----------

----------

2010年秋日本中部自駕遊 – Day 5:立山駅、美女平、黑部峽谷觀光火車

按計劃今日會上立山黑部,係今次旅程嘅重頭戲。不過因為尋日氣溫突降,係立山山上落左場大雪,今日去到山腳嘅立山駅先知道山上嘅立山高原巴士停駛,食左閉門羹。

日本中部之旅(Day5)

 

尋晚見天氣轉差已經心知不妙,今朝一早係酒店大堂用電腦上去立山黑部官方網站睇下有咩新消息,但係網站冇發佈任何消息,所以決定按原定計劃前往立山駅睇睇。

日本中部之旅(Day5)_01

 

富山市內嘅主要交通工具係電車,可惜未有機會試坐。

日本中部之旅(Day5)_02日本中部之旅(Day5)_03

 

從富山市前往立山駅嘅路上,雖然天陰陰,但好在已經停左雨。

日本中部之旅(Day5)_04日本中部之旅(Day5)_05日本中部之旅(Day5)_06日本中部之旅(Day5)_07日本中部之旅(Day5)_08

 

接近山腳可以見到滿山紅葉

日本中部之旅(Day5)_09日本中部之旅(Day5)_10日本中部之旅(Day5)_11

 

無論係唔係自駕,立山黑部嘅行程都令人好頭痛,因為立山黑部路線由西至東貫穿立山,如果想要有充足時間遊覽,最好係由其中一邊上山,再由另一邊落山,咁樣就唔洗行返轉頭,唔洗趕時間。不過如果自已開車去,因為架車泊左係山腳,所以冇辦法一定要係上山嘅同一邊落下攞返架車。其實就算唔係自駕,帶住大件行李上山亦都唔係咁方便。

 

立山黑部西邊嘅出入口係立山駅,東邊係扇澤,兩地之間相距170公里,開車要3個半鐘。如果自駕又想係一邊上山,另一邊落山,可以幫襯車輛回送服務,幫你將架車由一邊開去另一邊,不過服務費要2萬幾日元。如果唔係自駕,亦可以幫襯行李回送服務,每件千幾日元。

立山

 

立山駅出面有多個停車場,免費任泊,今山上唔到山所以停車場空空如也。

日本中部之旅(Day5)_12

 

如果唔係自駕,可以由富山駅坐富山電鐵到山立駅。

日本中部之旅(Day5)_13

 

因為封山,立山駅周圍都好冷清。

日本中部之旅(Day5)_14日本中部之旅(Day5)_15

 

立山駅

日本中部之旅(Day5)_16日本中部之旅(Day5)_17

 

售票處就係車站右邊,可以係呢度買飛,如果旺季怕買唔到,亦可以先係網上預約

日本中部之旅(Day5)_18

 

由於山上落雪,立山駅呢邊只可以去到美女平。雖然美女平冇乜嘢睇,但係一場黎到冇理由唔上一上去。立山駅至美女平嘅登山纜車來回車票。

日本中部之旅(Day5)_22

 

立山駅

日本中部之旅(Day5)_19日本中部之旅(Day5)_20

 

車站內設有幾個Locker

日本中部之旅(Day5)_21

 

立山駅到美女平坐嘅登山纜車

日本中部之旅(Day5)_23日本中部之旅(Day5)_24日本中部之旅(Day5)_27日本中部之旅(Day5)_25日本中部之旅(Day5)_26

 

纜車車道

日本中部之旅(Day5)_28

 

窗外美景

日本中部之旅(Day5)_29日本中部之旅(Day5)_30

 

到左美女平,車站顯示室堂附近”吹雪”,高原巴士停駛。

日本中部之旅(Day5)_31

 

GPS顯示我地身處美女平

日本中部之旅(Day5)_33日本中部之旅(Day5)_32

 

因為停駛,美女平駅出面嘅巴士都停晒係度。

日本中部之旅(Day5)_34日本中部之旅(Day5)_35日本中部之旅(Day5)_36日本中部之旅(Day5)_37

 

美女平本身冇乜嘢睇,係度影下相返落山。

日本中部之旅(Day5)_38

 

從登山纜車望落立山駅

日本中部之旅(Day5)_39日本中部之旅(Day5)_40

 

冇得上立山黑部,唯有提早入去字奈月溫泉。本黎係計劃聽朝先去坐黑部峽谷觀光火車,而家改變行程,今日先坐小火車遊覽黑部峽谷啦。

 

黑部鐵路字奈月駅出面有個大停車場,不過係要收費架。

日本中部之旅(Day5)_41日本中部之旅(Day5)_42日本中部之旅(Day5)_43日本中部之旅(Day5)_44

 

車站裡面亦有Locker可以放行李

日本中部之旅(Day5)_48

 

雖然車票都可以網上預約,但手續好麻煩,都係去到車站大堂先買車票好D。

日本中部之旅(Day5)_45

 

黑部峽谷觀光火車分為普通客車、特別客車同逍遥客車三種不同的車種,普通客車係開放式車廂,冇遮冇擋,由於峽谷裡面好大風,而且天氣又凍,坐普通客車可能會凍僵,所以我地選擇坐特別客車,雖然要另外俾多300幾Yen買多張特別客車車票,但係都值得。而逍遥客車就比特別客車高級一D,但係要俾多500幾Yen。

日本中部之旅(Day5)_71

 

呢種就係普通客車,如果唔係夏天坐起黎風涼水冷都幾辛苦。

日本中部之旅(Day5)_57日本中部之旅(Day5)_58

 

我地坐呢種特別客車

日本中部之旅(Day5)_49日本中部之旅(Day5)_50

 

黑部峽谷觀光火車月台

日本中部之旅(Day5)_46日本中部之旅(Day5)_47

 

黑部峽谷係今個旅程見到最靚紅葉嘅地方,風景一流。

日本中部之旅(Day5)_51日本中部之旅(Day5)_52日本中部之旅(Day5)_53日本中部之旅(Day5)_54日本中部之旅(Day5)_55日本中部之旅(Day5)_56日本中部之旅(Day5)_59日本中部之旅(Day5)_60日本中部之旅(Day5)_61日本中部之旅(Day5)_63

 

黑部峽谷觀光火車分別設有宇奈月、黒薙、鐘釣同欅平四個車站,買車票時一定要指定去邊個站,唔可以買一張車票個個站都落車,因為車票係落車之後就會冇效,所以就算你買左張由宇奈月到最後一個站欅平嘅車票,如果你中途係黒薙或鐘釣落左車,想再去返欅平都要重新買過車票,所以如果想個個站都去,可以分別到各個站嘅單程車票,例先買由宇奈月到黒薙嘅單程車票,再買由黒薙到鐘釣嘅單程車票,然後買由鐘釣到欅平嘅嘅單程車票,最後買由欅平返宇奈月嘅單程車票。

 

我地只係由宇奈月直接去欅平,冇去黒薙同鐘釣。

日本中部之旅(Day5)_64日本中部之旅(Day5)_65

 

欅平駅

日本中部之旅(Day5)_66日本中部之旅(Day5)_67日本中部之旅(Day5)_68

 

車站內有食事處,中午就係呢度食。

日本中部之旅(Day5)_69

 

欅平駅外嘅觀景台

日本中部之旅(Day5)_70

 

從宇奈月坐觀光火車到欅平單程差唔多要80分鐘,唔計遊覽時間淨係坐觀光火車來回都要接近三個鐘。遊覽完黑部峽谷,今日嘅旅程又結束啦,今晚入住宇奈月溫泉呢間叫宇奈月温泉 ホテル黒部嘅溫泉旅館,詳細介紹可以睇呢篇住@宇奈月温泉 ホテル黒部

日本中部之旅(Day5)_72

 

今晚間房

日本中部之旅(Day5)_73日本中部之旅(Day5)_74日本中部之旅(Day5)_78

 

今晚晚餐

日本中部之旅(Day5)_75日本中部之旅(Day5)_76日本中部之旅(Day5)_77

 

– Day 5 完 –

相關文章

Related Posts Plugin for WordPress, Blogger...
2010年秋日本中部自駕遊 - Day 6:金沢兼六園、近江町市場、金沢21世紀美術館
2010年秋日本中部自駕遊 - Day 4:宮川朝市、櫻山八幡宮、飛騨古川、誤闖雪山

分享這篇文章:

讚好本Blog Facebook專頁

12 comments

  • Car

    有關上網買立山黑部車票,我見要填地址,那預訂是票會寄給我們還是到店時預定號碼即可?thanks

    • 車票是在車站售票處取的, 這是官方的Q&A:
      You can receive your ticket on the date of boarding by showing the “Message from Web Ticket Office” or providing the reservation number and identification at the Web ticket office.

    • wingjp

      其實你只要填飯店的地址就可以
      因為不是寄車票去酒店的,是通過電郵通知你的,所以……他只是要一個你在日本時的地址

  • Gladys

    謝謝你的回覆啊!

    但去到黑部水庫已經差不多尾站?你記得大概用了多少時間?

    謝謝!

    • 我沒有實際去到, 因為封山去不到, 只是在planning時估計過時間, 大既2點半左右可以從立山駅去到黑部水庫, 不過如果是旺季, 可能就不可能.

    • 訪客

      我有去,我是4月17日上山的,早上9時在立山駅出發,大約在下午3時在黑部湖回程,回到立山駅剛好下午5時半

  • Gladys

    Hi,

    謝謝你的分享啊!

    我們3人將會6/23-7/7到名古屋, 大概14日, 預算去的地方跟你的差不多, 但會去埋上高地, 第一晚到名古屋已經晚上8點, 我們正在苦惱到立山那天, 怎樣處理行李, 請問你們是給立山回送行李費,或代駕?

    Thanks!
    Gladys

    • 我去立山時因落雪封了山, 只上了美女平. 因為自駕又不想花費請公司代駕去山另一邊, 所以我們原本的計劃都是打算下午2點去到黑部水庫後折返立山駅.

  • WINGJP

    你好呀,我想有少少關於上立山既問題問下~~
    因為我會開山第一日上山,3月17號開始賣飛,我上網買,但係佢唔俾我地俾錢,我上網搵點解,有BLOGGER話最後佢自己都要用AEON先買到,我想問,如果我開山果日預先買唔到飛,我會唔會有機會上唔到山﹖
    因為我本身係10月買左HKE大阪特價機票,咁岩撞到佢4月16開山,我15號到大阪
    由於突然決定去,成本增加左好多,所以想確定一定去到

發表迴響

你的電子郵件位址並不會被公開。

收到您的留言後,小弟會盡快回覆,您可以Bookmark本篇文章,方便之後回來查看回覆 (注意:由於緩存關係,您在本Blog的留言可能不會即時顯示出來。)。 如果無法在Blog內留言,又或者想更快收到回覆,可到本Blog Facebook專頁留言!

為了阻擋垃圾留言,張貼留言前,請先用阿拉伯數字輸入以下數學算式的答案。(注意:輸入驗證碼前,請先按算式右手邊的Reload按鈕更新數學算式,以免因算式過時而出現驗證碼錯誤的情況。)

分享這篇文章:

讚好本Blog Facebook專頁