----------

----------

2007年東京公幹之旅(Day 3)- Part 2

下午2點返到酒店,換完衫之後就先坐地鐵去銀座,由水天宮前去銀座要去三越前轉銀座線,不過中間要行成400米路,好長,車程加行路時間total用左15分鐘。

 

銀座中央通

銀座中央通1

 

Fancl Square,係地鐵銀座線銀座站嘅銀座四丁目交差點出口一出黎就係(向南行少少)

Fancl 1

 

Fancl門口,地下賣護膚品,不過唔係好大,先入去幫人掃貨,只係照單拾藥,好快就攪掂走人

Fancl 2

 

掃完Fancl再向南行,仍然係銀座中央通

 

第二站係Burberry日本旗艦店,係銀座八丁目,由Fancl行三個街口對面馬路就係

Burberry 1

 

Burberry Blue Label,係地下負一層,好多講廣東話嘅人係入面買嘢,呢度原來唔俾影相,影影下俾佢sales發現,好彩冇叫我delete

Burberry 2

 

呢度雖然係旗艦店,不過手袋款式都唔係好多,受人所託我地兩個人total買左三個袋,扣埋稅九萬幾円。記得帶護照去,俾錢果陣俾本護照佢,就會同你扣埋稅收net數,唔洗去其他地方退稅架。

 

買完Burberry再行下隔離間toy park,因為有幾袋嘢在手,所以決定行返去銀座四丁目交差點個地鐵站坐地鐵返酒店放低D嘢先。

 

銀座中央通,時間係下午4點11分,呢個時節東京好早天黑,四點幾就已經開始黑啦

銀座中央通3

 

另一個方向嘅銀座中央通

銀座中央通5

 

銀座四丁目交差點地鐵站

銀座中央通4

 

銀座四丁目交差點

銀座中央通6

 

由於唔想再係三越前轉車,因為要行400米路先轉到車,所以決定行過去少少嘅丸之內線銀座站坐丸之內線去大手町站轉半藏門線返酒店。

 

去到地鐵站入口附近,見到有間好大嘅藥房,因為受同事所託要同佢地買D藥同化妝品,但之前都見唔到有大嘅藥房,所以今日見到就拿拿聲入去買左先囉,驚之後買唔到交唔到差嗎。點不知夜晚去新宿果陣先發現新宿超多藥房,梗有5,6,7,8間係你左右,成個新宿可能有成二十間,入去夾下價先發現原來同一間藥房,新宿D貨平好多架,化妝品仲平成30%,因為新宿有得7折,銀座就冇,今次真係慘.…..,自己買貴左都話姐,同人買貴左真係個心好唔舒服。

 

所以各位千其唔好學我地咁蠢,東京買藥最好去新宿買,因為藥房數量好多,價錢一定平,其他地方就算有,都唔係好多。(因為時間關係其實都唔係去過好多地方,不過所到幾個地方都唔係太多藥房,包括日本橋、銀座、六本木、涉谷同埋上野,都係一間起兩間止,上野多少少都係見過三間左右)

 

五點半返到酒店,因為行到出晒汗又有D累,所以先沖個涼抖抖先,七點左右先去食dinner。今次大會每人派左一張dinner餐券,可以去酒店入面任何一間餐廳食一餐set dinner,黎到日本當然係選擇去食日本餐啦,聽講呢餐要成萬幾円

 

好好味魚生

晚餐1

 

睇返都想再食,仲有好多道菜架,呢度只post兩張出黎
晚餐2

 

食完dinner之後,八點左右就出發坐地鐵去新宿(坐半藏門線去大手町站轉丸之內線到新宿三丁目站落車,全程連等車約30分鐘),一出黎,嘩,好多人同埋……藥房

 

新宿街頭

新宿街道2

 

新宿橫街

新宿街道1

 

歌舞伎町門牌,其實每條橫街出口都有呢個牌

歌舞伎町1

 

歌舞伎町內

歌舞伎町2

 

風俗情報館?
歌舞伎町3

 

新宿比起涉谷仲多人,而且有好多旅行團遊客黎,特別係歌舞伎町一帶。呢頭好似主要得三大類店舖:食店、藥房同埋風俗XXX。

 

難得見到間生果店,最後買左一盒三個嘅富有柿,500円

生果店

 

新宿車站附近

新宿車站外2

 

新宿車站外
新宿車站外1

 

今晚冇咩心機同精力行,一來係之前買貴左嘢唔開心,二來可能係感冒開始黎緊唔係太舒服,所以10點幾就坐地鐵返酒店休息啦。

Related Posts Plugin for WordPress, Blogger...
2007年東京公幹之旅(Day 4)- Part 1
2007年東京公幹之旅(Day 3)- Part 1

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁