2013年日本關西、北陸賞櫻自駕遊 – Day 3:京都醍醐寺、平安神宮、仁和寺

京都係日本最多賞櫻地點嘅城市,如果係滿開期間,即使停留三、四日都唔嫌多。我們原本嘅planning係打算留係京都三日賞櫻,可惜關西櫻花提早左開,所以臨出發前改左行程,將留係京都嘅日數縮短到一日半。今日嘅行程重點選擇左三個較遲開花嘅京都櫻花名所,其他地方因為櫻花已經一早開晒,去都冇謂啦。

2013年日本關西、北陸賞櫻自駕遊 – Day 3

 

2013.4.7 | 雨、一時晴

 

朝早起身第一時間睇下窗外仲有冇落雨,發現天陰陰但雨又唔怕好大,總算比尋日好好多啦。係京都呢兩晚酒店都有包早餐,今日食左個和式早餐。

2013OsakaTrip_Day3_01

 

櫻花期間酒店大堂每日都會張貼京都主要櫻花名所嘅最新開花情況,不過同實際開花情況似乎有一D出入,下圖見到好多景點都貼左係滿開,但查實已經凋落得七七八八。

2013OsakaTrip_Day3_03

 

另外大堂內亦有提供一D有夜櫻嘅賞櫻地點嘅開放時間資訊。

2013OsakaTrip_Day3_02

 

食完早餐開車向第一個賞櫻名所醍醐寺進發,醍醐寺位於京都駅西邊,開車過去要大約半小時。

2013OsakaTrip_Day3_042013OsakaTrip_Day3_052013OsakaTrip_Day3_06

 

係前往醍醐寺路上嘅時候都仲唔係好大雨,不過一到步雨勢又大起黎,真係掃興傷心。醍醐寺係京都名剎,不過寺院內外因為落雨關係變得一地泥濘。

2013OsakaTrip_Day3_07

 

原本以為呢度嘅櫻花開花期會較長,點知都係已經凋落得七七八八。

2013OsakaTrip_Day3_082013OsakaTrip_Day3_09

 

入寺內要買門票

2013OsakaTrip_Day3_10

 

寺內其實冇乜野睇,櫻花樹比寺外仲少。

2013OsakaTrip_Day3_112013OsakaTrip_Day3_122013OsakaTrip_Day3_13

 

離開醍醐寺我地開車返去京都市中心,目的地係另一個花期較遲嘅平安神宮,而係平安神宮附近,仲有岡崎疏水、蹴上インクライン呢D賞櫻名所,開車經過果陴順便都睇睇,不過花兒都已經凋落。

2013OsakaTrip_Day3_14

 

呢間係平安神宮附近嘅京都美術館,佢有個地下停車場,我地就將架車泊呢度,就算落起雨黎上車都冇咁狼狽。

2013OsakaTrip_Day3_15

2013OsakaTrip_Day3_16

 

美術館同平安神宮之間嘅公園入面嘅櫻花,似乎係今次旅程到呢刻為止睇到開得最靚嘅櫻花,咁好個天又唔再落雨,所以先黎個狂影。

2013OsakaTrip_Day3_172013OsakaTrip_Day3_182013OsakaTrip_Day3_19

 

上年都黎過平安神宮,當時因為太早仲未開花,所以冇入去裡面嘅神苑,今次雖然係倒返轉遲左,但係應該都仲有D花可以睇嘅。

2013OsakaTrip_Day3_202013OsakaTrip_Day3_222013OsakaTrip_Day3_232013OsakaTrip_Day3_242013OsakaTrip_Day3_25

 

平安神宮入面有人扮演古代人,同佢地影返張相先。

2013OsakaTrip_Day3_21

 

入神苑要買飛,大人每位600円。

2013OsakaTrip_Day3_26

 

雖然已經過左滿開,但係神苑入面嘅櫻花都仲幾OK。

2013OsakaTrip_Day3_282013OsakaTrip_Day3_292013OsakaTrip_Day3_302013OsakaTrip_Day3_312013OsakaTrip_Day3_322013OsakaTrip_Day3_332013OsakaTrip_Day3_34

 

行完平安神宮係時候要食中午飯,今餐去河原町間漁心壽司食。

2013OsakaTrip_Day3_352013OsakaTrip_Day3_36

2013OsakaTrip_Day3_372013OsakaTrip_Day3_38

 

食完午飯先係寺町通步行街行下,順便到藥房入貨。去關西如果要買藥品,推荐大家去呢間係寺町通上嘅藥房,佢嘅價格係大阪同京都黎講可以算得上係最平嘅一間,如果星期六黎,仲有9折優惠,超抵。

2013OsakaTrip_Day3_392013OsakaTrip_Day3_40

 

下午我地再去多一個櫻花名所 – 仁和寺。仁和寺嘅櫻花品種屬於較遲開花嘅御室櫻,所以就算其他地方嘅櫻花已經凋落,呢度嘅櫻花都只係開左5分。

 

先去到仁和寺停車場泊好架車

2013OsakaTrip_Day3_41

 

停車場旁邊有檔野賣櫻花盆栽

2013OsakaTrip_Day3_42

 

御室櫻比其他品種嘅櫻花樹矮一D,花係白色嘅,似乎冇粉紅色嘅黎得豔麗。不過因為呢度較遲開花,所以係我地今次係京都見到最靚櫻花嘅地方。

2013OsakaTrip_Day3_442013OsakaTrip_Day3_452013OsakaTrip_Day3_462013OsakaTrip_Day3_472013OsakaTrip_Day3_49

 

入去仁和寺果陣我地係從停車場旁邊嘅側門進入,走嘅時候專登從正門出去順便影個正門。

2013OsakaTrip_Day3_502013OsakaTrip_Day3_512013OsakaTrip_Day3_52

 

離開仁和寺返酒店嘅時候,我地專登兜去哲學之道,不過冇落車,因為呢度D櫻花又係凋落得七七八八,景色唔靚。

2013OsakaTrip_Day3_532013OsakaTrip_Day3_54

 

最後介紹下今晚食D乜,就係酒店對面近鐵京都駅入面呢間江戶川鰻魚飯專門店。

2013OsakaTrip_Day3_552013OsakaTrip_Day3_562013OsakaTrip_Day3_572013OsakaTrip_Day3_582013OsakaTrip_Day3_59

 

– Day 3 完 –

 

>> 返回2013年日本關西、北陸賞櫻自駕遊》總目錄

fb share

如果喜歡這篇文章,請點個「讚」吧!

fb share

14 comments

  • Cane

    各位ching,

    一行6人 (有2個朋友有車牌) 打算安排由關西落機後自駕到白川鄉, 再到高山一宿,
    第二朝高山回名古屋過第二宿.
    第三日由名古屋到和歌山

    明白以上自駕需時稍長, 但是否亦會比搭其他交通工具平 ?

    另想請問問租車網上是否都可選擇租借 ETC 卡 ?

    由關西落白川鄉再回頭到關西, 是否只租 ETC 一種卡就可適合所有高速公路 ?

    謝謝

    • Dilbert MO

      6個人如果租一部七人/八人車連高速公路和油費的費用會比坐火車或者高速巴士平, 最重要是方便少麻煩.
      租車網未必個個都可以租車同時選擇要ETC卡, 但即使租車時不可以選擇, 也可以事後聯絡租車公司安排, 最重要是預先確定你取車的分店是否可以租ETC卡, 因為即使同一租車公司也不是每間分店都有.
      ETC卡所有高速公路都可以用, 但如果你購買中日本的CEP就不可以覆蓋你行程的所有高速公路, 但如果購買ToCoo的TEP, 你行程所有高速公路都可以包括在內.

  • Cane

    我們一行6人, 已選擇由關西落機後就自駕到白川鄉 (有2個司機), 雖然駕車時間長, 但計起搭其他交通, 車費上應該會平好多. 請問對嗎 ?

  • Anonymous

    oh, so good information !!
    Thanks C hing !!

  • Dilbert MO

    三条名店街/ 寺町通/ 新京極商店街/ 錦市場呢一區D商店關門嘅時間唔同,錦市場果D賣食材嘅商店會早close D,一般7點就關門. 但新京極商店街上賣衫賣手信店鋪會晏D先close, 藥房就最晏, 印象中10點之後都仲未close.

    食店相對就會開得夜D, 不過呢度較少有一D賣可以一邊行一邊食嘅食物,多數係入去店內食. 如果想係好夜都仲熱鬧, 可以去鴨川旁邊嘅西木屋町通同先斗町, 不過可能會雜一D.

    三条名店街/ 寺町通/ 新京極商店街/ 錦市場當然唔及心斎橋人多同熱鬧,店舖亦冇咁多,不過我唔係太中意心斎橋咁迫人,反而中意係京都呢區行. 另外如果要去藥房最好係寺町通同新京極商店街之間果間藥房買,比大阪平好多.

    錦市場並冇好似黒門市場咁有生果同魚生買,主要都係賣一D傳統日本食物,而且只係一條比較窄的巷,不過比黒門市場有日本feel. 如果想買生果返去,京都好似冇咩地方.

  • Anonymous

    師兄, 又係我呀,
    plan緊京都行程……

    想問問你, 三条名店街/ 寺町通/ 新京極商店街/ 錦市場……..
    呢d商店街係咪都比較早Close ? 上過d官網, 好似~8:00pm
    d鋪就閉門………. 因為夜鬼, 想7~10pm再行下街(藥房) or
    掃街(邊行邊食)

    另外, 以上幾條商店街, 似唔似心斎橋, 道頓堀嗰種?
    定舊式古老d ?

    再問, 錦市場有冇正生果賣 ?
    見過大阪 黒門市場 有大大粒士多啤梨賣, 又平……..
    但走嗰日在京都, 又唔太想返去黒門市場特登只買士多啤梨….

    Thanks !!!! ^_^

  • Dilbert MO

    你可以用Times個網查到日本各地停車場的資料,不過仲有一D唔係屬於佢網絡的停車場就冇資料,下面條link係大阪市停車場
    http://times-info.net/view/park/map.jsp?prefecCd=27

    黑門市場後面D小路都有一D細細地的停車場,有一D只係30分鐘200yen, 你可以駛入去搵下.

  • Anonymous

    師兄, 又再請教,
    有冇印象大阪 黒門市場 附近有冇平少少嘅停車場 ?
    因為官方嗰個幾貴下, 星期六要20分300円 …..

    另, 己book ブルーウェーブイン四ツ橋, 洒店提携駐車場”長堀駐車場”, 要2500円一晚, 我用Google Map實景望過下, 洒店附近好似有d露天停車場, 24hr最大1000~1800円, 但我懷疑Google Map唔知up唔update …..
    可否幫忙望下? 或有冇d 停車場搜尋網介紹下?

    Thanks !!!!

  • Anonymous

    正呀, thanks for your info !!!!
    我而家放心好多了 …………..

  • Dilbert MO

    去日本我都好中意自駕,因為唔需要去煩D火車資料。
    如果要去天橋立咁遠,應該係有需要自己開車啦。
    清水寺同八坂神社附近有好多泊車地方,最近清水寺而又大D的停車場在五條坂近七味家,不過我通常係泊高台寺停車場,泊了車沿二年坂三年坂行去清水寺沿唔多野睇。
    金閣寺有自己停車場,泊一次好似係800yen
    只要不是祭典期間,遊人都唔會太多,泊車位亦足夠,不過如果是祭典期間情況就不同。

  • Anonymous

    WOO WOO …… THX !

    其實都揸過日本4~5次, 真係試過日本自駕就唔想再撘車, 當中北海道自駕最爽, 但大阪, 京都好多網友叫我唔好揸……. 但因為想帶老婆去天橋立, 所以我諗照揸…. 市區D駐車場都泊過, 第一次盲中中泊, 但幾過引, 係
    京阪D駐車場貴D…….

    想問多少少, 請問清水寺 OR 八坂神社, 附近應該有
    停車場仔 ? 仲有金閣寺停車場 …. 主要都係去D熱門寺廟,
    同埋”理論上”, 星期1~2, 應該比星期6~日少人D掛 ?

    THX !!!

  • Dilbert MO

    京都和大阪雖然車多些,不過自駕都唔難,只是有時候找地方要轉多幾個圈,又或者間中會遇上塞車,尤其放工時間的京都駅附近.
    泊車方面其實問題不大,在日本只要有空地,很多都會用來做小型停車場,雖然很多只是可以停泊幾部車,但加起來總數都不少.不過這些泊車位大多數設在內街,所以如果在主街找不到車位,轉入去內街通常都可以找到.另外,京都市中心也有不少地下停車場,也可以使用.

  • Anonymous

    師兄, 嚟近小弟都同老婆國慶假期快閃去4日3夜京阪自駕遊,

    其實很多人都說 京, 阪, 神…… 根本不要(用)自駕 …..
    但以往游日本, 多數自駕…… 己上引了 ……
    雖說會碰上塞車….. 但, 仍很想自駕 ……

    你京都覺得難嗎 ? 停車場好難有位 ?

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share