----------

----------

2012年京阪之旅(Day 4[下篇] – 日產租車難波OCAT店還車)

去到大阪只係12點幾仲未夠鐘可以check-in,於是我地先開架車去Hotel Vista Grande Osaka放低行李。(想睇酒店介紹嘅朋友可以去睇我呢篇住@大阪Hotel Vista Grande Osaka)

2012年京阪之旅Day 4_Pic272012年京阪之旅Day 4_Pic28

 

然後再係大阪市內兜下,想睇下邊度有櫻花開左,不過兜左幾個地方都唔見有,大阪城、造幣局嘅櫻花通通都仲未開嚎啕大哭。算吧,呢兩日大阪主打shopping算啦。

 

兜完一輪個天開始有D雨點,所以都係先還左架車再算。還車地點係難波JR駅地下負一層(B1層)嘅日產租車なんばOCAT店,因為間店唔係街舖,要駅入地庫停車場,所以係京都攞車果陣,個職員已經俾左張地圖我,仲好有心機咁教左我點入去,不過聽左都唔係好明害羞

 

行完一次之後覺得其實都唔係好難,下面用圖解方式講解一下,如果你又係咁啱係日產租車,又咁啱係呢間難波OCAT店還車,希望可以幫到你啦。

 

下圖係難波OCAT周邊嘅街道圖,如果你由千日前通方向駛黎,就應該靠左行(圖中橙色線),係出入口處按紅色線駛入停車場入口,落到去就係B1層。如果你係由圖中下方駛黎(紫色線),應該先靠右線行,係中間出入口處轉右過線,按紅色線駛入停車場入口。

日產租車難波OCAT店_Pic01

 

下面呢張圖片就係出入口處嘅實景,圖片來自Google Map實景照片嘅截圖。

日產租車難波OCAT店_Pic02

 

下面呢張係日產租車俾嘅難波OCAT地下停車場B1層嘅平面圖,入到去可以將車暫時停係紅框位置,最好有個人睇住架車,然後搵個人由玻璃門入去,照箭咀咁行去租車店Counter叫人黎接收架車。

日產租車難波OCAT店_Pic03

 

____________________

 

還左架車我地就沿住地下街行返去難波,途中見到有間鰻魚飯專門店,於是就食左呢個饅魚飯做午餐。

2012年京阪之旅Day 4_Pic30

 

呢日之後嘅行程,全部都係心齋行街shopping,所以冇影到相,唯一係影左呢間g.u.,佢係Uniqlo嘅平價版副線,價錢比Uniqlo平4成左右,當然質素會差少少,但係都好抵著。間舖頭就係心齋橋步行街,由戎橋向北行200米左右就會見到。

2012年京阪之旅Day 4_Pic31

 

g.u.心齋橋店位置圖

GU心齋橋店

 

講開g.u.,不如講埋Uniqlo啦,以前係心齋橋,都會去佢係難波0101上面果間分店,不過呢間舖面積好細。今次發現原來Uniqlo係心齋橋開左另一間好大嘅分店,有四層,貨物品種齊好多。Uniqlo心齋橋店就係心齋橘步行街大丸百貨北館斜對面,接近長堀通,由戎橋向北行大約600米左右。不過以而家匯率黎計,Uniqlo日本嘅價錢絕對唔會平得過香港,除非遇正大減價啦。

 

Uniqlo心齋橋店位置圖

Uniqlo心齋橋店

 

Day 4 End…

Related Posts Plugin for WordPress, Blogger...
2012年京阪之旅(Day 5[上篇] - 一蘭拉麵:點樣填寫果張Order紙?)
2012年京阪之旅(Day 4[上篇] - 有馬溫泉)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁