----------

----------

2011年沖繩快閃觀禮之旅(Day 2[上篇] – 那霸波上宮、泊いゆまち魚市場)

係萬士得租車店取車之後,我地就將兩部車駛返酒店門口停低,上埋行李同乘客之後就開始三日兩夜嘅沖繩自駕之旅喇。

 

2011年沖繩自駕之旅Day2上午行車路線

那霸除左國際通之外,仲有幾個景點值得遊覽,所以今日上午我地會先去呢幾個景點,包括波上宮、泊いゆまち魚市場(泊Iyumachi魚市場)同埋世界遺產首里城。上面張圖就係我地今日上午行程嘅路線,詳細D可以睇下面呢個Google Map。

 


在較大的地圖上查看2011年沖繩自駕之旅行車路線和景點位置

 

好啦,第一站我地先去波上宮。波上宮係一個位於那霸北邊海傍嘅神社,距離國際通只有大約1.5公里,由酒店開車過去只需要5分鐘就到,如果行路應該15分鐘都可以到達。

 

波上宮只係一個好細嘅神社,神社前面有個細細地嘅室內停車場,可以泊到幾部車,我地去果陣冇咩人,所以兩架車求其泊都可以。

 

自駕遊參考

波上宮Tel.: 098-868-3697 | 波上宮Mapcode: 33 155 863

 

由呢度上去就係波上宮,私家車可以駛上去架開懷大笑

波上宮_圖1

 

呢個先係神社門口,左手邊係停車場仔。

波上宮_圖2

 

神社內淨手嘅地方,參拜前洗乾淨隻手先。

波上宮_圖5

 

神社主殿,準備定5円大餅喇眨眼睛

波上宮_圖3波上宮_圖4

 

都有好多人黎許願喎

波上宮_圖6

 

每間神社都總有一個賣神符嘅地方,今次買左兩個交通安全平安符掛係兩架車度,點知還車果陣唔記得攞走嚎啕大哭

波上宮_圖7

 

波上宮隔離仲有一間護國寺,不過冇時間,所以唔入去囉。

波上宮_圖8

 

波上宮出面街道

波上宮_圖9

 

 

離開波上宮下一站係去那霸泊いゆまち魚市場(泊Iyumachi魚市場),魚市場係市區北邊嘅那霸港海邊嘅漁船碼頭隔離,由波上宮開車過去大約12分鐘左右,如果行路都幾遠,起碼要行半粒鐘。

 

那霸港景色

那霸港

 

那霸港內嘅漁船碼頭

那霸港漁船碼頭

 

漁船碼頭旁邊係一個魚獲拍賣市場,不過去到果陣太晏已經拍賣完啦。

那霸港魚類販賣市場

 

呢度就係泊いゆまち魚市場嘅正門,出面有好多車位免費任泊,如果full左可以泊去後面。

泊Iyumachi魚市場_圖1

 

自駕遊參考

泊いゆまち魚市場Tel.: 098-868-1096 | 泊いゆまち魚市場Mapcode: 33 216 117

 

同第一牧志公設市場相比,泊いゆまち魚市場大好多,而且呢度賣嘅魚生好新鮮,價錢亦都平好多。不過我地去果陣有一半檔販冇開,唔知係太晏已經收檔定係太早未開檔沉思

泊Iyumachi魚市場_圖2泊Iyumachi魚市場_圖3泊Iyumachi魚市場_圖4

泊Iyumachi魚市場_圖5

 

呢度賣嘅刺身正好多,睇到流晒口水吐舌頭

泊Iyumachi魚市場_圖6泊Iyumachi魚市場_圖7

 

雖然食左早餐冇幾耐,但係一場黎到D刺身又咁吸引,點都有食返夠本。魚市場入面有枱椅可以買左之後坐係度食,筷子、wasabi同豉油碟可以問檔販攞,支豉油就要另買,不過都只係200円。

泊Iyumachi魚市場_圖8

 

係泊いゆまち魚市場刷完餐刺身之後,又係去下一個景點嘅時間喇,呢個景點就係沖繩必到嘅景點:世界遺產 – 首里城。

 

To be continued…

Related Posts Plugin for WordPress, Blogger...
2011年沖繩快閃觀禮之旅(Day 2[中篇] - 世界遺產:首里城)
2011年沖繩快閃觀禮之旅(Day 2[租車篇] - 萬士得租車那霸久米店、沖繩自駕遊Go)

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁