----------

----------

《2010年新春台北之旅》- 第二天(1) – 前往烏來

[ 2010215 (星期一,年初二);天陰有雨;氣溫:around 13]

 

今日會由台北去烏來,因為唔洗趕時間,所以打算11點先chech-out丹迪旅店嘅房租係包埋早餐所以起身之後先落地下飯廳食早餐。早餐係自助餐形式,不過食物只有幾款,味道過得去咁啦。

丹迪旅店(12)

 

因為第三晚會再返丹迪旅店住多晚,所以我地將大件行李寄存係旅店,只帶少少嘢入去烏來。

 

出發之前係澳門上網搵過資料,好多人話由台北去烏來最慳時間嘅方法係先坐捷運到新店站,然後由新店站坐公車到烏來。由於係假期關係,我地估計會有好多人去烏來,如果係新店上公車一定唔會有位坐,所以決定直接係台北車站附近嘅公車總站坐公車。

 

公車站就係公園中央健康保險局嘅馬路邊,由台北車站捷運站八號出口行出路下圖1,然後向住同車站大樓相反嘅方向直行就係,距離大約只有250。首先會經過台北市政府警察局中正第一分局下圖2~3,警察局斜對面馬路有一個巴士站下圖4,綠色牌果個門口就係中央健康保險局其中一個門口,呢個站係公車由總站開出之後嘅第一個站,可以係度上車,不過總站只係前少少,所以最好行去總站上車。係警察局過馬路繼續向前直行,就會見到中央健康保險局另一個門口下圖5),係呢度向前行10幾米就係公車總站啦,車站前面有間M記。

台北往烏來(1)台北往烏來(2)台北往烏來(3)台北往烏來(4)台北往烏來(5)台北往烏來(6)台北往烏來(7)

 

我地113到公車站,當時除左我地只有另外3個人上車。坐公車可以用悠遊卡,上車時拍一次卡,到落車時要再拍一次扣錢。

台北往烏來(8)台北往烏來(9)台北往烏來(10)

 

(更新: 由台北車站去烏來的公車NUMBER已經由1601號改左做849號,只係改左個NUMBER,其他野冇變。)

 

因為係年初二假期嘅關係,所以台北市區路上唔係好多車,架公車除左停站同埋紅燈訂車之外,都行得好順暢,由台北車站去到新站捷運站用左45分鐘時間,如果坐捷運,由台北車站到新店站大約25分鐘,快一半左右。

 

雖然係總站只得5個人上車,不過一路上都不斷有人上車,到達新店站之前已經冇晒座位,而且亦已經企左好多人。公車停靠新店站嘅時候,已經見到好多人排緊隊等上車,好彩我地選擇係總站上車,唔係都幾慘。由新店站到烏來嘅車程大約35分鐘,不過全程山路,又上又落,企足全程腳都軟

台北往烏來(11)台北往烏來(12)台北往烏來(13)

 

公車係烏來嘅總站係烏來老街附近,如果入住烏來璞石麗緻或者春秋烏來(現稱:馥蘭朵烏來渡假酒店),可以係總站之前個車站落車,呢兩間酒店就係公路旁邊。如果坐公車返台北,就要去返總站等車,因為係路邊車站上車係旺季應該好難有位坐。

台北往烏來(14)台北往烏來(15)

 

可能係因為落雨關係,烏來山腰上漂浮住好多雲霧,空氣好清新,一落車即係吸多幾嗒。而且又見到又清又綠嘅河水,不過第二日走嘅時候發現河水由墨綠色變左做泥黃色

烏來(1)

 

待續. . . . . .

Related Posts Plugin for WordPress, Blogger...
《2010年新春台北之旅》- 第二天(2) - 烏來老街
《2010年新春台北之旅》- 第一天(4) - 美麗華影城

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁