----------

----------

《2009年初秋北海道自駕之旅》- 第七天(2) – 美瑛全景之路

美瑛駅以北就係另一條風景路線 – “全景之路

 

美瑛,尤其是係全景之路上嘅好多景點,都只係一D山丘甚至只係路邊嘅名木(即係一棵樹),所以唔會有電話number,只可以用Map Code黎導航,而偏偏我地架車嘅GPS冇輸入Map Code嘅功能,所以係全景之路都來來回回行左好多回頭路。

 

雖然路邊不時有 一兩 塊指示牌,只可惜呢D指示牌指D唔指D,好多時一個路口有,跟住佢向前行到下一個路口時又冇再指示。經過一輪研究,後來發現個汽車導航地圖上係有顯示名木嘅位置,不過就要zoom到最大先有,所以都可以用手指click地圖位置黎設置目的地。只可惜發現呢樣嘢嘅時候,我地已經差唔多去晒要去嘅景點

 

全景之路上嘅第一個景點 亞斗夢之丘,位於237號國道旁邊。

亞斗夢之丘1亞斗夢之丘2亞斗夢之丘3

 

Ken & Mary之木。如果搵唔到位置可以輸入佢旁邊果間店舖嘅電話number

Ken & Mary之木

 

北西之丘展望公園

北西之丘展望公園1北西之丘展望公園2北西之丘展望公園3

 

親子之木. . . . .

親子之木1親子之木2

 

可能好多人見到上面呢兩張相都會覺得有冇攪錯呢,呢三棵睇落就黎枯死嘅樹都算係名木?冇錯,佢地的而且確真係!我自己都唔信,所以行左兩次,第一次冇睇GPS因為冇Map Cod功能),去到以為唔係,跟住走人,之後發現地圖上有親子之木嘅名,咪用手指係地圖上click落去等GPS帶我地去,點不知去到又係呢度,而且睇真個地圖真係顯示我地就係親子之木嘅位置。

 

其他名木. . . . .

全景之路1全景之路2

 

可能俾人太過渲染,所以對富良野同美瑛嘅風景抱有太大期望,只可惜最後都係感到失望。唔知係唔係季節唔啱,富良野同美瑛,尤其是係美瑛嘅田園景色,並唔係覺得好靚。

 

中午過後,個天開始轉黑。所以係大約12點左右,我地離開美瑛,取道旭川行道央高速公路返回札幌。

 

由美瑛去旭川並唔太遠,只需大約20分鐘車程。我地先到旭川車站到此一遊,順便食埋午餐。

 

係旭川車站食左碗味道麻麻嘅旭川拉麵

旭川拉麵

 

食飽飽,係時候起程啦。

 

道央高速公路旭川鷹栖入口

道央高速公路1

 

上左高速公路冇幾耐,個天終於落雨啦,仲越落越大。傾盤大雨之下只可以放慢行車速度,但係平均都有80 -90公里。原來行高速公路由旭川去札幌真係好快,係咁大雨嘅情況下都只係需要兩小時就到。

 

雨中高速公路

道央高速公路2

 

本來諗住趁未夠鐘還車可以去埋札幌附近嘅羊之丘,可惜雨實在太大,所以決定取消個行程,先揸架車去Cross Hotel check-in先。

 

待續. . . . . .

Related Posts Plugin for WordPress, Blogger...
《2009年初秋北海道自駕之旅》- 第七天(3) - 札幌Cross Hotel、狸小路、北海道前浜料理
《2009年初秋北海道自駕之旅》- 第七天(1) - 四季彩之丘、拼布之路、千代田之丘、三愛之丘

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁