2015年韓國首爾+釜山賞櫻之旅(Day 6) – 汝矣島櫻花、新沙洞Line Store、醬油蟹

今日喺首爾嘅行程主要都係去行吓街，食吓嘢，同埋都會去一去首爾最主要嘅賞櫻熱點汝矣島睇一睇有冇櫻花，雖然明知睇到櫻花嘅可以性唔高，但一場嚟到點都要去撞一撞。

今日嘅早餐唔再係Isaac三文治，因為今日已經踏入復活節假期，Isaac排隊嘅人實在太多，所以轉食呢間係Savoy Hotel入面嘅Beansbins Coffee。

可能太早，冇人嘅。

果少少嘢成27,100won，都幾貴。

食完早餐先去汝矣島睇下，由明洞去要先坐地鐵4號線到銅雀站，再轉9號線。不過9號線嘅列車有快車(Express)同慢車之分，快車只停汝矣島站，唔停國會議事堂站。本嚟打算喺比較近輪中路嘅國會議事堂站落車，但點知上咗部快車，唯有喺汝矣島站落，落咗之後又唔想再等，所以直接出地面。

由汝矣島站穿過國際金融中心出到地面之後，沿公園行去漢江邊。

果然不出所料，首爾嘅櫻花比釜山遲，大部份都仲未開花。

有少部份啱啱開，但都唔太靚。

既然都未開，行咗一半決定穿過國會議事堂去地鐵站坐地鐵去行街算啦。

呢個係國會議事堂站嘅6號出口，有扶手電梯同升降機。

汝矣島嘅櫻花主要集中喺國會議事堂同漢江之間嘅一段中輪中路的路邊，如果只想精華遊，可以坐地鐵到國會議事堂站落車，再按下面地圖中紅色線嘅路線行。

離開汝矣島，順路去一去高速公巴士客運站嘅GOTO MALL地下購物街。高速公巴士客運站喺三條地鐵線嘅交匯站，而GOTO MALL地下購物街就喺9號線嘅車站。

最後一站係去新沙站行街，不過未行街之前先食lunch。最近去韓國嘅人都好興去食醬油蟹，我哋又跟風去試下。呢間好出名嘅醬油蟹店叫PRO醬油蟹，中文叫專業醬油蟹或者普樂醬油蟹，喺新沙洞站4號出口冇幾遠。

喺4號出口行出嚟直行第二個街口轉入去就係

入口唔係呢度

呢個先係佢嘅入口

兩個人點左四樣嘢，主菜當然係佢嘅招牌醬油蟹，不過咁食生蟹真係接受唔到，有D後悔嚟食，其他菜式味道同樣麻麻。呢餐食咗大約130,000won，係咁次旅程中第二餐覺得唔值嘅午餐。

開始行街街，目的地係新沙洞林蔭道。呢度路中間幾棵櫻花樹開得唔錯啊。

呢間開喺新沙洞嘅Dormy Inn Premium Seoul Garosugil係日本Hotespa.net酒店集團喺日本以外開設的第一間dormy inn，間酒店喺2015年5月1日先至開業，酒店位置唔係，就喺新沙洞站8號出口同林蔭道中間，下次再去首爾可能都會試下住。

呢條就係新沙洞林蔭道

呢間Line Friends Store係今次行新沙洞嘅主要商店之一

Line Store座落喺新沙洞林蔭道嘅中段

間Store面積其實又唔算好大，分為三層，地下入口呢層主要賣文具、公仔。

負一層有個小小嘅Cafe

另一邊主要賣杯、公仔、袋仔同雜物

樓上果層主打賣衫，同埋細路仔背囊。去嘅時候啱啱做緊半價promo，一件衫都只係10,000won，抵啊。

店入面放咗唔少公仔，大家入嚟唔多唔少都係為咗同佢地影吓相。

喺首爾嘅最後晚餐我哋去咗東大門食陳玉華一隻雞。陳玉華一隻雞嘅位置就喺東大門站同鐘路5街站之間嘅一條叫一隻雞胡同的小巷裡面，由呢兩個地鐵站過去嘅距離差唔多。

我哋由東大門站行過去

見到有光同人群聚集嘅地方就係啦

嘩，好多人。

要攞籌仔

如果陳玉華一隻雞同孔陵一隻雞只可以二選一，咁一定係食陳玉華一隻雞啦。

Day 6 完，返回2015年韓國首爾+釜山賞櫻之旅目錄。

相關文章：

• 住@首爾明洞Loisir Hotel Seoul Myeongdong
• 住@首爾明洞天空花園酒店
• 住@首爾明洞王子酒店
• 住@釜山Hotel Aventree Busan(亞雲樹酒店)
• 首爾明洞酒店推介
• 韓國外國人專用火車通行證KR Pass
• 韓國MobilePOP Pocket WiFi Router使用分享
• 如何網上預約首爾昌德宮秘苑導賞團門票