2008年秋季京阪神紅葉+白浜溫泉之旅(第七天) – 姬路城、神戶

2008121
梅田 > 姬路 > 姬路城 > 神戶 > 三宮、元町 > 神戶港 > 大阪

 

今日既行程係先去參觀世畀文化遺產姬路城,再去神戶食神戶牛和睇夜景。

 

去姬路坐JR特急要差唔多一個小時,單程車票好似要大約1,000円,所以用2,000円買返張一日關西JR-West Rail Pass用黎去姬路、神戶,再返大阪有著數,可以節省差唔多三分之一車費。

 
呢張關西JR-West Rail Pass係買既時候要即時填上姓名、護照Number以及使用日期,所以最好等真正用果日先係車站既JR Counter購買,以免因臨時改變行程而造成浪費。張飛唔可以拆出黎,入車站時唔係行入閘機,而係行傍邊既通道,只需要俾工作人員睇下張卡就可以架啦。

JR Pass
坐一個鐘車只係睇一個景點都幾浪費時間架,不過話晒係日本著名景點,又係世畀文化遺產,都算值得。

 
由JR姬路駅望過去,遠處個城就係姬路城,一直行10-15分鐘就到架啦。

姬路
國寶姬路城,先係出面影返張先。

姬路城1姬路城2
姬路城近鏡

姬路城4
呢個係團體照指定影相地點

姬路城3
姬路城城門

姬路城5
姬路城主樓

姬路城6
姬路城主樓頂層

姬路城7
從姬路城頂層望出去既景色

姬路城8
參觀姬路城需時兩小時,我地由11點行到中午1點,參觀完後就急急腳坐返JR去神戶。點解咁急?因為趕住去食神戶牛Lunch囉。聽講食神戶牛係Lunch時間食會平過晚飯時間好多,所以我地都專登選擇係中午去食。又係聽人講呢間叫Mouriya (神戸ステーキレストラン モーリヤ)既好好味,所以去到神戶三宮站落車之後,就跟住地圖去搵佢。

 
出左JR三宮駅沿三宮本通商店街或者Central St.向神戶駅方向行,冇幾耐就會見到呢個街口,前行50米 就到Mouriya架啦

神戶2
Mouriya就係呢座大廈三樓

神戶牛5
Mouriya店內,可能已經係下午2點幾既關係,店內只得唔夠10個食客,可以坐係度睇住廚師整俾我地食

神戶牛4
Mouriya三宮店有個識講國語既姐姐仔,所以唔洗雞同鴨講,經佢介紹,我地Order左兩個Set,分別係唔同部位既神戶牛,呢度就係兩個Set加埋既份量黎架啦,唔好睇佢只得咁少啊,一個Set要成4,800円,所以呢餐食左9,600円,都算幾豪架啦。

神戶牛1
先黎個南瓜湯,好味

神戶牛2
跟住個廚師會一邊整一邊俾你食,除左牛之外仲有幾件配菜,之後仲有碗飯送埋架,不過份量真係唔足夠囉。

神戶牛3

呢餐食左差唔多一萬円,不過覺得味道麻麻,而且又唔飽,唯有出去搵野食啦。神戶一帶都唔係太啱我地行,我地只係三宮、元町附近行下,去完中華街食左d小食,跟住就由元町駅坐一個站JR到神戶港。去到神戶港,發覺都係冇咩特別,又搵唔到啱食既野,所以係神戶港影左幾張神戶夜景之後,決定返回大阪。

 
神戶風景,隨便影幾張交差。

神戶3神戶4神戶5神戶6神戶7
因為今晚係旅程last night,又因為中午果餐神戶牛實在令人失望,所以返到大阪之後,我地決定到道頓堀既道樂蟹,食返餐好既。

 
上次去大阪時幫襯過道樂蟹,果次叫左Set網燒會席,可惜因為自己唔係太識點燒,整出黎唔係太好味。吸取左上次經驗,今次決定叫一Set Sabu Sabu既,另外再叫燒好左既蟹腳,再加一Set蟹膏壽司,呢餐果然係……正!

 
先黎頭盤…蟹刺身

道樂蟹1
Sabu Sabu…

道樂蟹2道樂蟹3
呢份係另外order既網燒蟹腳

道樂蟹4
呢碗係用鐹底剩餘物資煮成既蟹粥

道樂蟹5
呢份係蟹膏壽司,食到中途先記得影相

道樂蟹6
最後仲有呢個綠茶雪糕

道樂蟹7
呢個係道頓堀橋對開既大屏幕,每隔一段時間就會由廣告轉為橋上即時實況,我地今次被安排坐二樓窗口,對正橋同屏幕,可以一邊食野一邊睇野。

電視
呢餐食得好滿意,而且都只係8千円。食完今次日本最後晚飯,係時候返酒店pack行李啦。

fb share

如果喜歡這篇文章,請點個「讚」吧!

fb share

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share