----------

----------

2011年沖繩快閃觀禮之旅(Day 1[下篇] – 那霸國際通、第一牧志公設市場)

去國際通除左行街買手信之外,另一個重點就係去第一牧志公設市場。第一牧志公設市場就係國際通中段,係國際通同沖映大通嘅交界處,有一條叫市場本通嘅橫街,裡面係售賣沖繩特產、雜貨嘅地方,由呢度行入去就係第一牧志公設市場。

那霸第一牧志公設市場_Pic01_thumb[2]

那霸第一牧志公設市場_Pic07

 

第一牧志公設市場其實只係一個好細嘅市場仔,感覺上同日本本土嘅市場好唔同,反而有D似台灣嘅街市,所以並冇乜嘢特別好睇。

那霸第一牧志公設市場_Pic02

那霸第一牧志公設市場_Pic03

 

市場分為兩層,下層主要賣海產,而上層係食店,可以係度食嘢,亦可以係下層買左D海產上黎叫食店幫你整。

那霸第一牧志公設市場_Pic04

 

雖然就到食晚餐嘅時間,不過我地都係下層海產店買左D海鮮黎試下,有帆立貝、甜蝦、海膽同海螺微笑,不過唔知係唔係太晏,D刺身並唔係太新鮮。

那霸第一牧志公設市場_Pic05那霸第一牧志公設市場_Pic06

 

食完刺身做點心,我地再係附近行下。每次去日本都習慣行下藥房,不過係沖繩就好少見到藥房嘅蹤影,行晒成條國際通,都只係係第一牧志公設市場附近呢條平和通商店街入面見到有一間。

那霸國際通_Pic07_thumb[3]

 

雖然係12月冬天,不過沖繩天氣都唔會好凍,氣溫大約都係15度左右,日頭只需要著一件薄薄地嘅長袖衫,甚至短袖都OK,入夜之後只要著多年薄褸就已經可以。而天黑嘅時間就同日本其他地方差唔多,大概5點半就開始天黑啦。

 

因為係那霸只留一晚,而且今晚又係係沖繩嘅第一餐,所以打算食好D。聽講沖繩嘅石垣牛同Aguu豬都出名,而呢間叫"守禮"嘅食店,旅遊書介紹係那霸食石垣牛同Aguu豬最好嘅一間,見佢介紹得咁正,就試一試啦,雖然價錢幾貴下。不過,經驗又一次證明,信旅遊書有六成機會撞板嘅呢個定律係冇錯架,尤其係關於食方面。嚎啕大哭

 

"守禮"係國際通有兩間分店,一間係國際通入口附近,而我地食果間位於平和通商店街斜對面,即係旅遊書介紹果間。

那霸守禮_Pic01

 

"守禮"嘅餐牌有中文版,唔怕會點錯菜,因為主打係石垣牛同Aguu豬,所以我地點左一人一個set,總共8個set,一半係石垣牛烤肉套餐,另一半係Aguu豬涮涮鍋套餐。Set嘅份量其實唔多,一個set未必夠一個人食得飽,不過價錢就超貴,最平果種一個set都要4,200円。最大問題係食物嘅味道只係麻麻,石垣牛完全冇牛肉味,口感亦差,Aguu豬口感好D,不過味道亦唔好得去邊。總概黎講:唔值。很遜

那霸守禮_Pic02那霸守禮_Pic03那霸守禮_Pic05那霸守禮_Pic04那霸守禮_Pic06

 

– Day 1 完 –

Related Posts Plugin for WordPress, Blogger...
2011年沖繩快閃觀禮之旅(Day 2[租車篇] - 萬士得租車那霸久米店、沖繩自駕遊Go)
2011年沖繩快閃觀禮之旅(Day 1[上篇] - 那霸空港、國際通)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁