----------

----------

2008年秋季京阪神紅葉+白浜溫泉之旅(第八天) – 黑門市場、Rinku Premium Outlet (完)

2008122
大阪 > Rinku Premium Outlet > 關西空港 > 澳門

 
終於到左旅程最後一日,今日會坐夜晚八點鐘飛機回澳,所以仲有大半日時間可用,不過今日都冇Plan去遠既地方,主要會去黑門市場買返一d只可以臨上機前先可以買既生果帶返澳門,然後就去最後一站 – Rinku Premium Outlet搏殺。

 
因為黑門市場位於難波,所以要由梅田坐地鐵到心齋橋。去到心齋橋之後,先去好多人都話好食既神座拉麵食早餐,不過食完覺得佢d拉麵一d都唔好食,唔好話攞佢同一蘭或者一風堂黎比,就算之前係梅田食既一間不知名食站既拉麵都仲好食過佢。

 
食完早餐之後,就行過去黑門市場,因為上次去大阪時已經行過幾次,所以唔洗睇地圖,好快就行到目的地啦。

 
早上既黑門市場

黑門市場1
當造富有柿,平均95円(大約8蚊澳門元)一個,平過澳門買好多架

黑門市場2
士多啤梨,雖然冇東京築地買既咁平,不過都好抵

黑門市場3
買完生果之後返到酒店執埋野都係時間Check-out,因為Rinku Premium Outlet就係機場附近,所以我地會先到機場放低行李,再坐穿梭巴士去Rinku Premium Outlet。而今次我地唔坐火車,因為坐火車要行好多樓梯,黎果陣領教過,攞住大件行李都幾辛苦。所以今次改坐機場巴士去機場,巴士站就係梅田大阪新阪急隔離,拖住行李行路面唔洗上上落落。去到發現原來巴士站係冇人賣飛架,只得自動售票機,單程每人1,300円。買完飛等一陣就有巴士,而且架車冇咩人坐,大把位任坐。由大阪去關西空港行阪神高速,唔洗一個鐘就到。

 
關西空港內幾個不同地點都有呢d Locker,睇下機場平面地圖好容易就搵到架啦,中Size400円一日,大Size就要400円一日,如果係26吋喼要大Size Locker先放得入。

機場Locker
Rinku Premium Outlet既穿梭巴士就係地下果層(即係入境大堂果層)出面既12號乘車處,每50分鐘先有一班,錯過左就要慢慢等。

SkyBusStopSkyBus
Rinku Premium Outlet風景

Rinku Outlet1Rinku Outlet2Rinku Outlet3
Rinku Premium Outlet內食左呢杯GODIVA雪糕朱古力

Godiva
Rinku Premium Outlet行左足足三個幾鐘,不過都係冇咩收獲,一來d款唔啱,二來價錢唔係好平。六點鐘返到機場Check-in,再食埋今次係日本最後一餐,就同日本暫時講聲Bye-bye啦,下次再見. . . . .

 
關西空港內食既日本最後一餐蟹肉壽司飯
機場Dinner

Related Posts Plugin for WordPress, Blogger...
2008年秋季京阪神紅葉+白浜溫泉之旅(第七天) - 姬路城、神戶

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁