----------

----------

2008年東京春季賞櫻+溫泉之旅(第三天) – 上野恩賜公園、迪士尼樂園

2008328(上午天晴,下午有雨,氣溫9~16度)

行程:上野恩賜公園 _ 迪士尼樂園 _ 新宿

 

今年可能好多人都俾東京嘅天氣玩死,本來今年天氣比上年凍左,人人都估今年櫻花會比往年遲開,我地出發之前都係咁諗架,點知去到3月尾東京嘅氣溫突然回暖,攪到D櫻花突然間開晒,比上年仲早左開花。

 

原先我地係計劃盡量等到最後果幾日嘅行程先去睇櫻花架,點知係日本夜晚睇電視見到有報導上野公園嘅櫻花已經滿開,仲影到好多人去左賞櫻花添,所以我地亦都將個行程做左改動,將原來計劃係41先去嘅上野恩賜公園改係今日去先。

 

去上野可以係新宿坐山手線,唔洗轉車,大約25分鐘就到。由於中途用左一D時間去左小田急旅遊服務中心買定之後去箱根嘅車票同Free Pass,所以差唔多9:30先去到上野。之後就先去左一蘭拉麵食左個拉麵做早餐,再入去上野恩賜公園睇櫻花。

 

一蘭嘅拉麵果真幾好味,不過就貴D,呢碗就要950円

一蘭拉麵

 

野恩賜公園上年12月頭都黎過,當時係紅葉季節尾,仲可以見到小小紅葉,今次黎到發現原本兩邊係紅葉樹嘅動物園通變成一條好靚嘅櫻花大道。

 

今次去到野恩賜公園動物園通見到嘅景色

上野恩賜公園1上野恩賜公園2

 

再黎多張密D

上野恩賜公園3

 

大路兩邊一早就俾人霸晒位,應該係等到夜晚開賞櫻Party

上野恩賜公園4

 

野恩賜公園最靚嘅櫻花地帶主要集中係動物園通,另外清水觀音台嘅櫻花因為有間寺廟襯托,亦都好靚,我地大約行左一個鐘多D就走啦,因為仲要趕住去迪士尼樂園玩啊。

 

由上野去迪士尼我地坐地鐵日比谷線去到八丁堀再轉JR京葉線去舞濱站,係東京要轉車最好係搵D細站,因為行少D,如果去東京站呢D大站轉車,一定會行到腳仔軟架。

 

JR舞濱站落車就係迪士尼架啦,不過要睇清楚,左邊去Disney Sea,右邊先係去Disneyland。去到迪士尼已經係中午12點左右,於是拿拿林爭取時間入去玩囉。不過入到去真係被佢嚇一跳,超多人,度度都要排好長龍,連係車仔檔買個雪糕都排左成15分鐘,我地去果日已經係星期五,如果星期六日可能仲多人啊。

 

JR舞濱站門口

JR舞濱站

 

迪士尼樂園入口

迪士尼1

 

迪士尼樂園內,唔知點解呢一區同大阪環球影城好似一模一樣咁

迪士尼2

 

迪士尼樂園城堡

迪士尼3

 

BB車停泊區

迪士尼4

 

由於人太多,所以都玩得唔係太多遊戲。好多人都話東京嘅迪士尼好玩過香港果個,我自己就覺得香港迪士尼好D,其實東京果個都幾舊,D設施其實都out out地,而且亦冇咁靚。另外東京迪士尼入面冇乜指示牌,每個設施出門又冇牌介紹,好多時都唔知自己身在何處

 

迪士尼5迪士尼6

 

下午3點半有個大巡遊,好早已經霸晒位

迪士尼7

 

等等下開始有點雨點,死! 冇帶傘

迪士尼8

 

大巡遊

迪士尼8迪士尼9迪士尼10迪士尼11

 

雨中迪士尼樂園

迪士尼12 

大巡遊係微雨中進行,大約進行左半個鐘,但係大家都好守秩序,坐定定睇完先走去搵地方避雨。不過D雨落下停下又再落下咁,而且越落越大,係咁嘅情況下唯有提早走人,大約5點就離開迪士尼坐車返去,最後又返返新宿D百貨公司同商場Shopping,就算出面落雨都唔怕,不過原來打算去千鳥淵睇櫻花嘅行程就要被迫押後囉。

Related Posts Plugin for WordPress, Blogger...
2008年東京春季賞櫻+溫泉之旅(第四天 [1]) - 井之頭公園、吉祥寺、新宿御園
2008年東京春季賞櫻+溫泉之旅(第二天[2]) - 淺草寺、隅田川遊覽船、台場

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁