----------

----------

《2009年初秋北海道自駕之旅》- 第六天(3) – 民宿Woody Life

睇左旅遊書猛話去富良野或者美瑛一定要住民宿,唔係就等於冇去過咁話,所以咪試下搵間黎住下囉,其實住民宿絕對唔平,分分鐘同住溫泉旅館差唔多價錢,可能因為細規模,唔收貴D根本維唔到皮啦。

 

今次我地選擇左呢間叫Woody Life嘅民宿,因為網上有唔少人都推介,而我地最終決定入住Woody Life嘅主要原因,係因為貪佢有獨立浴室

 

雖然網上好多人介紹過Woody Life,不過都冇清楚講明佢座落嘅住置同埋附近環境情況,所以我地原本以為佢係座落係離開大路嘅地帶,可以享受鄉村嘅寧靜,點知去到先發現情況同想像完全唔同

 

原來Woody Life就係正237號國道旁邊,如果由上富良野向美瑛方向行駛,一過左深山峠休息站,右手邊路邊就係。以地理位置黎睇,住Woody Life嘅好處係地方好易搵,但係缺點就係太接近大馬路,感覺冇咩安全感,而最大問題係夜晚有車經過時真係好嘈

 

由於係淡季,所以當晚只得我地兩個客人,另外仲有幾個日本人,不過就唔知係客人定係民宿主人嘅朋友。我地訂左一間小木屋,係佢網站內叫做1階建。由於冇其他人住,所以我地可以自己選擇一間。

 

小木屋嘅外型,總共有兩間,形狀係相同架,不過一間係一張雙人床,另一間係兩張單人床。

Woody Life2

 

小木屋入面,非常之細,個廁所就更加的色。

Woody Life3

 

之前係網上聽講Woody Life入面係百冇,沖涼液、洗頭水、牙膏、牙刷通通需要自備,不過去到發現啱左一半,原來廁所入面有沖涼液、洗頭水,而牙膏、牙刷、毛巾就需要自己帶去。

 

Wood Life嘅住宿費每人6,000円,我地用e-mail [[email protected]]訂房時要求訂埋晚餐同第二朝早餐,需要另外計錢,早餐每位1,000円,晚餐1,500円。當初訂埋晚餐係因為怕夜晚搵唔到地方食飯,所以決定係民宿食埋,不過食過之後,發現Wood Life晚餐嘅黑咖哩飯,絕對係佢嘅重要賣點,不可不試,因為真係超好味

 

係房度休息左一陣已經到6點半,係開飯時間啦。

 

呢度就係Woody Life嘅飯廳啦。

Woody Life4

 

飯廳另一角

Woody Life5

 

先來個蛋花湯,好好味。

Woody Life6

 

主菜黑咖哩飯,超好味,唔食走寶。

Woody Life7

 

飯後甜品. . . . .富良野哈密瓜

Woody Life8

 

飯廳每張枱都有一本簿俾住客寫下感受,雖然唔知呢位住客寫D咩,不過從圖畫黎睇應該係讚緊佢嘅黑咖哩飯。

Woody Life9

 

由於連日來行程緊密,開始感到有D累,而且富良野一帶嘅公路並冇街燈,路面又窄,開車出去好似有D危險,所以食完飯之後決定返房沖涼,然後一早訓覺,抖足精神。

 

以下幾張係第二朝影嘅Woody Life相片。

 

從小木屋望過去,招牌隔離就係公路,相距只有大約50

Woody Life10

 

行去Wood Life飯廳嘅入口

Woody Life11

 

Wood Life飯廳門口

Woody Life12

 

Wood Life傍邊有間叫貝之館嘅超細私人藝術館

Woody Life13

 

Wood Life後面有一塊屬於民宿主人浜本先生嘅薰衣草田,可惜已經收割晒。

Woody Life14

 

第六天行程結束。

Related Posts Plugin for WordPress, Blogger...
《2009年初秋北海道自駕之旅》- 第七天(1) - 四季彩之丘、拼布之路、千代田之丘、三愛之丘
《2009年初秋北海道自駕之旅》- 第六天(2) - 富良野:彩香之里、北星山町營薰衣草園、富田農場、日之出公園、Flower Land

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁