----------

----------

《2010年新春台北之旅》- 第三天(1) – 烏來泰雅婆婆、五分埔shopping

[ 2010216 (星期二,年初三);天陰有雨;氣溫:around 13]

 

因為係山上而且又落雨嘅關係,呢一晚訓得好舒服,訓左足足12小時。因為尋晚領教過佢嘅食物,所以今朝都唔敢再去食旅館嘅早餐。起身之後再浸多次溫泉,大約11點就check-out走人。

 

因為未食早餐,所以返到烏來老街之後我地先去搵地方食嘢。按照旅遊書介紹,我地去左泰雅婆婆美食店。叫左竹筒飯、排骨湯、麻油雞同埋一碟清炒龍鬚菜,總體味道一般啦,食左NT$440

烏來(39)烏來(40)烏來(41)烏來(42)烏來(43)

 

係泰雅婆婆美食店食完早+午飯之後,再去食買多次好好味嘅山豬肉香腸,之後就行去公車總站準備坐公車返台北。係公車總站有好多的士係度搵客,當我地排隊等車嘅時候,就有個的士司機黎問我地坐唔坐,每人收NT$200,由烏來去到新店捷運站,不過就要上齊四個人先走得。因為當時啱啱走左一部公車,所以決定坐的士出去,慳返一D時間。個司機好快又搵到另外两個乘客,夠人可以開車。坐的士由烏來去到新店客運站大約需時20分鐘,比起公車快15分鐘左右。

 

因為要去台北車站地下街嘅李儀餅店買手信,所以先由新店站坐捷運直去台北車站,車程大約25分鐘。係李儀餅店落左單,叫佢地係第二日中午送去丹迪旅店。之後再上去微風台北車站行下,上面有間專賣日本得意產品嘅商店,中山站上面嘅SOGO頂樓亦有分店,而且面積仲大。

 

行完微風台北車站差唔多三點,於是沿中山地下街行返去中山站,不過呢條地下街完全冇嘢睇架。

 

下午三點半再次返到丹迪旅店check-in去到職員已經幫我地辦好手續,攞返之前寄存嘅行李之後就入得房。今次入住嘅係最高級嘅精緻雙人房,入到房真係好大驚喜,感覺好正。房間介紹係第一天行程中已經講左,呢度就唔再重複啦。

 

而今日下午嘅主要節目係去五分埔shopping五分埔係位於捷運後山埤站附近嘅平價成衣市場,就係饒河街夜市附近。從捷運後山埤站1號出口出到地面之後,行向馬路對面嘅萊爾富,再行過另一條馬路對面嘅康是美就係架啦。

五分埔(1)

 

康是美對面有間鬍鬚張魯肉飯,見到當然入去食下嘢先啦,佢除左魯肉飯出名之外,豬手同雞湯都好好味架,我地叫左三樣盛惠NT$155

鬍鬚張(1)鬍鬚張(2)鬍鬚張(3)

 

五分埔係由永吉路、松山路、松隆路、中坡北路所圍成嘅地帶,由多條横街窄巷所組成,而大部份横街都加裝左簡單嘅上蓋,所以即使好似我地果日落到咁大雨都可以係入面shopping

五分埔(2)五分埔(3)五分埔(4)五分埔(5)

 

係五分埔行左唔係好耐,買左幾件衫之後就走人啦,下一站係去西門町。

 

待續. . . . . .

Related Posts Plugin for WordPress, Blogger...
《2010年新春台北之旅》- 第三天(2) - 西門町睇戲
《2010年新春台北之旅》- 第二天(4) - 烏來三好米溫泉會館

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁