----------

----------

珠海橫琴長隆海洋王國試業試玩體驗 – 下篇

上一篇同大家分享左今個年初四到珠海橫琴長隆海洋王國試玩嘅整體感受,以及介紹購買門票和交通方面嘅情況。呢篇繼續睇埋長隆海洋王國場內嘅情況以及我地遊覽嘅行程。

珠海橫琴長隆海洋王國_入口_02

 

長隆海洋王國入口前嘅標誌,最上面個老虎仔唔係海洋王國裡面嘅動物,而係珠海長隆馬戲城嘅主角。

珠海橫琴長隆海洋王國_入口_03

 

係中旅社買門票之後只有一張購票證明,正式門票要係長隆海洋王國嘅售票處領取,入場前先去攞飛先。如果在Klook客路或者淘寶網購票,也需要先在場外售票處兌換門票。

 

呢度有兩個售票處,有隻白鯨係上面嘅呢個係即場購票嘅售票處,人比較多。

珠海橫琴長隆海洋王國_購票與取票_01珠海橫琴長隆海洋王國_購票與取票_02

 

如果已經係網上買左飛或者好似我地咁係旅行社買飛,就應該去呢個頭頂有隻海象嘅售票處取票。如果唔識搵可以問職員,售票處前面有好多職員係度。

珠海橫琴長隆海洋王國_購票與取票_03

 

係網上買飛或者係旅行社買飛之後,會得到一個憑證號,呢個憑證號再加上你嘅手機號碼就係用來取票嘅證明,排隊等攞飛嘅時候有職員會先幫你係紙仔上填好憑證號和手機號碼,去到售票窗口只需要將紙仔交俾售票員就可以攞到正式門票架啦。

珠海橫琴長隆海洋王國_購票與取票_05珠海橫琴長隆海洋王國_購票與取票_04珠海橫琴長隆海洋王國_購票與取票_06珠海橫琴長隆海洋王國_購票與取票_07

珠海橫琴長隆海洋王國_購票與取票_09珠海橫琴長隆海洋王國_購票與取票_10

 

入場前要先經過安檢,其實主要係睇你有冇帶食物入去,聽講每人只可以帶一支水入場,不過D保安check得好求其,我背囊裡面有一大包零食同飲品都冇被發現。

珠海橫琴長隆海洋王國_入口_04珠海橫琴長隆海洋王國_入口_05

 

過左安檢要再過埋呢個驗票機

珠海橫琴長隆海洋王國_入口_06珠海橫琴長隆海洋王國_入口_07

 

踏入場內第一個映入眼簾嘅就係呢個巨型魔鬼魚造型嘅巨型天花銀幕,很震撼。

珠海橫琴長隆海洋王國_海洋大街_01珠海橫琴長隆海洋王國_海洋大街_02珠海橫琴長隆海洋王國_海洋大街_03

 

巨型天花銀幕下面係海洋大街,兩邊主要係手信店以及食店,可以到離開時有時間先入去行下。

珠海橫琴長隆海洋王國_商店_01珠海橫琴長隆海洋王國_商店_02珠海橫琴長隆海洋王國_商店_03珠海橫琴長隆海洋王國_商店_04珠海橫琴長隆海洋王國_商店_06珠海橫琴長隆海洋王國_商店_07珠海橫琴長隆海洋王國_商店_05珠海橫琴長隆海洋王國_食店_19

 

開始玩之前先係入口附近攞返張地圖

珠海橫琴長隆海洋王國_地圖_03

珠海橫琴長隆海洋王國_地圖_01珠海橫琴長隆海洋王國_地圖_02

 

行出海洋大街最左邊係海象山,有海象館同埋一個叫超級激流嘅機動遊戲。

珠海橫琴長隆海洋王國_01珠海橫琴長隆海洋王國_02

 

同樣係海洋大街左邊嘅叫繽紛世界嘅兒童樂園區,有旋轉木馬同碰碰車,仲有一個親親水世界嘅水池仔。

珠海橫琴長隆海洋王國_03珠海橫琴長隆海洋王國_04珠海橫琴長隆海洋王國_05珠海橫琴長隆海洋王國_06

 

右手邊係海豚灣同雨林飛翔,有海豚館同表演,場內最受歡迎嘅機動遊戲飛越雨林亦係呢區。

珠海橫琴長隆海洋王國_07

 

橫琴長隆海洋王國園區正中央係呢個叫橫琴海嘅湖,每隔一段時間就有噴泉表演。

珠海橫琴長隆海洋王國_夢幻海洋噴泉_01珠海橫琴長隆海洋王國_夢幻海洋噴泉_02珠海橫琴長隆海洋王國_夢幻海洋噴泉_03

 

湖上仲會有水上電單車表演

珠海橫琴長隆海洋王國_水上電單車表演_02珠海橫琴長隆海洋王國_水上電單車表演_01

 

湖邊呢隻仿古戰艦只可以睇,未上得去玩。

珠海橫琴長隆海洋王國_08珠海橫琴長隆海洋王國_09

 

我地嘅第一目標係海洋奇觀,位置係樂園最入面,一直行過左湖嘅盡頭就係。

珠海橫琴長隆海洋王國_海洋奇觀_01

 

海洋奇觀嘅入口就係條巨型藍鯨雕像下面,因為我地一入場第一時間就黎呢度,所以排隊嘅人唔多,好快入到去,而且館內亦未算好擠迫,可以比較輕鬆咁參觀。

珠海橫琴長隆海洋王國_海洋奇觀_02珠海橫琴長隆海洋王國_海洋奇觀_03珠海橫琴長隆海洋王國_海洋奇觀_04

 

入到海洋奇觀第一個景係呢個弧形魚缸,雖然裡面見唔到魚但大家都照樣係咁影相。

珠海橫琴長隆海洋王國_海洋奇觀_05珠海橫琴長隆海洋王國_海洋奇觀_06

 

係度洗緊魚缸嘅呢位潛水員成為大家爭相拍照嘅展品驚訝

珠海橫琴長隆海洋王國_海洋奇觀_07

 

同沖繩美麗海水族館一樣,呢度都有一個個獨立嘅小型魚缸,仲有顯示屏介紹展出嘅魚類資料,不過冇得互動。

珠海橫琴長隆海洋王國_海洋奇觀_08珠海橫琴長隆海洋王國_海洋奇觀_09

 

海洋奇觀嘅重頭戲係呢個號稱全球最大嘅鯨鯊展館,同沖繩美麗海水族館相比,長隆海洋王國呢個魚缸嘅闊度較長,但高度就唔及沖繩,不過仍然好有震撼感,可惜係缸裡面嘅魚雖然唔少,但係欠缺大魚,巨型鯨鯊更加未見蹤影。(更新:海洋奇觀嘅主角 – 兩條巨型鯨鯊 – 已經在7月10日開始正式進駐。)

珠海橫琴長隆海洋王國_海洋奇觀_10珠海橫琴長隆海洋王國_海洋奇觀_11珠海橫琴長隆海洋王國_海洋奇觀_12珠海橫琴長隆海洋王國_海洋奇觀_13珠海橫琴長隆海洋王國_海洋奇觀_14珠海橫琴長隆海洋王國_海洋奇觀_15珠海橫琴長隆海洋王國_海洋奇觀_16珠海橫琴長隆海洋王國_海洋奇觀_17珠海橫琴長隆海洋王國_海洋奇觀_18珠海橫琴長隆海洋王國_海洋奇觀_19珠海橫琴長隆海洋王國_海洋奇觀_20珠海橫琴長隆海洋王國_海洋奇觀_21珠海橫琴長隆海洋王國_海洋奇觀_22珠海橫琴長隆海洋王國_海洋奇觀_23珠海橫琴長隆海洋王國_海洋奇觀_24珠海橫琴長隆海洋王國_海洋奇觀_25珠海橫琴長隆海洋王國_海洋奇觀_29珠海橫琴長隆海洋王國_海洋奇觀_30

 

魚缸裡面竟然整左個玫瑰花形嘅大石,雖然幾靚但有D怪怪地。驚訝

珠海橫琴長隆海洋王國_海洋奇觀_26珠海橫琴長隆海洋王國_海洋奇觀_28珠海橫琴長隆海洋王國_海洋奇觀_27

 

海洋奇觀裡面有條觀魚海底隧道,不過冇咩魚睇,而且超多人,不宜停留。

珠海橫琴長隆海洋王國_海洋奇觀_31珠海橫琴長隆海洋王國_海洋奇觀_32珠海橫琴長隆海洋王國_海洋奇觀_33

 

海洋奇觀旁邊嘅五維影院-深海歷奇,不過仲未開放。

珠海橫琴長隆海洋王國_10珠海橫琴長隆海洋王國_11

 

海洋奇觀區旁邊就係極地探險區,有生活係南北極嘅動物睇,首先入去呢個叫白鯨全接觸。

珠海橫琴長隆海洋王國_白鯨_01珠海橫琴長隆海洋王國_白鯨_02

 

裡面唔大,只見兩條肥嘟嘟嘅白鯨係度游黎游去。

珠海橫琴長隆海洋王國_白鯨_03珠海橫琴長隆海洋王國_白鯨_04

 

仲放左個蛟龍號模型俾人影相

珠海橫琴長隆海洋王國_白鯨_05珠海橫琴長隆海洋王國_白鯨_06

 

長隆海洋王國裡面有三個動物表演劇場,分別係極地劇場、海豚劇場以及海獅劇場,其中海獅劇場仲未有表演。行到呢度首先入去極地劇場睇白鯨表演,唔知第日會唔會有埋企鵝表演。

珠海橫琴長隆海洋王國_極地劇場_01珠海橫琴長隆海洋王國_極地劇場_02珠海橫琴長隆海洋王國_極地劇場_03

 

個表演劇場地方都好大,可以容納好多觀眾,不過因為人太多,所以仍然係坐無虛席。

珠海橫琴長隆海洋王國_極地劇場_04珠海橫琴長隆海洋王國_極地劇場_05

 

等緊表演開始之前,先攪攪氣氛等大家冇咁悶,就係將拍攝到場內觀眾嘅畫面駁上大銀幕,睇下大家幾雀躍。

珠海橫琴長隆海洋王國_極地劇場_06珠海橫琴長隆海洋王國_極地劇場_07

 

開show啦,先黎個開場嘅小型舞蹈表演

珠海橫琴長隆海洋王國_極地劇場_08

 

跟住就係正式嘅白鯨表演

珠海橫琴長隆海洋王國_極地劇場_09珠海橫琴長隆海洋王國_極地劇場_10珠海橫琴長隆海洋王國_極地劇場_11珠海橫琴長隆海洋王國_極地劇場_12

 

睇完白鯨表演已經係中午,園區入面遊客越來越越多,度度都迫爆人,本黎想食左午飯先,但因為餐廳人太多,冇辦法搵到位,唯有繼續睇多兩個展館等晏D先食嘢。

珠海橫琴長隆海洋王國_人潮_01珠海橫琴長隆海洋王國_人潮_02

 

企鵝世界出面勁多人排隊,不過多人都要排,因為呢個展館係我地第二個最想去嘅展館。

珠海橫琴長隆海洋王國_人潮_04珠海橫琴長隆海洋王國_人潮_05珠海橫琴長隆海洋王國_人潮_06珠海橫琴長隆海洋王國_人潮_07珠海橫琴長隆海洋王國_人潮_08珠海橫琴長隆海洋王國_人潮_09

 

由於人太多,企鵝世界裡面行都好難行,想插入去玻璃前面睇下企鵝嘅真容就更加困難。

珠海橫琴長隆海洋王國_企鵝世界_01

 

只係見到成班企鵝好無奈咁企係度轉動眼珠

珠海橫琴長隆海洋王國_企鵝世界_02珠海橫琴長隆海洋王國_企鵝世界_03

 

企鵝世界裡面同樣有條海底隧道,可以見到兩三隻企鵝游水。

珠海橫琴長隆海洋王國_企鵝世界_04珠海橫琴長隆海洋王國_企鵝世界_05

 

企鵝館對面嘅北極熊館-北極熊村莊係同樣令人期待嘅展館,不過同樣令人失望。

珠海橫琴長隆海洋王國_北極熊村莊_01珠海橫琴長隆海洋王國_北極熊村莊_02

 

北極熊村莊外面仲有幾隻棕熊做陪襯

珠海橫琴長隆海洋王國_北極熊村莊_03珠海橫琴長隆海洋王國_北極熊村莊_04珠海橫琴長隆海洋王國_北極熊村莊_05

 

同企鵝館一樣北極熊館都係人迫人,入左個場只求可以快D出返去出面。目瞪口呆

珠海橫琴長隆海洋王國_北極熊村莊_06

珠海橫琴長隆海洋王國_人潮_10

 

Hello! Anyone home? 北極熊去左邊?

珠海橫琴長隆海洋王國_北極熊村莊_07珠海橫琴長隆海洋王國_北極熊村莊_10

 

原來訓左覺

珠海橫琴長隆海洋王國_北極熊村莊_08

 

嘩,好多北極熊啊!原來係假嘢。咬牙切齒

珠海橫琴長隆海洋王國_北極熊村莊_09

 

長隆海洋王國裡面每一個景區都有最少一兩間餐廳,不過由於人太多,所有餐廳都爆滿,就算我地推遲食晏時間仍然好難搵到位食飯。

 

極地探險區內嘅橫琴灣伴餐廳,本來想係呢度食,但人太多搵唔到位。

珠海橫琴長隆海洋王國_食店_01珠海橫琴長隆海洋王國_食店_02珠海橫琴長隆海洋王國_食店_03

 

跟住行去繽紛世界區內嘅美食天地,不過睇完餐牌冇樣啱食。

珠海橫琴長隆海洋王國_食店_04珠海橫琴長隆海洋王國_食店_05珠海橫琴長隆海洋王國_食店_06珠海橫琴長隆海洋王國_食店_07

 

最後去到海象山嘅海象餐廳

珠海橫琴長隆海洋王國_食店_08珠海橫琴長隆海洋王國_食店_10珠海橫琴長隆海洋王國_食店_11珠海橫琴長隆海洋王國_食店_12

 

因為限制唔俾人帶食物入場,所以園區入面嘅食肆可以大啖大啖咁宰客,一個普普通通絕不好味嘅碟頭飯賣四十至五十蚊人民幣,汽水飲品都要十幾廿蚊一支,賺死佢咬牙切齒

珠海橫琴長隆海洋王國_食店_09珠海橫琴長隆海洋王國_食店_13珠海橫琴長隆海洋王國_食店_14

 

其他餐廳冇入去,所以冇影到相。除左餐廳之外,仲有一D小食店,亦有一D賣飲品麵包嘅小食亭,同棣好多人排隊。

珠海橫琴長隆海洋王國_食店_15珠海橫琴長隆海洋王國_食店_16珠海橫琴長隆海洋王國_食店_17珠海橫琴長隆海洋王國_食店_18

 

海象山呢區嘅遊人比較少,可能係由於呢區已經開放嘅設施唔多,除左我地食午飯嘅海象餐廳之外,只有海象城堡同埋一個叫極速戰船嘅機動遊戲開左,其餘設施包括海獅劇場以及超級激流機動遊戲都仲未開放。

珠海橫琴長隆海洋王國_海象山_01

 

極速戰船

珠海橫琴長隆海洋王國_海象山_02珠海橫琴長隆海洋王國_海象山_03珠海橫琴長隆海洋王國_海象山_04

 

海象城堡展出嘅係海狗同海象,可能吸引力唔大,幾乎冇人入場。

珠海橫琴長隆海洋王國_海象城堡_01珠海橫琴長隆海洋王國_海象城堡_03珠海橫琴長隆海洋王國_海象城堡_02

 

如果行動不便最好唔好入去海象城堡,因為出口要行一大段樓梯。

珠海橫琴長隆海洋王國_海象城堡_04

 

超級激流係呢區主要機動遊戲,不過仲係度進行緊測試。

珠海橫琴長隆海洋王國_超級激流_01珠海橫琴長隆海洋王國_超級激流_02珠海橫琴長隆海洋王國_超級激流_03

珠海橫琴長隆海洋王國_超級激流_04珠海橫琴長隆海洋王國_超級激流_05珠海橫琴長隆海洋王國_超級激流_06珠海橫琴長隆海洋王國_超級激流_07珠海橫琴長隆海洋王國_超級激流_08珠海橫琴長隆海洋王國_超級激流_09珠海橫琴長隆海洋王國_超級激流_10珠海橫琴長隆海洋王國_超級激流_11珠海橫琴長隆海洋王國_超級激流_12

 

位於極地探險區嘅機動遊戲冰川歷險同樣未開放

珠海橫琴長隆海洋王國_冰川歷險_01珠海橫琴長隆海洋王國_冰川歷險_02

 

長隆海洋王國裡面嘅三大機動遊戲設施只有呢個號稱亞洲第一個,全球最長嘅飛行過山車飛越雨林玩得,所以係樂園內最受歡迎嘅設施,而玩家嘅尖叫聲亦成為場內最動聽最吸引人目光嘅節目,似乎睇人受罪係唔少人嘅喜好吐舌頭

珠海橫琴長隆海洋王國_飛越雨林過山車_01珠海橫琴長隆海洋王國_飛越雨林過山車_02珠海橫琴長隆海洋王國_飛越雨林過山車_03珠海橫琴長隆海洋王國_飛越雨林過山車_04珠海橫琴長隆海洋王國_飛越雨林過山車_05珠海橫琴長隆海洋王國_飛越雨林過山車_06珠海橫琴長隆海洋王國_飛越雨林過山車_07珠海橫琴長隆海洋王國_飛越雨林過山車_08珠海橫琴長隆海洋王國_飛越雨林過山車_09珠海橫琴長隆海洋王國_飛越雨林過山車_10珠海橫琴長隆海洋王國_飛越雨林過山車_11珠海橫琴長隆海洋王國_飛越雨林過山車_12珠海橫琴長隆海洋王國_飛越雨林過山車_13

 

雨林飛翔區除左過山車之外,仲有個展示熱帶雨林河流魚類嘅亞馬遜之旅。

珠海橫琴長隆海洋王國_亞馬遜_01珠海橫琴長隆海洋王國_亞馬遜_02珠海橫琴長隆海洋王國_亞馬遜_03珠海橫琴長隆海洋王國_亞馬遜_04珠海橫琴長隆海洋王國_亞馬遜_05珠海橫琴長隆海洋王國_亞馬遜_06珠海橫琴長隆海洋王國_亞馬遜_07

 

最後仲有時間,睇埋海豚劇場嘅海豚表演,演出形式同極地劇場差唔多,只係主角由白鯨換成海豚,不過如果只可以二選一,極地劇場嘅白鯨表演會較值得睇。

珠海橫琴長隆海洋王國_海豚劇場_01珠海橫琴長隆海洋王國_海豚劇場_02珠海橫琴長隆海洋王國_海豚劇場_03珠海橫琴長隆海洋王國_海豚劇場_04珠海橫琴長隆海洋王國_海豚劇場_05珠海橫琴長隆海洋王國_海豚劇場_06珠海橫琴長隆海洋王國_海豚劇場_07珠海橫琴長隆海洋王國_海豚劇場_08珠海橫琴長隆海洋王國_海豚劇場_09

 

資料介紹話長隆海洋王國會有花車巡遊,不過可能試業期間仲未ready,場內只擺放左幾部花車,未有巡遊。

珠海橫琴長隆海洋王國__花車_01珠海橫琴長隆海洋王國__花車_02

 

另外,場內間中有D卡通人物走黎走去俾遊客影相。

珠海橫琴長隆海洋王國_場內卡通人物_01珠海橫琴長隆海洋王國_場內卡通人物_02珠海橫琴長隆海洋王國_場內卡通人物_03

珠海橫琴長隆海洋王國_場內卡通人物_04珠海橫琴長隆海洋王國_場內卡通人物_05

 

雖然七點三會有煙花表演,不過唔少人未到六點就已經陸續離開,我地因為要坐六點半嘅中旅專車返澳門,所以都係六點前離場。由朝早十點幾入場到下午五點幾離場大約玩左七個鐘,因為冇花時間係玩機動遊戲上,所以時間算係啱啱夠用,但如果玩埋機動遊戲時間就可能唔多足夠。

珠海橫琴長隆海洋王國_15

 

 

未睇上篇嘅,可以睇埋《珠海橫琴長隆海洋王國試業試玩體驗 – 上篇》,寫左試玩後嘅整體感受,同埋介紹購買門票和交通方面嘅情況。

如果您覺得本Blog的文章對您有幫助,請到本Blog的Facebook專頁點個「」,支持一下吧!

 

繼續閱讀 >> 補充資料:澳門到珠海長隆海洋王國交通指南

 

相關連結:

________
本文網址:http://www.travelclassroom.net/2014/02/chimelong-ocean-kingdom-part2.html

Related Posts Plugin for WordPress, Blogger...
補充資料:澳門到珠海長隆海洋王國交通指南
珠海橫琴長隆海洋王國試業試玩體驗 - 上篇

分享這篇文章:

讚好本Blog Facebook專頁

3 comments

  • San

    你好!請問在海洋王國有無的士出返珠海市中心?大約要縛多錢?
    如我在珠海市中心叫的士入海洋王國, 應該無問題吧?

    • 係長隆裡面唔多見有的士等客, 不過而家開業耐左就唔清楚會唔會有的士入去等客, 如果係珠海市區坐的士入去就一定冇問題.

  • 感謝分享!對像得這些還沒去的有很大幫助!

    介紹很長篇,很仔細,而且還很幽默!

    由其是北極熊那部分,真的很搞笑!

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁