2011年秋日本北九州自駕遊 – Day 5 (Part 2):坐汽車渡輪從熊本到長崎
熊本與長崎之間被島原灣分隔,如果全程行陸路,就需要繞過島原灣兜路過去,如果唔想兜圈行冤枉路,就要行海路,從熊本港先坐渡輪到對岸嘅島原,再行較短嘅路到長崎。去日本自駕咁多次都仲未試過坐汽車渡輪,所以今次決定試下,除左可以行少D車程之外,仲可以當係行程中一個節目。
來往熊本至島原嘅汽車渡輪可以係網上book位,係2010年計劃呢次旅程嘅時候已經寫左一篇介紹點樣預約渡輪嘅文章,有需要嘅朋友可以睇返:如何網上預約熊本至島原的汽車渡輪。
從熊本市中心到熊本港大約30分鐘就到,熊本港地方唔大,下面係熊本港全圖。
島原港有兩間渡輪公司,我地坐嘅係熊本フェリー株式会社嘅船,去到先按照現場工作人員指示將架車駛到排隊線上停好排隊等上船。因為距離開船時間仲有大半個鐘,所以大家都將車鎖好入去候船室等。
熊本港主要建築物就係呢座候船室,購票處設係地下,先係呢度買船飛。
呢架就係我地坐嘅渡輪
渡輪除左載汽車之外,冇開車嘅乘客亦可以坐,如果冇開車就係候船室二樓嘅登船口上船。
時間仲早,先係候船室地下間食店食D嘢。
上得船啦
入到船艙按工作人員指示泊好架車
之後人就要離開架車,係旁邊樓梯上去乘客室。
從熊本港到島原港渡輪嘅航程只係短短30分鐘,所以要爭取時間睇下呢程船嘅主要節目:海鷗。
開船冇幾耐已經有大群海鷗跟住隻船飛,有興趣可以準備D麵包碎黎喂下佢地。
話咁快已經到達對岸嘅島原港
開車走人
本來係計劃行南面嘅雲仙道路去長崎,因為咁樣就可以順便去埋雲仙地獄呢個溫泉鄉睇睇,不過因為天雨關係,而雲仙地獄果邊多山路,所以決定改行北面嘅島原街道去長崎。
我地今晚係長崎入住嘅酒店叫出島の湯 ドーミーイン長崎(Hotel Dormy Inn Nagasaki),位於長崎銅座町,旁邊就係新地町中華街。
Dormy Inn的房間一向都細,不過質素唔錯,而且設有溫泉大浴場,所以係我係日本最鍾訛嘅住宿選擇。
出島の湯 ドーミーイン長崎旁邊有間叫長崎港食海鮮嘅食店
附近小街
無軌電車係長崎主要交通工具
從Dormy Inn行出大街就係觀光通,係長崎其中一處主要購物區。
今日晚餐就係觀光通呢間CoCo壹番屋食咖哩飯,超正。
本來計劃夜晚上去稻佐山睇夜景,不過因為天雨能見度超低,所以唯有取消呢個行程。
– Day 6 完 –
相關文章:
- 2011年秋日本北九州自駕遊 – Day 1:福岡
- 2011年秋日本北九州自駕遊 – Day 2:門司港、別府
- 2011年秋日本北九州自駕遊 – Day 3 (Part 1):別府地獄
- 2011年秋日本北九州自駕遊 – Day 3 (Part 2):湯布院
- 2011年秋日本北九州自駕遊 – Day 4 (Part 1):九重夢大吊橋
- 2011年秋日本北九州自駕遊 – Day 4 (Part 2):阿蘇火山
- 2011年秋日本北九州自駕遊 – Day 5 (Part 1):熊本城
- 2011年秋日本北九州自駕遊 – Day 5 (Part 2):坐汽車渡輪從熊本到長崎
- 2011年秋日本北九州自駕遊 – Day 6:長崎原爆資料館、烏栖Premium Outlet、福岡
- 2011年秋日本北九州自駕遊 – Day 7-8:福岡Marinoa City
- 住@由布院温泉 朝霧のみえる宿 ゆふいん花由
- 住@別府明礬温泉 岡本屋旅館
- 日本Pocket WiFi Router租借服務:主要租機公司介紹和比較
- 日本忍者WiFi九折優惠益讀者
- 日本九州自駕遊必買:外國自駕遊旅客專用的九州高速公路ETC卡 – Kyushu Expressway Pass
- 如何網上預約熊本至島原的汽車渡輪
謝謝你的回覆啊…
好詳細的行程,謝謝分享。
想請教你是否在長崎還車?由長崎如何返福岡?謝謝
我是在福岡還車的, 由長崎開車返回福岡不是太遠.
係同一個集團黎架, 佢係好多地方都有分店, 每一間都有提供免費宵夜同有大浴池, 金澤果間我都有住過.
哇 ~~~~~~Dormy Inn 同我住金澤果間應該同一集團, 呢間酒店的確唔錯~~~你住果間晚上有冇免費喬麥麵食架?