2012年巴黎、倫敦雙城之旅 – Day 5：巴黎老佛爺百貨掃貨

黎到巴黎冇理由淨係觀光唔去shopping，所以今日只有一個節目，就係shopping，Go。

巴黎最主要嘅兩間老牌百貨公司春天百貨同老佛爺百貨就係我地酒店附近，同區之內亦有好多其他商店，所以今日只係附近行街shopping。開始shopping之前先到巴黎歌劇院睇睇，因為第一日係呢度遭遇扒手，所以黎到呢度特別小心。

巴黎歌劇院後面就係老佛爺百貨公司，百貨公司分為兩個館，位於西邊係春天百貨隔離果間(下圖左邊)係Lafayette Gourmet，賣嘅嘢主要係日常生活用品同衫褲鞋物，裡面亦有一間大型嘅超級市場，而右邊果座係Galeries Lafayette，名牌全部集中係呢座，退稅counter亦設係Galeries Lafayette裡面。

係Galeries Lafayette裡面迫滿左一團團大陸客，而且出手闊綽，同佢地一齊排隊等俾錢果陣一比之下真係汗顏。 因為大陸客太多，主要名店都要排隊，想入去買LV超碼排半個鐘。

其實係老佛爺百貨有嘅名店係隔離春天百貨都有，但係因為旅行團全部去晒老佛爺，所以春天百貨人流少好多，如果唔想同人迫，可以去春天百貨。

Galeries Lafayette裡面設有退稅Counter，下圖係地下果層專為大陸旅客而設嘅退稅專櫃。

其他旅客，包括港澳台旅客嘅退稅櫃台設係樓上，退稅櫃台嘅工作人員好多係中國人，可以講普通話。

如果選擇即時退返現金，只可以退10.8%，而且要碌你張信用卡做保證，如果你冇係離開歐盟境嘅時候將退稅嘅貨物俾海關核實，就會係你張卡度收返你錢。

我地選擇離境時先攪退稅，所以係老佛爺百貨公司嘅退稅櫃台佢地只係幫我地填好張退稅單同埋俾個信封我地，退稅手續會係我地最後果日係倫敦離開歐盟果陣先攪。

係巴黎最後一晚，再係Lafayette Gourmet二樓超市裡面間海鮮食店食多餐。

今次係法國嘅戰利品，彈藥有限只可以買少少。

– Day 5 完 –

Related posts:

• 倫敦通行證(London Pass)： 倫敦自由行必買！ – 如何購買倫敦通行證 (內附最新折扣代碼)
• 倫敦旅遊交通費慳錢攻略：應該購買 Oyster 還是 Travelcard？
• 倫敦景點門票“兩人同行一人價錢” (London Travelcard 2FOR1 Offers)
• 巴黎旅遊交通費慳錢攻略：如何使用自助售票機購買地鐵Ticket t+車票？
• 遊巴黎，Paris Pass與Museum Pass哪種更省錢？
• 如何購買歐洲之星(EuroStar)車票
• 住@巴黎Hotel Cordelia Paris
• 住@倫敦St Ermin’s Hotel – MGallery Collection
• 倫敦酒店推介
• 倫敦免費WiFi網絡
• 2012年巴黎、倫敦雙城之旅 – Day 1：飛向巴黎
• 2012年巴黎、倫敦雙城之旅 – Day 2：遊覽巴黎聖心堂
• 2012年巴黎、倫敦雙城之旅 – Day 3：巴黎聖母院、羅浮宮、凱旋門
• 2012年巴黎、倫敦雙城之旅 – Day 4：凡爾賽宮、艾菲爾鐵塔、塞納河遊船河
• 2012年巴黎、倫敦雙城之旅 – Day 6：坐歐洲之星巴黎到倫敦
• 2012年巴黎、倫敦雙城之旅 – Day 7：盡用London Pass，一天遊覽西敏寺、泰晤士河、倫敦塔
• 2012年巴黎、倫敦雙城之旅 – Day 8：聖保羅大教堂、Covent Garden
• 2012年巴黎、倫敦雙城之旅 – Day 9：白金漢宮看禁衛軍換更
• 2012年巴黎、倫敦雙城之旅 – Day 10：大英博物館