----------

----------

《2009年聖誕首爾之旅》- 第二天(1) – 遊覽南怡島

20091223(星期三),天晴,氣溫:around零度

 

今日主要係去南怡島,聽講係一處因為拍攝韓劇《冬季戀曲》而出名嘅地方。按照旅遊書介紹,由首爾去南怡島主要有兩種方法,一種係由首爾坐火車去加平,再轉坐的士去,另一種就係直接係仁寺洞坐巴士去,不過每日只得一班車。為免交通麻煩,我地前一日已經去左買定飛(詳細介紹可參考第一天內容)。因為巴士會係上午九點半出發,所以我地八點九出門口,由酒店坐的士直到去仁寺同塔洞公園。

 

架巴士就停係公園旁邊面向仁寺洞街果邊嘅馬路邊,車身大大隻字寫住仁寺洞至南怡島船著場(日文),好易搵架。因為我地前一日已經俾晒錢買左套票,所以只需要將張收據俾個司機,等佢係張list搵到個名,跟住佢就俾左一set正式車票同入場券我地。

南怡島巴士1

 

 

見仲有時間,而且車程都要差唔多1.5小時,所以先去附近M記買早餐上車食。

 

可能唔係旺季,架巴士只係坐左一半乘客,而司機亦係九點半準時開車。經過大約個半小時車程,巴士終於抵達南怡島嘅碼頭啦。落車嘅時候司機會叫大家三點半返黎落車地點,之後四點準時開車返回首爾,不過佢係用韓文講架,我地都係聽其他乘客翻譯。

 

南怡島碼頭嘅巴士乘車處就係南怡島購票處隔離,架巴士會一直停係度,等到四點鐘。

南怡島巴士2南怡島巴士3

 

 

因為我地已經買左套票,所以直接入去等船。南怡島係係河上嘅一個小島,由碼頭坐駁船五分鐘就到架啦。

 

本來以為去南怡島可以睇到雪景,可惜天公唔做美,我地係韓國呢幾曰並冇雪落,當然冇雪景可睇,只係見到水池結冰。

 

如果遇到適合時間,南怡島會係影相幾靚嘅地方,例如深秋紅葉季節以及滿佈積雪嘅時候。如果唔係呢D時節,風景只係一般。介紹就唔多講啦,大家睇相算啦。

南怡島1南怡島2南怡島3南怡島4南怡島5南怡島6南怡島7南怡島8南怡島9南怡島10南怡島11南怡島12南怡島13南怡島14南怡島15南怡島16南怡島17

 

 

其實南怡島面積都好細,基本上三小時已經行晒。因為返回仁寺洞嘅巴士係四點先開車,所以唯有被迫留足五小時。另外,島上面並冇乜嘢食店,多數遊客(包括我地)都只係食燒餅同公仔面充饑。

 

回程嘅時候,除左原來乘客之外,亦都有一D坐返回首爾嘅乘客上車,所以架車坐滿晒。司機係四點鐘準時開車,不過由於首爾市區放工時間好塞車,所以用左兩小時先返到仁寺洞。

 

待續. . . . . .

Related Posts Plugin for WordPress, Blogger...
《2009年聖誕首爾之旅》- 第二天(2) - 夜遊東大門、光化門廣場
《2009年聖誕首爾之旅》- 第一天(2) - 景福宮烤肉店

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁