2010年秋日本中部自駕遊 – Day 1:名古屋
2010年11月,第一次日本中部之旅,由於澳門冇機去名古屋,只有選擇從香港出發,坐嘅係國泰航空,買左三日兩夜package,來回機票加兩晚名古屋酒店每人要HK$5,300幾,算係貴。
飛機從香港起飛嘅時間係上午10點半,啱啱好可以坐朝早7點半班船直接由澳門去香港機場,慳返機場稅之餘仲可以直接係機場碼頭check-in,方便快捷。
國泰飛機餐
話咁快已經飛到日本中部國際空港,天氣唔錯喎。
中部國際空港嘅國際線入境大堂地方唔算大
名古屋鐵路車站就係入境大堂同一層,沿著指示行就到。
坐名鐵由機場到名古屋駅車票價錢係850yen,如果要指定席,需要再購買特別車輛券,不過由於坐嘅人唔多,冇必要購買。車票可以係車站閘口出面嘅自助售票機購買,同買地鐵車票一樣。
第一晚只會係名古屋留宿一晚,第二日一早就會離開名古屋開始自駕,所以呢晚係book左呢間係名古屋駅附近嘅名鉄イン名古屋桜通,間酒店當時開業冇幾耐,位置方便質素唔錯,詳細介紹可以參考呢篇住@名鉄イン名古屋桜通。
第二朝影嘅酒店外觀
係酒店攪完check-in時間都唔早,所以今日剩餘嘅時間只係名古屋駅周圍行下。
今晚晚餐食壽司,用電腦落order,仲有英文menu,不過反而唔習慣。
– Day 1 完 –
Day 1到達名古屋後嘅時間唔多,冇咩行程,所以呢篇篇幅較少。以下先將今次旅程嘅行程、路線同景點整理一下。
- Day 1:澳門經香港到名古屋,遊覽名古屋駅一帶,住宿名鉄イン名古屋桜通(Meitetsu Inn Nagoya Sakuradori)。[住宿介紹:住@名鉄イン名古屋桜通]
- Day 2:開始自駕,先到土岐Premium Outlet購物,再到惠那峽坐船睇紅葉,住宿下呂溫泉湯あそびの宿 下呂觀光ホテル本館,浸溫泉。[住宿介紹:住@下呂觀光ホテル本館]
- Day 3:遊覽下呂溫泉合掌村、高山飛騨の里、上三之町古街,住宿高山スパホテルアルピナ飛騨高山(Spa Hotel Alpina Hida Takayama)。[住宿介紹:住@スパホテルアルピナ飛騨高山]
- Day 4:遊覽高山陣屋、宮川朝市、八幡宮、飛騨下川,誤闖雪山,住宿富山市コンフォートホテル富山駅前(Comfort Hotel Toyama)。
- Day 5:遊覽立山黑部遇上大雪封山,黑部峽谷坐小火車睇紅葉,住宿宇奈月溫泉黒部峡谷・宇奈月温泉 ホテル黒部,浸溫泉。[住宿介紹:住@宇奈月温泉 ホテル黒部]。
- Day 6:遊覽金沢兼六園、金沢城公園、金沢21世紀美術館、近江町市場,住宿金沢天然温泉 加賀の湧泉 ドーミーイン金沢(Dormy Inn Kanazawa)。
- Day 7:遊覽白川鄉、五箇山合掌村,返回大阪還車,繼續住金沢。
- Day 8:自駕last day,由金沢返名古屋,途經長島三井Outlet購物,住宿名古屋Royal Park Inn Nagoya。
- Day 9:遊覽名古屋城、榮商業區、大須商店街Shopping。
- Day 10:旅程結束,經香港返澳門。
以下係今次行程嘅主要景點係地圖上嘅位置:
在較大的地圖上查看2010年秋日本中部自駕遊
相關文章:
- 2010年秋日本中部自駕遊 – Day 2:土岐Premium Outlet、惠那峽
- 2010年秋日本中部自駕遊 – Day 3:遊下呂溫泉合掌村、飛騨の里、高山古並町老街
- 2010年秋日本中部自駕遊 – Day 4:宮川朝市、櫻山八幡宮、飛騨古川、誤闖雪山
- 2010年秋日本中部自駕遊 – Day 5:立山駅、美女平、黑部峽谷觀光火車
- 2010年秋日本中部自駕遊 – Day 6:金沢兼六園、近江町市場、金沢21世紀美術館
- 2010年秋日本中部自駕遊 – Day 7:白川鄉
- 2010年秋日本中部自駕遊 – Day 8:長島三井Outlet
- 2010年秋日本中部自駕遊 – Day 9:名古屋城、榮、大須商店街
- 2010年秋日本中部自駕遊 – Day 10:中部國際空港
- 名古屋酒店推介
- 住@名鉄イン名古屋桜通
- 住@スパホテルアルピナ飛騨高山 (Spa Hotel Alpina Hida Takayama)
- 住@下呂觀光ホテル本館
- 住@宇奈月温泉 ホテル黒部 (Hotel Kurobe)
- 日本中部自駕遊必買:外國自駕遊旅客專用的中日本高速公路ETC卡 – Central Nippon Expressway Pass
- 日本Pocket WiFi Router租借服務:主要租機公司介紹和比較
- 日本忍者WiFi九折優惠益讀者
你好!我想請問你還記得係名古屋,可以用電腦落柯打食壽司的店舖地址在哪裡,可否告訴我,謝謝!
確實位置在哪裡真的不記得了, 只記得是在名駅櫻通口的JR Central Towers樓上.
想請教一下, 9月同老公第1次去名古屋8日, 想半自駕, 想去白川鄉, 下呂温泉, 立山黑部等, 其他景點未睇, 行程安排有何建議? 盡量想少轉酒店, 最後機場還車
基本上同我2010年去果次差唔多, 你可以參考下.
如果唔啱, 可以大約咁安排:
day1 – 名古屋住宿
day2 – 遊名古屋shopping, 住名古屋
day3 – 租車, 名古屋去白川鄉 > 高山, 住高山
day4 – 去上高地、新穗高, 住高山
day5 – 高山去金澤, 遊金澤, 住金澤
day6 – 金澤去立山, 遊立山黑部, 返回金澤住宿
day7 – 金澤去下呂溫泉, 住下呂溫泉
day8 – 下呂去機場(如果下午3點後飛機才可行)
你好, 我計劃6月14日同小朋友出發去名古屋7d, 因為第一次去名古屋,
(1)想請教以下行程可行嗎?
(2)如果d4高山->富山, 午飯後上立山黑部ok嗎?
D1 : hk-名古屋
D2: 名古屋鐵路博物館,toyota博物館,水族館
D3: 租車->白川鄉,高山,晚住高山
D4: 高山->富山, 住富山
D5: 立山黑部 (至室堂折近返), 金澤, 住金澤
D6: 金澤市內觀光, 返名古屋 住名古屋
D7: 名古屋-hk
如果由立山登山至室堂就折返, 由立山計起至返回立山有5小時應該都已經足夠, 由於高山朝早應該都有行程, 如果D4就上立山黑部會比較趕, 但太早到富山市又沒有什麼好做, 所以由高山去富山途中如果時間有多可以去多幾個景點.
你好! 我第1次去日本中部,想去名古屋,白川鄉及高山,目的是輕鬆自駕遊,飲飲食食拍拍照,預算是五日四夜【22/4至26/4,2人同行自駕遊,香港出發】:
D1是名古屋, 住一晩
D2 check out, 上午自駕去白川,然後去高山市(入住高山市)
D3 早上高山市, 下午返名古屋,再入住名屋
D4 名古屋市內觀光拍照,
D5 名古屋市,下午去機場追港。
這程可行嗎?
住白川鄉還是高市好呢?高市有溫泉嗎?
D1在機場租車還是先乘機場巴士入名古屋市,然後D2在市內租車好呢?
有那些酒店可建議?
請多多指教!! 謝謝^_^
你的行程沒有什麼問題.
如果白川鄉沒有什麼節慶, 就沒有太需要住在白川鄉, 除非你想體驗鄉下風味.
高山都有很多溫泉旅館, 如果想住溫泉旅館又想坐近景點, 可以考慮我住過的這間:
https://www.travelclassroom.net/2013/05/honjin-hiranoya-bekkan.html
租車方面, 如果你D1會住1晚名古屋, 可以在day2才租車, 至day2還車.
多謝建議,萬分感激。
請問如果照以下行程,用CEP化算嗎?
要加埋NEP嗎?
由名古屋至奈良及由大阪返鈴鹿的路段,要如何駛才不会多交高速費?
Day 1: 乘鐵路到名古屋
Day 2: 名古屋租車,到伊賀忍者屋,再到奈良睇鹿,宿大阪
Day 3: 環球影城,宿鈴鹿
Day4 : 鈴鹿赛車樂園,到長島outlet,宿長島
Day5: 長島water park,到蒲郡摘葡萄,宿名古屋
Day 6: 鐵路博物館,到豐田会館,名古屋還車
以你的行程使用名古屋高速的路費應該是3080yen, 所以用1500yen購買NEP有著數, 而CEP的路段路費大約只是7000yen, 但5天CEP要8000yen, 未必抵, 不過要買NEP一定要同時購買CEP. 總括來說, 購買5天CEP+NEP應該會便宜1000yen左右, 未必是最好的選擇, 建議可以只向租車公司借ETC卡, 如果行程中有星期六日, 應該會比購買CEP+NEP節省更多.
行車路線方面, 其實只要按照GPS的時間優先來行車已經可以, 不需要刻意去走無料公路.
你好,打算農曆新年期間去名古屋,高山,下呂或金沢,東京。我們打算在名古屋及東京各住2晚,高山及下呂或金沢各住1晚。請問在這段時間,我只是從名古屋租車往高山及/金沢否安全,因為怕下雪天氣。
7/2 香港 – 名古屋
8/2 名古屋
9/2 名古屋 – 白川鄉 – 高山 (住高山)
10/2 高山 – 下呂 (住下呂)
11/2 下呂 – 名古屋 (還車)- 坐JR往東京
或
10/2 高山 – 金沢 (住金沢)
11/2 金沢 (還車) 坐JR往東京
12/2 東京
13/2 東京
一、二月應該是高山、白川鄉一帶最大雪的時候, 如果沒有經驗會比較危險, 我自己沒有試過.
你好,又係我,去年北海道、今年關西+四國,都係參考你的行程,非常有用,幫到我好多。現正着手制定明年日本中部自駕遊,今次又要參考你的行程了,再次多謝你嘅分享。係呢,係制定旅遊計劃前,想多口問句,係四國楂車時,GPS係唔準嘅,全程靠手機同埋睇路牌,請問在日本中部楂車時,GPS會否一樣唔準?定係好似係北海道咁準呢?
GPS準唔準最主要睇佢資料update時間, 如果向一D小型租車公司租車, 可能唔會好密去update, 因為成本問題, 如果租大公司, 應該會update一D.
我將於十二月廿四至廿九到名古屋,這段時間可否自駕到立山黑部嗎?
這段時間因為大雪立山黑部已經封山了, 上不到.
將會在11月22-29日到日本中部, 請問這段時間上立山黑部會否很大雪?會否封山?
11月初應該已經有雪了, 11月中已經封山.
你好呀,
我11月尾會去日本中部, 行程如下, 可以比少少意見我嗎?
11月26: 香港(早上HK EXPRESS機) > 名古屋 (1400到達), 宿名古屋
11月27: 名古屋市內 宿名古屋
11月28: 拎車 > 岐阜OUT LET > 白川鄉
11月29: 白川鄉 > 大牧
11月30: 大牧 > 高山
12月1日:高山 > 宿奧飛驒
12月2日:奧飛驒 > 名古屋
12月3日:名古屋 > 香港
其實第二日我想留係市內睇紅葉 (唔知仲有無), 如果行程想加插金澤會唔會好趕? 我唔想一日渣咁多車,
THANKS呀!!!!
11月尾應該仲係紅葉季節.
大牧我唔知係邊度, 如果大牧景點唔多, 29/11呢日可以改去金澤住, 由白川鄉去金澤只係一個鐘車程.
咁樣會唔會好趕?好早起身?
不會好趕, 只要9:00左右離開酒店已經可以了. 因為每個地方的景點都不是很多, 都是3個左右.
想問下高山之後唔去下呂有咩地方去?
如果唔去下呂, 或者可以改去金澤, 但行程要改一改:
7/9 – 6:30pm機場取車, 前往名古屋酒店check-in
8/9 – 參觀名古屋城, 名古屋shopping, 住名古屋同一酒店
9/9 – 酒店check-out, 前往白川鄉, 然後前往金澤, 住金澤
10/9 – 遊覽金澤兼六園、近江町市場, 午後前往高山.
11/9 – 遊覽高山, 下午1:30前離開高山前往機場還車, check-in.
你好,我7sep 5:30pm到 11sep 6:40pm走。帶住個1嵗bb,請問可以點玩?想係機場租車,方便d。同埋唔好轉太多次酒店,臭住個女又返工實在冇時間爬文,希望可以指教下!
好難講可以點玩, 每個人興趣不同, 有人鐘意shopping, 有人鐘意去車場, 有人鐘意睇景, 有人鐘意浸溫泉.
如果你有2個大人, 帶住個BB都唔會好麻煩. 係機場租車是方便D, 不過你Day1去到已經黃昏, 要用多一晚泊車費, 不過如果以方便為先, 可以7/9-11/9五天租車. 以下是其中一個比較輕鬆的建議行程:
7/9 – 6:30pm機場取車, 前往名古屋酒店check-in, 因為自駕, 可以住購物區, 例如榮一帶
8/9 – 參觀名古屋城, 名古屋shopping, 住名古屋同一酒店
9/9 – 酒店check-out, 前往白川鄉, 下午3:00左右前往高山, 住高山
10/9 – 遊覽高山, 下午前往下呂溫泉, 住溫泉旅館
11/9 – 離開下呂溫泉, 前往土岐outlet shopping, 下午2:30前離開土岐outlet前往機場還車, check-in.
你好,我都想請教你係咪可以email你?謝謝
如果不想在這裡post留言, 可以email去admin@travelclassroom.net, 亦可以在facebook fan page PM我.
我第一次去名古屋咩都唔識!我都係澳門架!可以交換聯絡方法嗎?
有問題你可以係呢度問, 或者係Facebook fan page send信息, 又者send去我email: admin@travelclassroom.net
多謝Dilbert兄較早前的提示 租車自駑用了五天CEP 在豐田還車時要多付二千多日圓, 但在印發收據時原來全程用了一萬六仟日圓路費 真的慳了不小喔!
你好,
很興奮看到你的行程及其他網友的詢問,當中了解自駕名古屋的需知。本人打算跟你的行程遊玩,但我可加多二至四天行程,即12至14天。若是這樣,還可以去什麼地方? 金澤或松本可以嗎?若是,是否去完上高地,先去金澤, 才去富山黑部,再落松本?
謝
有多4天的話可以選擇去的地方都很多, 例如西面的琵琶湖周邊, 南面的三重縣, 或者東面的長野縣, 亦即是松本、上高地. 視乎你哪些地方有興趣或者是否已去過.
如果去松本、上高地的話自駕路線可以這樣安排:
day 1 名古屋 > 下呂溫泉
day 2 下呂溫泉 > 高山
day 3 高山 > 新穗高溫泉
day 4 新穗高溫泉 > 上高地
day 5 上高地 > 松本
day 6 松本 > 大町溫泉
day 7 大町溫泉 > 立山黑部(可住大町溫泉同一酒店)
day 8 大町溫泉 > 宇奈月溫泉
day 9 宇奈月溫泉 > 金澤
day 10 金澤 > 白川鄉 > 名古屋
你好,想請問如我想計劃十四日自駕遊的行程,机票已訂今年十月,來回都是在名古屋中部機場。除了名古屋外,我還想去京都及大阪,請問十四天足夠嗎?有沒有比較順路的行程可以建議一下? Thanks!
我從沒去過名古屋,但京都大阪又想舊地重遊,請問十四日的行程怎樣分配會比較理想?
你的問題太空泛, 14日是否足夠要看你想去幾多地方, 很難一概而論, 至於行程如何安排我也很難給你意見, 你可以先看看中部和關西有哪些地方你想去, 然後打開google地圖看看如何將這些地點串連超來比較順路.
你好, 我2個人將於4月28日自駕遊名古屋玩8日, plan行程上遇到問題想請教:
day 1: 名古屋
day 2: 名古屋>上高地(宿上高地)
day 3: 上高地>直去金澤>千里濱海岸>富山(宿富市)
day 4: 富山>立山黑部(宿彌陀原)
day 5: 富山>五箇山, 白川鄉>飛驒>高山(宿高山未定)
day 6: 高山>乘鞍岳>惠那峽>未定
day 7: 名古屋市>outlet(宿名古屋)
day 8: 名古屋>回港
問題係:
-我應該第1日就租車?還是係第3日係高山市租車會平d?好d呢?
-CEP 係唔係取車時先要求? 你覺得我應該要幾多日CEP? 我唔係司機所以唔係好識計
-因為金澤, 高山市酒店大部份full, 餘下太貴要3000以上……所以要想清楚, 亦因酒店full,所以上高地及立山黑部不能改動!
-day 6&7真係唔知點行,想去這幾個景點,但完全無從入手!
請幫幫忙! 謝謝
iris c
– 如果只係兩個大人冇老人家同小童, Day1可以坐火車入名古屋, 不用租車.
– Day2去上高地坐火車巴士很難去到, 最好自駕, 所以day 2開始租車比較好, 然後在day7還車.
以你的行程, day4和day6未必會用到高速公路, day8從惠來峽去名古屋路程亦不長, 而且名古屋高速這部份亦用不到CEP, 所以不一定要買6天CEP, 可以只買4天, day2-day5使用, 但若買6天其實費用差別也不多.
– 乘鞍岳在高山與上高地之間, 所以最好在安排在去上高地的day2或day3去, 如果在day6去也可以, 只是會有回頭路,
多謝你意見!
我還想知, 立山站是否有大型停車場泊overlight車? 我係唔係應該先將行李係立山站託付上彌陀原飯店, 之後人就可以直去到黑部湖慢慢玩番轉頭,跟自己時間而停留? 還是人連行李先去彌陀原飯店放底, 才繼續去向前?
我哋想行山上之散策, 請問室堂邊段比較吸引? 當地有無地圖或者更多資料提供?
如果想知當日之日出日落時間,可以點check?
您好,本人9月11日會去名古屋,四日三夜自駕遊,9月11日下午三點半到中部國際場,9月14日下午四點二十分離開,想去五箇山,白川鄉,松本城,下呂溫泉,飛飛彈高山及名古屋城,時間夠嗎?應怎樣安排行程,謝謝.
如果取消松本城, 其他地方都足夠時間去, 因為松本城在另一邊, 建議你不要安排在這次行程中.
行程可以這樣安排:
Day1 – 名古屋
Day2 – 開始自駕, 名古屋>五箇山>白川鄉>高山(宿)
Day3 – 高山, 高山>下呂溫泉
Day4 – 下呂溫泉>中部國際場(還車)
Dilbert,
小弟4月25日 至 5月1日 會去名古屋 + 白掌川、高山一帶,
預計會自駕遊, 行程未定;
先想問問, 白掌川、立本黑部 一帶, 駕駛難度高唔高?
我第一次去, 對當地地理位置唔熟, 靠GPS得唔得?
另外, 有一兩晚想住溫泉旅館、白掌川民宿, 預訂手續會否好麻煩?
我懶, 仲未有功課, 唔好意思:p
Henry
4月25日之後已經沒有下雪,自駕不會有什麼難度,如果怕行錯山路,最好有高速公路就行高速公路,不要為省錢而走山路,你可以租車時購買CEP,比較划算。
GPS基本都可靠,只是有時去到目的地附近時需要用肉眼找一找,因為GPS未必知道哪裡是目的地的正門,有時可能去了後面,又或者去了側邊。
預訂溫泉旅館並不麻煩,用日本樂天旅行就可以了,但白川鄕內的旅館較少,每間的房間亦很有限,一定要早些訂。
Hi Dilbert!
打擾你, 小弟 7日6夜 二人遊行程安排, 會否好趕? 或者自駕的話, 順唔順路?
凜煩你畀畀意見, 謝謝!
Day 1
香港 (09:10) >>> 台北停留, 名古屋 ARRIVAL TIME: 1550
住: 名古屋市內
Day 2
名古屋 (取車) >>> 土岐Premium Outlet >>> 下呂
住: 下呂
Day 3
下呂 >>> 高山
住: 高山
Day 4
高山 >>> 牧歌之里 + 白川鄉
住: 高山
Day 5
高山 >>> 立山黑部 >>> 名古屋 (晚上)
住: 名古屋
Day 6 名古屋市內 (還車)
住: 名古屋
Day 7 (回程) 名古屋 1015
其他日子都很OK, 但Day5會很趕, 在立山黑部來回需要最少6小時, 而從立山去名古屋需要最少3.5小時, 所以這程路需要夜晚開車. 你可以將Day4的住宿地點改為在富山, 這樣Day5去立山的時間會比從高山去縮短不少.
謝謝意見.
不過, 我們不想再到富山, (因要轉一晚酒店:P)
而我們計劃去到室堂就回程, 可否省較多時間 ?
抑或, 改於DAY3 , 由下呂前往立山, 之後才到高山?
另外, 立山最早幾點開放?
改在Day3反而路程更遠, 如果你早些出發時間應該也足夠.
從立山駅開出的第一班車是早上6點, 時間表可以參考這裡:
http://www.alpen-route.com/en/wp-content/uploads/2015/03/2015timetable.pdf
多謝Dilbert 兄的建議
DiIbert兄
小弟將會在四月份往明古屋自駕遊 行程如下,請給意見
第一天下午到名古屋 四週行吓
第二天都在名古屋
第三天及駕車往高山住一晚
第四天從高山駕車往金澤住兩晚
第六天回名古屋第七天走人
請問是否必須用cEP呢,因為我在榮站附近租豐田但還車在机場, 他們說不能一定要在同一地點先可以
用CEP是否路費相差很遠呢?
另外豐田仲建議用雪地車軚。有必要嗎?
感謝萬分
以你的行車路程, 用CEP當然比沒有用便宜很多, 如果可以, 就買一張3天CEP吧.
如果在豐田租車, 只能在同一間分店取車還車, 如果你打算第7天也用車, 到機場後才還車, 就不能購買CEP了.
你可以有3個選擇:
選擇1 – 改用times car rental租車, 因為times可以在名古屋取車, 機場還車都可以購買CEP;
選擇2 – 分兩次租車, 第一次day3-6, 名古屋取車名古屋還車, 第2次day7 名古屋取車機場還車;
選擇3 – Day7不用車, 坐火車去機場
按照你的行程, 所經過的地方在4月都已經沒有再下雪了, 不需要用雪軚.
Dilbert兄。多謝你的提示,
以上的行程我會去土歧outlet 應該在從名古屋往高山時去定或從金澤回程名古屋時去較順路呢?
另外想問一吓,購物退稅是在每次購物時辦抑或可在中部机場回港時辦理呢?手續是怎樣? 食飯,. 入油、酒店等有冇得退稅㗎
如果你從金澤回名古屋是行北陸自動車道經福井回名古屋的話, 去土歧outlet就不太順路, 如果是經東海北陸自動車道返回名古屋的話, 去土歧outlet也可以, 最緊要看時間安排上哪一天比較好安排.
日本的退稅都是在購物點進行, 不是在機場, 如果是百貨公司, 是購物後當天去退稅服務部退稅, 如果是藥房或小型免稅店, 基本上都可以在cashier退稅, 或者cashier旁邊的退稅處退稅.
可以退稅只限帶出國外的商品, 在日本國內的消費, 例如食飯, 酒店, 租車, 入油通通都冇得退稅架.
日本退稅嘅野可以睇下我呢篇:
https://www.travelclassroom.net/2014/10/japan-duty-free.html
http://www.j-rentacar.com/index.php
依間租車比toyota平, 我5月去
名古屋-白川鄉-五箇山-立山-高山-名古屋.
我計過我自己既行程, 有啲會行國道就算部份行有料道路都比係 toyota+cep平.
你可以自己計計租幾多日車及有料道路收費. 睇下邊樣化算.
佢係名古屋站附近有2間店, 不過j-rentacar冇得機場還車架.
http://www.j-rentacar.com/index.php
依間租車比toyota平, 我5月去
名古屋-白川鄉-五箇山-立山-高山-名古屋.
我計過我自己既行程, 有啲會行國道就算部份行有料道路都比係 toyota+cep平.
你可以自己計計租幾多日車及有料道路收費. 睇下邊樣化算.
佢係名古屋站附近有2間店, 不過j-rentacar冇得機場還車架.
你好呀! 請教你, 我第1次去日本中部, 在中部機場取車(自駕), 首站是名古屋, 我計劃3天時間去中部, 我一共行程6天, 第2天下午約3時自駕去高山市(宿高山市), 翌日遊覽高山市及白川鄉, 再去富山(宿富山)翌日打算去黑部峽谷鐵路, 如果第5天再去立山黑部, 你認為可行嗎?? 最後一晚回名古屋. 謝謝你!!!
因為還有一晚住房未安排在那兒住….
請指教!! 謝謝^_^
如果你行程總共只有6天, 即是說第6天就要坐飛機離開日本. 那麼第5天去完立山黑部之後, 下山後已經5點多, 需要開3.5小時左右車返回名古屋, 會比較辛苦.
你可以考慮行程改為:
Day4- 富山>立山黑部>黑部峽谷住宿
Day5- 上午黑部峽谷鐵路>下午返回名古屋
你好呀! 感謝你的回覆!!
我已上有關網站查看, 原來立山黑部山脈路線冬季停業. 將於4月16~11月30日才重新開放. 因此也不用多想. 你的提議很好!
我會去黑部峽谷鐵路, 第五天就安排了在下呂溫泉住宿, 可以早些回名古屋不用太趕. 原來由富山回名古屋開車只需3.5小時左右(是行走361 國道還是東海北陸自動車道??),
我可以預算時間,
再次感謝你的回覆及建議^_^~
Ms Leong
我上次從金沢經北陸自動車道返回名古屋用了約3小時45分, 中間停了兩次休息站, 從富山經東海北陸自動車道返回名古屋的距離差不多, 時間應該也應該差不多.
你好呀~ 明白晒~
再次感謝你提供這麼實用的資料!!
還有不到十天我們就出發了^-^
祝你身體健康! 事事如意!
Ms Leong