《2009年初秋北海道自駕之旅》- 第六天(3) – 民宿Woody Life

睇左旅遊書猛話去富良野或者美瑛一定要住民宿，唔係就等於冇去過咁話，所以咪試下搵間黎住下囉，其實住民宿絕對唔平，分分鐘同住溫泉旅館差唔多價錢，可能因為細規模，唔收貴D根本維唔到皮啦。

今次我地選擇左呢間叫Woody Life嘅民宿，因為網上有唔少人都推介，而我地最終決定入住Woody Life嘅主要原因，係因為貪佢有獨立浴室。

雖然網上好多人介紹過Woody Life，不過都冇清楚講明佢座落嘅住置同埋附近環境情況，所以我地原本以為佢係座落係離開大路嘅地帶，可以享受鄉村嘅寧靜，點知去到先發現情況同想像完全唔同。

原來Woody Life就係正237號國道旁邊，如果由上富良野向美瑛方向行駛，一過左深山峠休息站，右手邊路邊就係。以地理位置黎睇，住Woody Life嘅好處係地方好易搵，但係缺點就係太接近大馬路，感覺冇咩安全感，而最大問題係夜晚有車經過時真係好嘈。

由於係淡季，所以當晚只得我地兩個客人，另外仲有幾個日本人，不過就唔知係客人定係民宿主人嘅朋友。我地訂左一間小木屋，係佢網站內叫做1階建。由於冇其他人住，所以我地可以自己選擇一間。

小木屋嘅外型，總共有兩間，形狀係相同架，不過一間係一張雙人床，另一間係兩張單人床。

小木屋入面，非常之細，個廁所就更加的色。

之前係網上聽講Woody Life入面係百冇，沖涼液、洗頭水、牙膏、牙刷通通需要自備，不過去到發現啱左一半，原來廁所入面有沖涼液、洗頭水，而牙膏、牙刷、毛巾就需要自己帶去。

Wood Life嘅住宿費每人6,000円，我地用e-mail [woodylif@d9.dion.ne.jp]訂房時要求訂埋晚餐同第二朝早餐，需要另外計錢，早餐每位1,000円，晚餐1,500円。當初訂埋晚餐係因為怕夜晚搵唔到地方食飯，所以決定係民宿食埋，不過食過之後，發現Wood Life晚餐嘅黑咖哩飯，絕對係佢嘅重要賣點，不可不試，因為真係超好味。

係房度休息左一陣已經到6點半，係開飯時間啦。

呢度就係Woody Life嘅飯廳啦。

飯廳另一角

先來個蛋花湯，好好味。

主菜 – 黑咖哩飯，超好味，唔食走寶。

飯後甜品. . . . .富良野哈密瓜

飯廳每張枱都有一本簿俾住客寫下感受，雖然唔知呢位住客寫D咩，不過從圖畫黎睇應該係讚緊佢嘅黑咖哩飯。

由於連日來行程緊密，開始感到有D累，而且富良野一帶嘅公路並冇街燈，路面又窄，開車出去好似有D危險，所以食完飯之後決定返房沖涼，然後一早訓覺，抖足精神。

以下幾張係第二朝影嘅Woody Life相片。

從小木屋望過去，招牌隔離就係公路，相距只有大約50米。

行去Wood Life飯廳嘅入口

Wood Life飯廳門口

Wood Life傍邊有間叫“貝之館”嘅超細私人藝術館

Wood Life後面有一塊屬於民宿主人浜本先生嘅薰衣草田，可惜已經收割晒。

第六天行程結束。