《2009年聖誕首爾之旅》- 第三天(2) – 南大門、明洞o’sulloc tea house

遊覽完古蹟，下午嘅行程又返回現代都市行街shopping啦。首先搭地鐵去會賢站，一出黎就係南大門市場，係賣各式平價雜貨嘅地方，真係乜都有得賣，可惜睇唔啱，一樣嘢都冇買到。

其實南大門市場就係明洞購物區隔離，只係隔左一條大馬路。係南大門市場行左一陣，見冇嘢啱睇所以行返去明洞。

今日係平安夜，所以係明洞成街都係人，人迫人好辛苦。

所以行左幾間舖頭有少少收獲之後，搵左一間叫o’sulloc嘅餅店飲下嘢食件餅hea下

呢幾日係街上見到好多人都攞住一盒蛋糕，原來韓國人興聖誕節食蛋糕慶祝，而且D蛋糕仲整得好靚架。

High tea完先返酒店放低嘢順便又休息左一陣，黃昏時候出發去南山首爾塔。

待續. . . . . .