----------

----------

2013年清境、台北自由行 – Day 2 (Part 1):震後上清境

今日係呢次旅程嘅重頭戲,就係去清境。出發前一個星期呢度剛剛發生完6.3級地震,唔少專家話黎緊好大機會仲有餘震。呢個時候仲上去,真係有D搵命搏,不過為旅行唔怕死嘅人唔只得我地。

2013年清境、台北自由行 – Day 2

 

朝早起身打開窗一睇…落雨。唔係掛,咁重要嘅日子黎落雨。驚訝

2013年台灣之旅_Day2_01

 

唔理咁多或者之後會好天祈求願望成真。先落地下酒店餐廳食早餐,早餐味道麻麻,款式亦唔多,不過係免費嘅算係咁啦。

2013年台灣之旅_Day2_022013年台灣之旅_Day2_03

 

食完早餐之後返房攞行李check-out。因為怕有餘震,唔敢自駕去清境,改為坐南投客運。所以check-out時將兩件大行李寄存係台中公園智選假日酒店,等聽日下午返黎先攞返。

2013年台灣之旅_Day1_17

 

南投客運嘅總站就係台中公園智選假日酒店旁邊,雖然仲落緊雨但行過去都好方便。

 

由台中直接開往清境嘅班車每日有四班,暑假期間會開多三班。不過就算坐唔到直通車,都可以先坐去埔里,再轉埔里至清境嘅客車。埔里車站地方好細,落車同上車係同一個位置,轉車並唔麻煩。而且就算坐嘅係直通車,亦會係埔里車站停一陣,所以坐唔坐直通車其實分別不大。

 

南投客運係台中嘅總站(即係干城車站)地方其實好細,要坐車係下圖右手邊嘅counter買飛,當然亦可以用悠遊卡。如果單買車票,只可以上車前買,冇得預售,如果買套票就可以提前買。

2013年台灣之旅_Day2_04

 

清境農場旅遊套票包括台中至埔里來回車票、埔里至清境農場來回車票、國民賓館至青青草原單程車票,同埋青青草原入園券一張,售價係NT$600。如果係平日,套票價格同分別購買車票和門券嘅價錢差別唔大,但如果係周末同假日,因為青青草原入園券嘅票價會比平日貴,所以買套要會比較抵。

2013年台灣之旅_Day2_05

 

車到啦,我地坐嘅係10:00果班直通車,不過上車嘅人加埋都只得十個,但係去到高鐵台中站就好多人上車,最後成架車都坐滿晒,原來唔理餘震危險照樣上清境嘅人唔只淨得我地。

2013年台灣之旅_Day2_062013年台灣之旅_Day2_07

 

雖然今日個天天陰陰,但雨勢慢慢減少,都算係好消息。

2013年台灣之旅_Day2_08

 

去到埔里站我地架車發生機件故障,需要換過另一架車,所以係呢度擔誤左半個鐘時間。

2013年台灣之旅_Day2_092013年台灣之旅_Day2_10

 

離開埔里冇幾耐就已經係山區,因為剛落完雨,空氣好清新(雖然係車內感覺唔到少來了!)。

2013年台灣之旅_Day2_112013年台灣之旅_Day2_12

 

上清境嘅公路其實都唔窄,只係灣灣曲曲,但比較危險嘅係路上有好多大型車輛,尤其係一D工程車輛行駛。驚訝

2013年台灣之旅_Day2_132013年台灣之旅_Day2_14

 

可能因為今日天雨關係,山上嘅濕度比較大,上到山上見到嘅係白蒙蒙一片。驚訝

2013年台灣之旅_Day2_152013年台灣之旅_Day2_16

 

我地係清境嘅住宿book左清境香格里拉音樂城堡,不過由落車地點(國民賓館)行過去超遠,好在行左冇幾耐見到佢嘅姐妹店香格里拉空中花園,原來可以係呢度坐順風車過去清境香格里拉音樂城堡

 

下圖係由國民賓館行去香格里拉空中花園嘅小路,想了解更多關於清境香格里拉音樂城堡同香格里拉空中花園交通位置嘅資料,可以參考:住@清境香格里拉音樂城堡

2013年台灣之旅_Day2_172013年台灣之旅_Day2_18

 

本來係想係香格里拉空中花園坐佢地嘅車去清境香格里拉音樂城堡,但因為啱啱佢地有車車住客去清境農場,所以費事浪費時間走黎走去,我地決定先追埋車去清境農場玩左先。

 

等車期間係香格里拉空中花園周圍影下相

2013年台灣之旅_Day2_19

2013年台灣之旅_Day2_202013年台灣之旅_Day2_212013年台灣之旅_Day2_22

 

等左一陣車到啦,上車去清境農場囉。歡樂派對

2013年台灣之旅_Day2_232013年台灣之旅_Day2_24

 

>> Day 2 未完,待續……

 

Related posts:

Related Posts Plugin for WordPress, Blogger...
2013年清境、台北自由行 – Day 2 (Part 2):清境農場數綿羊
2013年清境、台北自由行 – Day 1 (Part 2):再遊逢甲夜市

分享這篇文章:

讚好本Blog Facebook專頁

10 comments

  • N.T.

    你好,我唸住一家三口(兩大一小) , 小朋友4歲 , 想同佢去清境 , 如果同佢由台中坐客運車上去會唔會好辛苦 ? 請問你知唔知如果包車上去係咪會快好多架 ??

    • 如果行李唔多, 都唔會好辛苦, 如果你地只帶一個行李喼(或者可以再加一架BB車), 一個拿行李一個負責小朋友同BB車, 坐客運去並唔太麻煩.
      如果包車去當然方便D, 時間亦一定快好多, 不過台灣的士司機都一樣開得好快, 感覺有D怕.
      係台中有好多的士司機都會問乘客包唔包車, 如果想包車, 可以係當地坐的士時等佢問你, 再睇情況決定包唔包.

  • 謝謝~因為我們也想寄存一晚,不想拿著大件行李上清境.

  • 可以啊, 只要check-out時跟酒店職員講要寄存行李和預計取回時間就可以了, 不用收費的.
    我這次去清境住一晚, 所以寄存了一晚, 早上check-out時寄存, 第二天下午取回.

  • 你好,我們也是住台中公園智選假日酒店,想check out時寄存大件行李在酒店,到再check in時取回,可以嗎?寄存要不要收費?

  • 從國民賓館行去香格里拉空中花園好近, 大約行2分鐘就到, 最多3分鐘.
    格里拉空中花園有專車可以車你去青青草原, 你可以坐佢專車過去, 方便同舒服好多, 唔洗專登行出去等公車, 因為公車就係從埔里開過黎嘅公車, 班次唔多.
    我上次都係買套票有一張單程車票, 可以從國民賓館坐去青青草原或者青青草原坐返去國民賓館, 本來都打算係青青草原坐返去國民賓館, 不過等左好耐都冇車.
    如果你體力比較好, 可以從青青草原慢慢沿步行徑行返去國民賓館, 從觀山牧場開始計大約行30至45分鐘左右應該就到.

  • 我想問香格里拉空中花園係咪同國民賓館好近, 如果行要幾耐?因為我見到個600蚊套票係包一張單程國民賓館去青青草原,如果我由台中去國民賓館落車之後行去香格里拉空中花園CHECK IN放底行李先,跟住再行去國民賓館用過張單程飛去青青草原,然後慢慢沿路玩行返去香格里拉空中花園。<<<唔知咁WORK唔WORK呢?

  • 如果從台中城車站上車起計, 去到國民賓館落車, 如果坐直通車快大約1小時30分就到, 不過我們上次去在埔里站部車壞了要轉車, 用多了半小時, 總共用了1小時50分才到達.

  • Chloe

    請問由上車到農場車程要大概幾耐呀?

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁