----------

珠海橫琴長隆海洋王國試業試玩體驗 – 上篇

今年澳門附近多左一個新嘅旅遊點,就係位於珠海橫琴嘅長隆國際海洋度假區。度假區由長隆海洋王國珠海長隆馬戲城以及長隆橫琴灣酒店三個部分組成,其中長隆橫琴灣酒店和珠海長隆馬戲城已經係1月18日開業,而長隆海洋王國就係1月28日開始試業。今年春節冇到外地旅遊,所以趁住假期同埋試業期有優惠,年初四去左橫琴長隆海洋王國試玩

珠海橫琴長隆海洋王國

 

珠海橫琴長隆海洋王國嘅試業期由2014年1月28日至2月28日,為期一個月,試業期間只有七、八成設施開放,其餘兩成仲做緊內部裝修或者測試,包括冰川歷險和超級激流呢兩個機動遊戲都仲未玩得,另外號稱世界最先進五維影院嘅深海歷險亦未開放。

 

由於係試業同埋開放嘅設施打左七至八折,所以理所當然門票價錢都應該打返個折,由1月28日至2月28日期間,珠海橫琴長隆海洋王國嘅入場門票以七五折出售,成人票價係人民幣280元,以現時匯率計算相當於大約港幣360元。呢個價格比香港海洋公園嘅入場門票HK$320仲貴,同香港迪士尼嘅入場門票HK$450相比雖然平D,不過當試業期過後冇折扣嘅票價就比迪士尼貴港幣40幾蚊,但係比質素,長隆海洋王國點都唔及迪士尼,所以呢個價超對物非所值。

 

從珠海橫琴長隆海洋王國嘅宣傳資料黎睇,長隆海洋王國擁有多個亞洲第一甚至世界第一,例如亞洲第一個飛行過山車和第一個水山過山車,世界最大嘅鯨鯊展館等等。不過刺激嘅機動遊戲並唔係我杯茶,所以飛越雨林、冰川歷險和超級激流呢D機動遊戲有幾巴閉我冇乜興趣,但係對於佢所講嘅世界最大嘅鯨鯊展館我就好感興趣,今次入場最主要都係俾佢嘅海洋奇觀、企鵝世界和北極熊村莊呢幾個展館吸引。

 

唔知係廣告與事實不符,定係剛開業好多動物仍然仲係on the way,又或者純粹係廣告圖文做得太好,令人睇完產生過高期望。長隆海洋王國嘅所謂世界最大、世界第一,以觀眾眼睛黎睇只係不外如事,言過其實,難怪令人覺得貨不對辦。

 

所以,試玩後我的感覺可以用「門票太貴、物非所值,言過其實、貨不對辦」呢十六個字黎概括。

 

不過,講句老實說話,珠海橫琴長隆海洋王國並唔係差,可以算係一個唔錯嘅樂園,如果佢唔係吹得太大,令人以為真係咁正,可能評價會好好多。但係,佢嘅入場費實在太貴,以380元人民幣嘅價錢,就算係所有設施100%運作,都仲係唔係咁值。

 

珠海橫琴長隆海洋王國既係海洋水族館,又係機動遊樂場,但係對於好似我呢類唔玩機動遊戲嘅旅客,夾硬要俾埋機動遊戲嘅錢買貴票入場非常唔值。如果可以將飛越雨林、冰川歷險和超級激流分開買票,將唔包括呢D機動遊戲嘅門票降至人民幣200元左右較合理嘅水平的話,仍然值得一去。

 

上面係我遊完珠海橫琴長隆海洋王國嘅感受嘅總結,而下面就係呢次試玩嘅遊記同埋有關買票、交通以及場內情況嘅分享,有興趣請繼續睇埋落去。

 

更新:珠海橫琴長隆海洋王國正式開業之後所有設施都已經相繼啟用,而在7月10日開始,海洋奇觀嘅主角 – 兩條巨型鯨鯊 – 亦已經正式進駐。

 

 

購買珠海橫琴長隆海洋王國門票

 

珠海橫琴長隆海洋王國嘅官方網站有提供網上購票服務,不過只能以大陸信用卡或借記卡付款,亦需要填寫大陸手機號碼以及大陸身份證編號作為取票依據,所以非大陸居民用唔到網上購票,只能通過旅行社購買門票。

 

由於剛剛開業,大部分旅行社都仲未可以買到長隆海洋王國嘅門票,唯一有得賣嘅係中國旅行社。係中旅社買長隆海洋王國門票嘅價錢係HK$360,同官網票價相同,而且仲附送來回澳門至珠海橫琴長隆國際海洋度假區嘅免費接駁巴士服務。

 

中旅社嘅珠海長隆海洋王國及馬戲城套票傳單,除左有長隆海洋王國門票,仲有珠海長隆馬戲城門票。

珠海橫琴長隆海洋王國_中旅社套票_01

 

係中旅社買票之後只會有呢張證明,仲未有正式門票,裡面有一個憑證號,以及購票人嘅手機號碼,憑證號+手機號碼就係取票嘅證明,要記低。

珠海橫琴長隆海洋王國_中旅社套票_03

 

購買門票嘅時候要決定坐邊班車,開車時間會mark係收據上。朝早由澳門去橫琴果班車基本坐滿,所以一定要mark準,但係回程就冇咩所謂,因為坐嘅人唔多,可能有好多人選擇睇埋煙花表演先走,所以就算早左走都可以坐早D班次嘅接駁巴士。

珠海橫琴長隆海洋王國_中旅社套票_04

 

基本上坐朝早9點嘅第一班車去,下午6點半最後一班車返時間就啱啱好,不過就睇唔到煙花表演,因為煙花表演時間係晚上7點3,如果想睇埋煙花就要自己坐公車返啦。

珠海橫琴長隆海洋王國_13

 

 

從澳門到珠海橫琴長隆海洋王國

 

新春珠海橫琴長隆海洋王國試玩之旅出發啦歡樂派對,中旅社免費接駁巴士嘅上車地點係澳門富豪酒店正門,我地未到8點9已經去到等車,呢班車所有座位全滿。

珠海橫琴長隆海洋王國_中旅專車_01珠海橫琴長隆海洋王國_中旅專車_02

 

接駁巴士9點正準時到達,上車前富豪酒店旁邊嘅中旅跨境巴士客務中心會有職員攞住張乘客名單過黎點名。珠海橫琴長隆海洋王國_中旅專車_03

 

由澳門去橫琴長隆國際海洋度假區真係好近,過左橫琴口岸再行10分鐘車就到。從澳門開車起計,連埋過關時間大約45分鐘就到達橫琴長隆國際海洋度假區。

 

今次都係第一次經橫琴口岸去珠海,朝早過關人好少,唔洗2分鐘就過左澳門海關。之後要坐車過橋去對岸嘅珠海橫琴口岸,如果唔係坐旅遊巴或者自己揸車,就要坐接駁巴士,短短路程要收三蚊車費,真係好搵。如果要坐接駁巴士,記得準備定散紙,因為不設找贖,車費俾澳門幣、港幣或者人民幣都可以。

珠海橫琴長隆海洋王國_中旅專車_04珠海橫琴長隆海洋王國_中旅專車_05

 

澳門海關同橫琴口岸之間只係相隔呢條蓮花大橋

珠海橫琴長隆海洋王國_中旅專車_06珠海橫琴長隆海洋王國_中旅專車_07珠海橫琴長隆海洋王國_中旅專車_08

 

坐車過到對岸又要再落車過大陸海關,好煩。

珠海橫琴長隆海洋王國_中旅專車_09

 

朝早從橫琴口岸過珠海嘅人好少,好快就過左關。不過從大陸過澳門嘅旅客就好多,而且唔少係自己揸車過黎,口岸大樓對出嘅停車場同周圍嘅空地泊滿晒私家車,如果澳門真係可以俾大陸人自駕入境,咁到時澳門真係死得目瞪口呆

珠海橫琴長隆海洋王國_中旅專車_11珠海橫琴長隆海洋王國_中旅專車_10珠海橫琴長隆海洋王國_中旅專車_12珠海橫琴長隆海洋王國_中旅專車_13

 

過完大陸關,上返車向珠海橫琴長隆海洋王國再進發,從橫琴口岸到長隆國際海洋度假區嘅距離只係5公里,行車10鐘就到。

珠海橫琴長隆海洋王國_中旅專車_14

 

橫琴口岸旁邊嘅澳門大學校區

珠海橫琴長隆海洋王國_中旅專車_15珠海橫琴長隆海洋王國_中旅專車_16

 

再行前少少係橫琴碼頭,對岸就係路環市區。

珠海橫琴長隆海洋王國_中旅專車_17

 

到達目的地啦,中旅嘅巴士停係呢度,上車同落車係同一地點,認住澳門中旅長隆專車個牌就實搵到。

珠海橫琴長隆海洋王國_中旅專車_18珠海橫琴長隆海洋王國_中旅專車_19珠海橫琴長隆海洋王國_中旅專車_20珠海橫琴長隆海洋王國_中旅專車_21

 

旁邊就係公車總站,如果夜走冇中旅接駁巴士坐,可以係呢度坐公車出去橫琴口岸或者拱北返澳門,以長隆為總站嘅公車路線有K10K111486,全部路線都會停橫琴口岸,但只有K10可以去到拱北口岸。由於大多數人都係自已開車入去橫琴長隆或者跟旅行團,所以坐公車嘅人唔多。

珠海橫琴長隆海洋王國_中旅專車_22

 

由落車嘅地方步行到長隆海洋王國入口需時約10分鐘,如果有小孩、長者同行,可能需要長D時間。

珠海橫琴長隆海洋王國_公車站至園區步行路線_01珠海橫琴長隆海洋王國_公車站至園區步行路線_06

 

從呢個方向離遠望過去見到嘅建築物就係長隆橫琴灣酒店以及珠海長隆馬戲城,沿行人路向住呢個方向行就啱。

珠海橫琴長隆海洋王國_公車站至園區步行路線_02

 

長隆國際海洋度假區內有多個停車場,車位好多,不過都唔足以應付大批自駕過黎嘅大陸民眾。

珠海橫琴長隆海洋王國_公車站至園區步行路線_03

 

前面呢座建築物就係珠海長隆馬戲城,行到呢度轉右行係長隆海洋王國,轉左行就係長隆橫琴灣酒店。

珠海橫琴長隆海洋王國_公車站至園區步行路線_05珠海橫琴長隆海洋王國_公車站至園區步行路線_04

 

馬戲城至海洋王國入口之間有一段人工運河,可以坐艇仔往來。

珠海橫琴長隆海洋王國_公車站至園區步行路線_07珠海橫琴長隆海洋王國_公車站至園區步行路線_08

 

行左10幾分鐘終於到達長隆海洋王國入口

珠海橫琴長隆海洋王國_入口_01

 

如果唔想行路,可以坐長隆嘅免費穿梭巴士,穿梭巴士從公車站附近開出,途經長隆橫琴灣酒店和珠海長隆馬戲城,最後到達長隆海洋王國入口旁邊嘅停車場,車程只係5分鐘左右,不過相隔15-20分鐘先有一班車。

珠海橫琴長隆海洋王國_免費穿梭巴士_01珠海橫琴長隆海洋王國_免費穿梭巴士_04珠海橫琴長隆海洋王國_免費穿梭巴士_03珠海橫琴長隆海洋王國_免費穿梭巴士_05

 

免費穿梭巴士上落車地點就係中旅專車上落車地點對面

珠海橫琴長隆海洋王國_免費穿梭巴士_02

 

途經長隆橫琴灣酒店

珠海橫琴長隆海洋王國_免費穿梭巴士_09珠海橫琴長隆海洋王國_免費穿梭巴士_10

 

橫琴灣酒店對面就係珠海長隆馬戲城

珠海橫琴長隆海洋王國_免費穿梭巴士_11珠海橫琴長隆海洋王國_免費穿梭巴士_12

 

穿梭巴士最後停靠海洋王國入口旁邊呢個停車場,回程都係呢度上車。

珠海橫琴長隆海洋王國_免費穿梭巴士_06珠海橫琴長隆海洋王國_免費穿梭巴士_07珠海橫琴長隆海洋王國_免費穿梭巴士_08

 

其實長隆海洋王國、馬戲城以及橫琴灣酒店之間相距唔遠,從酒店步行到海洋王國入口都只係需要10分鐘左右。以下為大家提供標示有主要地點嘅長隆國際海洋度假區嘅Google地圖,俾大家參考一下。


在較大的地圖上查看珠海橫琴長隆國際海洋度假區位置

 

 

由於係橫琴長隆海洋王國影嘅相太多,篇幅太長,所以需要分開兩篇黎寫,呢篇就暫時寫到呢度為止,下一篇再分享樂園內嘅情況。

 

繼續閱讀 >>

 

相關連結:

3 comments

發表迴響

你的電子郵件位址並不會被公開。

如果您想在作者回覆您的留言後收到通知,可以在[Email]欄中填寫您的電郵地址,再在下方[用電子郵件通知我後續的迴響]前的方格打剔。(註:您填寫的電郵地址不會顯示在留言中!)