----------

----------

2013年日本關西、北陸賞櫻自駕遊 – Day 7:吉野山

奈良縣吉野山係日本出名嘅賞櫻勝景,而且開花時間一向較遲,花期亦較長,所以今次計劃行程嘅時候,將吉野山放係倒數第二日先去。不過今年因為天氣早左轉暖,關西各地嘅櫻花普遍早左開花,就連吉野山嘅櫻花都早左好多日開,我地係4月11日去已經過左滿開期,而且更已經凋落左大半。

2013年日本關西、北陸賞櫻自駕遊 – Day 7

 

2013.4.11 | 晴

 

呢兩日Hotel Vista Grande嘅住宿並唔包早餐,所以起身後先行過去一蘭拉麵食碗麵先。

2013OsakaTrip_Day7_01

 

跟住去酒店車房攞返架車出發。

2013OsakaTrip_Day7_02

 

今日嘅行程只係去吉野山。吉野山位於奈良縣南部,距離大阪市中心大約70公里,開車個半鐘左右就可以到達。從大阪去吉野山嘅高速公路只係去到奈良縣嘅葛城市為止,之後仲有一段封閉式嘅國道去到橿原市。由橿原市開始需要行駛大約20公里嘅一般道路先會去到吉野山山腳,不過路面狀況都OK,並唔難行。

2013OsakaTrip_Day7_03

 

呢度係JR吉野山駅,如果坐JR係呢度落車之後可以轉坐纜車或者接駁巴士上山,但呢日因為超多人,所以唔少人選擇步行上山,好辛苦啊病厭厭

2013OsakaTrip_Day7_132013OsakaTrip_Day7_14

 

呢隻就係由大阪開往吉野山嘅火車。

2013OsakaTrip_Day7_15

 

每年4月11日同12日,係吉野山金峰山寺會舉行一個叫花供懺法会嘅法會。我地去呢日正正遇著法會舉行嘅第一日。本黎以為好好彩可以參與下呢D節慶祭典,點知因為咁嘅原故呢日上山嘅人超超超多,吉野山上嘅遊人簡值係迫爆。唔單止想搵個車位泊車都搵唔到,就連架車想行快兩步都好難。最後只能夠無奈地開住架車以龜速圍住吉野山兜左個圈就落山走人。

 

係吉野山山腳有兩條路可以上去吉野山,一條係西面距離較短嘅15號縣道,另一條就係東面需要兜一個園所以比較遠嘅37號縣道。呢日15號縣道封閉左,車輛只能夠用37號縣道上山,而且因為車太多,超塞車,大排長龍。

2013OsakaTrip_Day7_04

2013OsakaTrip_Day7_112013OsakaTrip_Day7_12

 

吉野山上嘅道路係山路,路面好窄,而且山上迫滿遊人,人車爭路,開住架車真係一步一驚心目瞪口呆,如果一個唔小心撞到人就大件事,好在日本人都比較禮讓,見到車黎都會行埋一邊讓你架車過,但係因為路面實際太窄,人又多,有時D人想讓都搵唔到位可以走避。

2013OsakaTrip_Day7_082013OsakaTrip_Day7_102013OsakaTrip_Day7_09

 

係迫滿人嘅窄路上行車固然危險,而更危險嘅係我竟然行錯路駛左入去一條山中小路,下圖GPS中粉紅色嘅就係呢條小路。因為太危險冇時間影相,下面就用Google Map嘅街景圖片俾大家睇下。

2013OsakaTrip_Day7_05

 

係呢個路口應該右轉去返15號縣道,但我地見左邊寫住有停車場,咪轉入去睇下囉,點知入面所有位都已經full parking,就咁越行越入,攪到返唔到轉頭目瞪口呆

吉野山_1

 

呢段山路應該係一段登山步道,因為今日多人上山,所以都有唔少人行,但路面實際太窄,而且一邊係沿崖,又唔知條路通去邊,又要睇住D行山人士,所以行完條路都出左一身汗。條路原來係兜一個圈最後又返返去我地駛入去果個路口。如果大家開車上黎,記得小心D,唔好向上千本或者金峰神社方向駛(留意:金峰山寺同金峰神社係兩個唔同地方)。

吉野山_2吉野山_3

 

日本由於山多,少不免多山路,今次行呢條已經唔算危險,係日本自駕咁多次,比呢條仲窄,仲危險嘅山路都行過。

 

俗語話無限風光在險峰,雖然行呢段山路係危險,但總算可以直接駛到高位睇到吉野山嘅滿山櫻花景色,雖然已經凋落,但都仲算唔錯。呢個位置如果唔開車而改由巴士站或者纜車站行過黎,路程唔短而且仲係斜路,好辛苦架。

2013OsakaTrip_Day7_072013OsakaTrip_Day7_06

 

總嘅呢講,吉野山嘅景點都係依山勢分佈係唔同高度嘅上腰,如果真係要漫步遊覽參觀,一定要有行山嘅心理準備同足夠體力。如果想舒舒服服,咁就要自己開車,同埋唔好選擇係祭典或者周末假日呢D時間,而且駕駛技術一定要有返咁上下啊。

 

離開吉野山之後係附近一個道之駅食午飯。

2013OsakaTrip_Day7_162013OsakaTrip_Day7_192013OsakaTrip_Day7_20

 

呢度有售賣附近農民生產嘅農作物。

2013OsakaTrip_Day7_172013OsakaTrip_Day7_182013OsakaTrip_Day7_21

 

返回大阪途中,係大阪環狀線上前面架大貨車嘅帆布突然鬆脫,成張帆布打埋我地車頭。因為當時高速行駛中,四線車道我地行中間,後面同左右兩邊都有車高速駛緊,想避都冇得避,只有硬食一野。好在只係塊帆布,事後出左高速公路檢查架車,發覺只係車頭整污遭左,架車冇整化,真係執返身彩。

 

今日係旅程尾二日,點都要留返半日係大阪shopping下,所以返到難波先去還返架車,還車果陣職員只係check油標係唔係已經入滿油,其他都冇睇,早知就唔係還車之前自己抹走之前塊帆布整到D污積啦。

 

今晚嘅晚餐-王將餃子,最後一晚竟然食中國餃子我不知道

2013OsakaTrip_Day7_22

 

最後介紹呢雙布丁,好好味架,每次去日本都一定食,只係105円一個,只係Lawson先有得賣架。

2013OsakaTrip_Day7_23

 

– Day 7 完 –

 

>> 返回2013年日本關西、北陸賞櫻自駕遊》總目錄

Related Posts Plugin for WordPress, Blogger...
2013年日本關西、北陸賞櫻自駕遊 – Day 8:旅程結束啦!
2013年日本關西、北陸賞櫻自駕遊 – Day 6:東尋坊、日本海さかな街漁市場

分享這篇文章:

讚好本Blog Facebook專頁

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁