章魚丸同拉麵就沿住千日前商店街、南海通商店街、戎橋筋商店街兜左個圈,最後返回戎橋,11就返酒店沖涼休息,完成第一日行程啦。

Related Posts Plugin for WordPress, Blogger...
2007年大阪、京都五天自由行(Day 2–遊覽京都嵐山 [Part 1])
2007年大阪、京都五天自由行(費用篇)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁