----------

----------

《2009年聖誕首爾之旅》- 第三天(3) – 南山、明洞

南山係位於明洞南面嘅一座山,而首爾塔就係座落於山上。上南山一般會坐纜車上去,以前由明洞去纜車站需要行一段10幾分鐘嘅斜路,而家起左一條南山傾斜電梯,可以坐上去纜車站,舒服好多。南山傾斜電梯位於南大門路近隧道口嘅路邊,由明洞站行去的話,先向南大門方向行,到到大路口時再轉左(南面),然後直行就會見到架啦,路程大約需時10分鐘。

南山1南山2南山3南山4

南山5南山6

 

 

因為係平安夜,上南山嘅人好多,所以排左超過20分鐘隊先上到纜車。纜車係由山腳去南山公園,如果要上首爾塔,要另外買飛。因為上塔係坐升降機,每次只可以載10幾人,所以又要再排15分鐘隊。

南山7南山8

 

 

 

* * * * *

 

 

南山公園並唔係好大,我地只係用左兩小時就行完,其中有差唔多一半時間用係排隊上。落返山腳我地又返去明洞搵地方食晚餐啦。

 

其實明洞地方好細,撞啱聖誕節人人都黎晒明洞,比起下午更加人山人海,今次真係唔洗自己行,因為其他人會推住你向前。

明洞11明洞12明洞13

 

 

想搵食飯嘅地方,但係間間都爆晒,最後去左一間叫鳳鄒嘅食醬油粉絲雞,不過人太多,等左40分鐘先有位。鳳鄒似乎又係獨孤一味,人人都係叫一碟雞,睇個樣以為唔辣,但其實都係有少少辣。

鳳鄒

 

 

雖然係平安夜,但係好多舖頭都係冇延長營業時間,尤其係百貨公司,照樣係一早關門,但係條街又係一樣咁多人架喎。十點幾之後,連街邊小販都開始收檔,所以又係時間返酒店訓覺囉。

明洞14明洞15明洞16明洞17明洞18明洞19

 

 

第三天行程完結

Related Posts Plugin for WordPress, Blogger...
《2009年聖誕首爾之旅》- 第四天 - 鷺梁津水產市場
《2009年聖誕首爾之旅》- 第三天(2) - 南大門、明洞o’sulloc tea house

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁