如何通過樂天網預訂台灣酒店(廣東話版)

相信好多人都試過係日本樂天網預訂日本酒店，但其實樂天網除左可以預訂日本國內酒店住宿之外，亦提供日本以外世界各地酒店嘅網上預訂服務。

同預訂日本酒店一樣，通過樂天網預訂其他地方酒店，同樣可以等到入住當日才以現金或信用卡係酒店付款，唔需要好似其他訂房網站咁要求係訂房時即時用信用卡過數（不過仍然有部份酒店需要係訂房時以信用卡支付）。所以，通過樂天網預訂酒店，可以更具彈性，如果行程有變或訂房後想改變住宿酒店，只需要係期限前通過網上辦理取消手續就可以。

對於澳門、香港自由行人士常去嘅台灣、南韓、泰國、馬來西亞、新加坡、印尼等旅遊熱門地點，都可以通過樂天網訂房。另外，香港以及中國內地嘅酒店亦可以用樂天網預訂。

通過樂天網預訂日本以外地方嘅酒店嘅方法，基本上與預訂日本國內酒店相同，但某D細節可能唔同地方會有所唔同。

本篇為大家介紹通過樂天網預訂台灣酒店嘅方法，其他地區嘅訂房方法亦大致相同。

【Step 1】 進入樂天網主頁後，click右上角嘅「海外ホテル」（海外住宿）icon，即下圖中紅框位置。

【Step 2】 網頁內提供四種搜尋住宿酒店嘅方法，包括：

(1) 通過係選單中選擇目的地、住宿日期、住宿人數以及房間數目等條件直接搜尋符合條件嘅酒店（不過由於某D地區嘅名稱只以日文片假名書寫，搵起上黎可能有D不便。）；

(2) 直接輸入酒店名稱搜尋指定酒店（可以輸入英文或中文名稱）；

(3) 係地圖上直接click住宿地區嘅icon；

(4) 直接click熱門城市搜尋該城市嘅酒店。

如果你冇指定酒店，咁使用第(1)種方法搜尋酒店會比較簡單方便。以下假設使用呢種方法搜尋南韓首爾明洞區嘅酒店。目的地設定為：アジア(亞洲) >> 台湾 >> 台北 >> 中正区。

【Step 3】 設定條件搜尋酒店後，系統會列出符合條件嘅酒店清單。酒店清單可以選擇根據唔同標準排序，包括：(a) 按價格由低至高或由高至低排列；(b) 按酒店名稱順序或倒序排列(唔係按英文字母)：(c) 按酒店星級由高至低排列；(d) 按住客(樂天會員)評分由高至低排列；(e) 按房租折扣率由高至低排列。酒店清單內會顯示酒店嘅星級、住客評分、地址、附近地鐵站及地鐵站離酒店路程等資料。另外，亦會顯示房租支付方式（オンラインカード決済=網上信用卡付款 / 現地決済=現場結算(即係入住時以現金支付)）。

【Step 4】 從酒店清單中click酒店名稱之後，即可進入酒店資料嘅詳細頁面（以下選擇我今年年初到台北住嘅丹迪旅店天津站）。同日本國內酒店一樣，大多數酒店都有樂天會員住客嘅評價及評分（不過丹迪仲未有人評分）。評分最高係5分，分別就服務(サービス)、位置(立地)、房間(部屋)、設施(設備・アメニティ)、溫泉/浴室(風呂)、餐飲(食事)六個項目進行評分，酒店清單顯示嘅係平均得分。如果決定訂房，先click「宿泊プラン一覽」icon，進入住宿計劃一覽表。

【Step 5】 選擇需要嘅房間類型，樂天網只提供丹迪旅店嘅精緻客房(プレミアダブルルーム)與精緻雙人房(プレミアツインルーム)，標準客房並冇提供。

留意：

(i) 由於大部份酒店星期六嘅房租較平日高，所以如果未設定入住日期，一般房租會顯示由最低至最高嘅range，一般平日房租會係最低個價，而星期六同埋假期就會係最高果個。想知道有冇房以及當日房價，可以click橙色按鈕。

(ii) 如果搜尋時已設定入住日期、人數以及房間數目資料，咁就會直接顯示當日實際房租，而且檢查空室嘅橙色按鈕會變成紅色予約按鈕（因為唔需要再check有冇房）。

【Step 6】 Click左檢查空室嘅橙色按鈕（假設冇按入住日期search），會以日曆顯示各日空房情況以及各日房價。日曆上圓圈代表有房，交叉代表冇房。

【Step 7】 Click入住日期之後會顯示訂房資料，確定check-in與check-out日期無誤後可以去下一步，正式訂房。

【Step 8】 進入樂天網訂房程序（如果之前已經按入住日期search，咁click入紅色予約按鈕之後會直接黎到呢頁）。係呢個step需要輸入樂天會員資料，如果已經係會員，請輸入登記時使用嘅e-mail和密碼，再按下面個掣去下一步。同預訂日本國內酒店唔同，預訂國外酒店只限於會員使用，唔接受非會員訂房，所以如果唔係樂天會員，需要先進行會員登記。樂天會員登記方法介紹，請參閱「登記為樂天會員」一文。如要直接進入樂天會員登記頁面，可click here。

【Step 9】 以會員身份登入後進入訂房程序step 2。係呢個step需要輸入以下資料：

(A) 住客姓名；只需要其中一位住客，輸入英文名（要與passport上相同）。
(B) 輸入住宿嘅男女住客人數。
(C) 輸入聯絡電話。
(D) 輸入住客聯絡電郵。
(E) 輸入到達酒店check-in嘅預計時間。
(F) 顯示結算方式。
(G) 輸入信用卡資料（酒店並唔會從你張信卡收取房租，不過如果你冇入住而且又冇係規定時間內辦理取消手續，咁就會從信用卡charge你罰款。）。
(H) 收取訂房confirmation嘅電郵地址，預設係會員登記電郵，但亦可以輸入另一電郵。
(I) 確定所有資料正確無誤後，即可按下紅框內個掣進行預約。

【Step 10】 訂房手續完成，跟住會顯示予約編號，然後有一封訂房confirmation寄到你嘅電子郵箱。

取消訂房嘅做法，與取消日本國內酒店預約嘅步驟相同。請參閱「通過樂天網預訂日本酒店」一文中最後部份嘅內容。

台北各區酒店推介：

台北酒店推介 – 西門町附近

台北酒店推介 – 台北車站附近

台北酒店推介 – 中山區

台北酒店推介 – 忠孝東路沿線

台北酒店推介 – 捷運文湖線復興路沿線

如果覺得本文有用，請幫忙按一下底下的facebook或者google圖案，分享給其他人呀！