----------

----------

2007年大阪、京都五天自由行(Day 2–遊覽京都 [Part 2])


1055,小火車到站上車啦。

 

 

小火車黎啦
京都41


坐嵯峨小火車同係台北瑞芳坐小火車去十分好相似,都係一邊係山一邊係溪流,不過係嵯峨野嘅風景就靚好多啦。

 

 

山下溪流

京都42

中途嘅車站

京都43

嵯峨野除左坐小火車之外,仲可以坐船漂流,沿途見有好多架船,好似好正,不過要用成兩個鐘先漂玩,唔夠時間玩,下次去再玩呢樣

京都44

沿途風景
京都46京都45

 

車廂內,企係度個kawaii日本妹妹仔係幫人影相架,不過唔知幾錢張,如果佢問你你可以唔影嘅;仲有前面開車個車長沿途會一路唱d日本歌,好過引架,聽講佢好出名架,同埋好多電視台都訪問過佢
京都47


113小火車終於到達終點站龜岡,呢度好似係農村,周圍好多田。出左車站照指示牌行去JR馬堀車站,大約行10~15分鐘就到。由於馬堀唔係大站,所以火車班次唔係咁多,要等到1152先有車去京都站,而且只係普通車,要坐差唔多半個鐘先到。

京都48

 

124左右終於到左京都站,跟住先去10樓嘅京都拉麵小路醫醫肚。

 

京都站入面

京都53

 

京都站出面

京都52

京都拉麵小路

京都49

揀左一輪最後食左呢間(見最多人排隊

京都50

兩大碗拉麵,分別係800円同850円,d蛋好好味,但雲吞就唔係好掂
京都51


食完野再係京都站入面個伊勢丹空中走廊行左一陣,不過冇咩好睇,跟住1點半左右就係車站門口度個巴士站坐100號巴士去清水寺,由京都站去清水寺坐左3個字車(因為好多紅綠燈,等轉燈都用左一半時間)。坐巴士單程一律收費220円,上車前要準備好散銀,到站落車就放入收銀箱。如果冇散銀都唔緊要,車上有部自動唱錢機,放入紙幣就會同你唱散佢架啦。因為今次係京都計劃只會坐一至兩程車,所以冇買pass,如果有打算係京都市內去多個景點,而且需要坐多程巴士嘅話,可以係巴士站個售票處買張巴士1日券,售價500円。

 

19左右巴士到左五條坂站,按鐘俾錢落車(車上有顯示下一站名稱,而且呢個站好多人落)。跟住行返轉頭去到個十字路口,見到對面有牌寫住清水寺,過馬路直上斜路就係。其實清水寺附近嘅指示牌唔係太清楚,好多分叉路口都冇指示牌,所以最好揸住地圖對準方向行就穩陣d

 

由巴士站行斜路上去清水去都行左成3個字

京都54京都56京都55

 

去京都有唔少女遊客鍾意試下著住和服去參拜

京都57

清水寺入口

京都58京都70京都59

清水寺入面
京都60京都61京都62

 

清水寺本堂

京都63京都64京都65京都66

地主神社

京都67

地主神社入面嘅戀占之石,好多日本學生妹玩

京都68

音羽之滝,去清水寺必飲
京都69


清水寺大約行左兩個鐘,39左右離開清水寺之後,沿清水坂、三年坂、二年坂行去八坂神社,沿途有好多店舖好多野睇同好多野買,大約行左一個鐘多d

 

 

清水寺對出嘅清水坂

京都71

三年坂(產寧坂)

京都72

八坂神社側門
京都74京都75


5左右離開八坂神社,一出正門就係祇園嘅四條通大街,然後行去花見小路通(由八坂神社正門向前行左手面第一條街,百年面油紙王對面)睇下有冇藝妓,可能太早冇咩野睇。跟住係祇園行行下,見有間叫茶寮都路里嘅舖頭好多人排隊,見d綠茶雪糕好似好好味,於是又排埋一份,不過食落唔好味嘅,最後連相都冇影。跟住再行多陣,去到四條大橋附近見對面有好多人排隊,行過去睇下原來係排隊買燒丸子,於是又排埋一份,不過埋到去佢好似用日文問要咩醬,今次冇野可以指唔識點溝通,好彩最後總算買到幾串熱辣辣嘅串燒小丸子黎試下,真係幾好味,不過貴左d

 

 

祇園(由八坂神社正門影過去)

京都76

花見小路通

京都77

偷影到藝妓

京都78

祇園一段

京都79

好多人排隊買燒小丸子,不過好似全部都係日本人

京都80

燒緊嘅小丸子,好好味
京都81


從祇園過左四條大橋之後就係京都嘅商業中心區河原町,只係一河之隔但係呢度嘅繁華同對岸祇園至清水寺一帶嘅古色古香有好大分別。呢區只係去左河原町通同新京極通附近行下買下野,其實同心齋橋冇咩分別。行行下都唔係咁想行,於是到7點半左右去左旅遊書介紹嘅魚心壽司食King-sized壽司,原來都唔係好貴,食飽飽都係3千幾円。

 

 

好大舊鰻魚壽司

京都82

蝦壽司
京都83

 

原本計劃係京都玩到10點先返大阪,但係見河原町冇咩好行,於是食完壽司就決定走人。本來諗住係京都站坐JR火車返梅田,不過行行下發現原來河原町係阪急電車京都嘅總站,雖然行車時間耐d,不過唔洗坐車去京都站轉車咁麻煩,所以最後決定係河原町直接坐阪急電車返去梅田。

 

入到月台,最快班車係838嘅快速急行,用左45分鐘就返到梅田,然後轉地鐵去難波站,10點返到酒店,跟住沖涼休息,完成第二日行程啦。

Related Posts Plugin for WordPress, Blogger...
2007年大阪、京都五天自由行(Day 3–環球影城)
2007年大阪、京都五天自由行(Day 2–遊覽京都嵐山 [Part 1])

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁