----------

----------

2008年秋季京阪神紅葉+白浜溫泉之旅(第四天)III – 海舟:溫泉&晚飯

因為check-in時預約左8點先食晚餐,返到酒店仲有成三個鐘時間,唯有先係酒店內周圍行下浸下溫泉先。呢間酒店其中一個特色就係大堂有個地方,放左好多和服係度,有不同款式,住客可以隨便取來穿著,所以每浸完一次溫泉搵一次衫都冇問題架,我地都換左幾套,最後check-out時房入面就留低成房和服係度

 
其實選擇住海舟,其中一個重要原因都係受佢既溫泉吸引,海舟總共有六個溫泉,包括一個室內男湯(入面其實又分為三個唔同既池,仲有一個桑拿房),一個室內女湯,三個露天貸切風呂(每個都對正大海,設計又各有特色,只要冇人用就可以免費包起自己浸晒),同埋一個超靚海景既男女混浴溫泉,全個白浜好似只此一個,不過浸果陣當然要有野遮掩重要部位啦

 
咁多唔同既溫泉,要全部浸晒都花左唔少時間。以下係偷偷地影返黎既溫泉照片,有D係當晚浸時影,而有一D係第二朝浸時影架。

 
溫泉區入口

海舟溫泉1
進入露天溫泉區既入口,因為行出室外,所以要換上拖鞋

海舟溫泉7

 
每個貨切風呂出面都有個咁既牌,個牌黑色字“空…..向外時表示冇人用緊,只需要將個牌返轉,令紅色字“只今使用中向外就可以包房自己慢慢浸架啦,不過浸完走時記得再轉返個牌喎. . . . . . . . . .
海舟溫泉6
露天貨切風呂之一 – 石匠の湯

海舟溫泉4

 
露天貨切風呂之二 – 岩戶の湯

海舟溫泉2

 
露天貨切風呂之三 –梅香の湯

海舟溫泉3

 
呢個就係全酒店最靚景既男女混浴露天風呂,叫做浜千鳥の湯,從外面都可以望到溫泉裡面架,不過有野遮住都唔怕俾人望到重要部位既

海舟溫泉5

 
係男女混浴露天風呂浸溫泉需要用一塊布遮住重要部位,塊布可以係進入溫泉區既走廊度自取,進入男女混浴露天風呂前係更衣室圍上就可以架啦

海舟溫泉9

 
呢個係休息室,浸完溫泉可以坐係度抖抖,除左有水飲之外,仲有綠茶味同牛奶味兩款雪條任食架,牛奶味果隻好好味

海舟溫泉8

 
浸完溫泉又周圍行行睇睇之後,終於等到食飯時間啦,酒店既dinner時間分為兩更,分別係5:308: 00,當check-in時要選定。海舟既晚餐全部都係要去佢餐廳入面食架,冇得係房度進餐。

 
先來前菜,仲有杯好味梅酒…..

海舟晚餐1海舟晚餐2
再來蟹肉豆腐湯

海舟晚餐4

 
跟住係主菜新鮮魚生船,有好多種類架

海舟晚餐3海舟晚餐5

 
之後仲有火鍋

海舟晚餐6海舟晚餐8
仲跟埋飯添,不過已經好飽啦

海舟晚餐7

 
餐晚飯整體黎講真係唔錯。食完飯返房抖抖,臨訓前又浸多次溫泉。可能第一次開咁長途車既關係,今晚訓得非常之林

Related Posts Plugin for WordPress, Blogger...
2008年秋季京阪神紅葉+白浜溫泉之旅(第五天) - 海舟早餐、三段壁、千疊敷、ToreTore市場
2008年秋季京阪神紅葉+白浜溫泉之旅(第四天)II - 浜千鳥の湯.海舟、白浜

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁