----------

----------

2011年沖繩快閃觀禮之旅(Day 1[上篇] – 那霸空港、國際通)

點解叫做"快閃之旅"?因為旅程實在太短,只係去得果4日,如果扣除左頭尾各半日坐飛機時間,實際係沖繩嘅時間只得兩日full day加兩個半日時間,加埋頂晒隆都只可以話係三日。本黎都想留多幾日玩耐D,不過撞正聖誕節,回程機位日日都full晒,冇計。

 

呢次旅程嘅主要目的,係出席屋企人係沖繩舉行嘅婚禮,所以又叫"觀禮之旅"。婚禮場地會係Day 3行程度post出黎,想睇沖繩教室嘅朋友請留意。

2011年沖繩之旅

 

從香港去沖繩嘅飛機,只有香港航空一間有直飛,其餘嘅ANA同JAL都需要轉機,所以我地當然選擇搭香港航空啦。(Update:而家港龍航空都有機直飛沖繩,想搵香港至沖繩航班同機票價錢,可以Click呢度睇下。)

 

香港航空去沖繩嘅飛機係上午11:10起飛,飛行時間大約只係需要兩個鐘多D,日本時間下午兩點半左右就到。(Update:而家航班時間好似推遲左15分鐘。)

 

沖繩那霸空港嘅規模其實都唔細,不過同國內線相比,國際線大樓就相當細啦,國際線大樓只係單層建築,入境同出境係同一個地方,而且候機室只有一個,即係話同一時間只可以處理一班出發航機的旅客。

 

呢度係國際線大樓出面,感覺有D似新加坡嘅Budget Airline Terminal。

沖繩那霸空港國際線大樓

註:因為掛住行冇時間影相,唯有係Google Map度截張實景圖片黎頂檔吐舌頭

 

那霸機場離那霸市中心並唔係好遠,而且有單軌火車連結機場同市區,所以由機場去市區相當方便。

 

單軌火車嘅那霸空港總站設係國內線大樓對開,出左國際線大樓之後,大約行3至5分鐘到隔離嘅國內線大樓,照路牌指示上二樓再行過天橋就到。

那霸空港國內線大樓單軌火車那霸空港站

註:因為掛住行冇時間影相,唯有係Google Map度截張實景圖片黎頂檔吐舌頭

 

由於行程緊湊,我地只會係那霸住一晚,我地入住嘅酒店叫Okinawa Nahana Hotel and Spa,位置係正縣廳前駅同旭橋駅中間,由那霸空港駅坐單軌火車,5個站就到旭橋駅,出站之後行5分鐘左右就到酒店。

那霸_Pic01

 

因為忙住攪手續,竟然望記影呢間酒店嘅相,唯有再向Google Map借張酒店外觀相黎用住先。吐舌頭

Okinawa Nahana Hotel and Spa外觀

 

Okinawa Nahana Hotel and Spa其實並唔係我嘅首選,計劃旅程嘅時候其實已經搵左好多那霸酒店嘅資料(註:呢D資料我已經整理成呢篇《沖繩那霸酒店推介》,有需要可以去參考下),本來係想住Hotel Rocore Naha或者Daiwa Roynet Hotel Naha Kokusaidori,不過由於同行嘅部分人會順便去埋大阪,所以買左ANA嘅Package,而Package係那霸嘅酒店選擇唔多,比較理想嘅就只得Okinawa Nahana Hotel and Spa呢一間,所以其他人都唯有訂埋呢間酒店囉。

 

係酒店check-in完安頓好之後,都已經4點幾。因為今次停留那霸嘅時間唔多,所以要爭取時間,即刻出去國際通行街shopping。

 

由酒店行去國際通入口其實並唔遠,只係600米左右,不過今次一家大細有老有嫩,步速較慢,所以都要行10分鐘先到。

 

那霸_Pic02那霸_Pic03那霸_Pic04

 

其實國際通主要都係一條手信街,如果打算買手信,最好係呢度買啦,因為根據夾價結果,同一件商品係其他地方賣嘅價錢唔會平得過係國際通嘅價格。眨眼睛

 

那霸國際通_Pic01那霸國際通_Pic02那霸國際通_Pic03那霸國際通_Pic04那霸國際通_Pic05

 

To be continued…

Related Posts Plugin for WordPress, Blogger...
2011年沖繩快閃觀禮之旅(Day 1[下篇] - 那霸國際通、第一牧志公設市場)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁