----------

----------

《2009年初秋北海道自駕之旅》- 第三天(2) – 函館、Comfort Hotel Hakodate

係北海道,國道以及道道嘅質量都非常之唔錯,雖然國道限速50公里,不過一般係郊外行80~ 90公里都唔係問題,不過係有民居嘅路段最好唔好超過 60公里,因為可能有測速,我地就俾警察叔叔捉左一次超速(詳情等第六日行程先慢慢講)。所以今次六日車程都好少行高速公路,除左由小樽去富良野以及返回札幌果兩程,因為果兩程所經過嘅路段太多城鎮,行國道太難超速,而且又多紅綠燈位。

 

係郊外嘅國道同道道上雖然都不時有紅綠燈位,不過呢D紅綠燈需要過馬路嘅人按掣先會轉燈,所以一般都係長綠。除左某D重要路段之外,國道同道道一般都係雙線雙向行車,即係有對頭車,中間用黃實線或者白色虛線隔開果種。係白色虛線嘅路段可以爬頭,不過最好等到有一段大直路,確定好遠之外嘅對面線冇來車,先好爬,同埋亦要留意你後面有冇車爬緊頭,爬頭時亦記得要打燈。

 

由登別至函館之間雖然有一段高速公路,但係高速公路只係去到八雲為止,所以行高速公路所減少嘅行車時間並唔係太多,而且道南嘅5號國道經過嘅城鎮並唔係太多,所以行國道同行高速公路嘅時間相差無幾。另外,從大沼公園至函館之間有一段叫函館新道嘅免費高速公路,都可以慳到一D行車時間。

 

由於係室蘭搵地球岬阻左D時間,再加上落雨關係,所以比原定預算遲左到達函館,下午4點半左右先到今晚入住嘅Comfort Hotel Hakodate

 

Comfort Hotel Hakodate正門(第二朝影)

Comfort Hotel-門

 

Comfort Hotel Hakodate房間

Comfort Hotel-房

 

Comfort Hotel Hakodate洗手間

Comfort Hotel-洗手間

 

同札幌比較函館嘅酒店都平好多,今次住呢間叫Comfort Hotel Hakodate7,500函館朝市きくよ食堂早餐每人1050,即係淨房價只係5400,好抵住。而泊車要另外俾錢,泊酒店停車場(室外,係離酒店100外嘅一塊空地)一晚500円。

 

係酒店check-in完之後仍然不停落雨,根本冇辦法去景點遊覽,所以決定去室內嘅地方行下。

 

海鮮市場,位於金森倉庫隔離(海鮮市場側邊有個停車場,下午6點之後係免費架,如果去金森倉庫一帶可以泊係呢度。)

海鮮市場-1

 

海鮮市場裡面,係購買手信嘅集中地。

海鮮市場-2

 

金森倉庫,多數賣工藝品,冇咩特別嘢值得行。

金森倉庫

 

雖然個天不停落雨明知上山都唔會有機會睇到夜景,但係一場來到而且係函館只會停留一晚時間,今晚唔去都唔知幾時先有下次機會,所以都係決定上函館山撞下機會。如果係日間,可以自己開車上去函館山,不過下午6點之後就唔得,只可以坐纜車上山。函館山纜車站外面有免費停車場,可以泊低架車。函館山之前記得係酒店大堂攞返張割引券啊,又或者上佢網下載都得。

 

上到山上果然不出所料. . .你睇,當晚著名嘅函館山百萬夜景就只得. . .

函館山

 

睇唔到函館山夜景係今次旅程嘅最大遺憾,不過個天要咁都冇法子啦,唯有去食返D好嘢補償返。係網上見過好多人推介函太廊壽司,今晚就決定食呢間。上函太郎個網頁並未發現佢有割引券之類,不過原來佢都有一個每人送一碗蟹湯嘅割引券架,呢張割引券我地係係函館山纜車站度發現架,應該其他地方都會有。

 

其實函館市區真係好細,函太郎雖然係海邊,但係由函館山纜車站出發唔洗10分鐘車程就到架啦,而且佢有自己停車場,泊車絕無問題。函太郎嘅壽司真係好正,用料好新鮮,我就最中意佢嘅帶子,真係好好味好有口感。而且佢嘅價錢好抵,可能係迴轉壽司站,價錢大眾化,絕對超值。可惜掛住食唔記得影相,走嘅時候又因為落雨睇唔到外面。

 

第三天行程結束。

Related Posts Plugin for WordPress, Blogger...
《2009年初秋北海道自駕之旅》- 第四天(1) - 函館朝市、函館市內
《2009年初秋北海道自駕之旅》- 第三天(1) - 登別地獄谷、室蘭

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁