2013年清境、台北自由行 – Day 3 (Part 3):台北西門町

同上年一樣,今次係台北都係入住西門町嘅薆悅酒店(inHouse Hotel),不過今次被安排入住嘅房間係位於最低層嘅三樓,景觀當然唔太理想。另外,今次亦發現原來inHouse Hotel嘅隔音唔係咁好,第一晚樓上間房成班人玩到好夜都唔散,嘈到差唔多兩三點。

2013年台灣之旅_Day3_57

 

坐高鐵由台中到台北大約一個鐘,到台北火車站之後當然先坐的士去酒店。雖然薆悅酒店已經開左一段日子,不過的士司機仍然唔知係邊。

 

今次入住嘅係最低層,即係三樓嘅308號房,房間面向西寧南路,由於樓層低,所以景觀麻麻,而且落地玻璃窗外正好係酒店招牌位置,只好整日拉埋窗簾。

2013年台灣之旅_Day3_58

 

房間嘅style同上次住嘅一樣,只係因為間隔有D唔同,所以佈置亦有唔同。不過感覺上呢間房嘅面積比上次住嘅907細左D。

2013年台灣之旅_Day3_592013年台灣之旅_Day3_60

 

今次入住發覺薆悅酒店嘅隔音並唔係太得,第一晚俾樓上嘈到訓唔到,上次冇遇到呢個問題可能係因為九樓係頂樓。

 

早餐券,另外仲送左兩張免費咖啡券。

2013年台灣之旅_Day3_622013年台灣之旅_Day3_61

 

inHouse Hotel對面呢間「阿曼TIT」大樓上年黎果陣仲起緊,今年已經落成,呢座大樓上層係高級住宿,底下幾層係商場,主要售賣手機同電子產品,亦有一D食店。

2013年台灣之旅_Day3_632013年台灣之旅_Day3_78

 

今日台北天氣麻麻,所以只係打算係西門町行下,唔去其他地方啦。

2013年台灣之旅_Day3_642013年台灣之旅_Day3_65

 

因為早幾日幫朋友訂左西門町丰居旅店(Via Hotel),所以趁今日冇咩做就幫佢搵定酒店位置,順便上去睇睇環境。丰居旅店係Agoda同TripAdvisor上嘅住客評價都唔錯,所以亦係我係台北西門町酒店推介中推介嘅酒店之一。

 

丰居旅店嘅位置真係好好,係正西門町中心,而且超近捷運西門站,不過位置比較唔顯眼,而且街上亦冇指示牌,所以可能會比較難搵。丰居旅店位於中華路一段同漢中路之間一條小巷裡面,如果從漢中路呢邊去,係 Uniqlo對面嘅7-11便行店行入去小巷就係。

2013年台灣之旅_Day3_882013年台灣之旅_Day3_89

2013年台灣之旅_Day3_66

 

行入小巷冇幾遠會見呢間賣衫嘅商場仔,丰居旅店(Via Hotel)就藏係裡面啦。

2013年台灣之旅_Day3_67

 

旅館係大廈二樓,有專用升降機上去。

2013年台灣之旅_Day3_68

 

旅館地方細細,不過裝修佈置唔錯。本黎我地都想book丰居旅店,可惜果幾日都fuLl晒,冇機會試住。因為唔係住客,所以只影到大堂照片。

2013年台灣之旅_Day3_692013年台灣之旅_Day3_702013年台灣之旅_Day3_71

 

小巷係中華路一段嘅入口

2013年台灣之旅_Day3_73

 

除左丰居旅店之外,以下呢間永安棧(Westgate Hotel)都好想住,不過我地係台北果幾日都一樣係冇房。永安棧係2012年尾先開業,都係走時尚型格路線嘅精品酒店,而且位置就係正捷運西門站6號出口旁邊,超方便,不過價錢方面就稍貴少少。

2013年台灣之旅_Day3_75

2013年台灣之旅_Day3_762013年台灣之旅_Day3_77

 

呢晚晚餐去左「阿曼TIT」大樓上嘅日本餐廳麻布茶房食,呢間餐廳係日本未去過,反而係台灣有機會試。

2013年台灣之旅_Day3_79

2013年台灣之旅_Day3_802013年台灣之旅_Day3_81

 

我地食左一個牛肉丼同一個蟹肉丼,味道唔錯。

2013年台灣之旅_Day3_822013年台灣之旅_Day3_83

 

食完飯之後仲叫左兩個甜品,左邊嘅係紅豆燒蕃薯雪糕,超正,不可不食,右邊嘅紅豆湯亦都好好味。

2013年台灣之旅_Day3_852013年台灣之旅_Day3_86

 

– Day 3 完 –

 

Related posts:

fb share

如果喜歡這篇文章,請點個「讚」吧!

fb share

One comment

  • Anonymous

    呢間Via Hotel真係好難搵,初初以為佢係鴨肉扁果條街,但係地毯式搵左兩次都唔見,轉左幾圈先知原來中間有條巷. 不過間酒店都幾OK,的的式式感覺都幾有home feel.

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share