呢一晚真係成個行程中訓得最好嘅一晚，不過半夜就發生左一D不可思議事件。話說我地係雨天下聽住雨聲好舒服咁入睡之後，訓訓下去到大約半夜時份，俾D”沙沙”聲嘈醒左，本來唔想理佢架，不過嘈住晒好硬耳，於是咪起身睇下囉，原來係個電視自己開著左，不過畫面就只得雪花。我估可能係之前只係用遙控器熄部電視，之後因為機器故障而引至自動開返啦。不過當時都唔得閒分析咁多，因為好眼訓，所以將電視機個制熄左佢就繼續訓覺，好彩佢之後冇又再開返。

仙石原一之湯網頁度教人搭巴士去到”仙石原文化センター前”站落車，然後再行6分鐘路就可以去到，不過之前係網上見有去過嘅人介紹係”大原”站落車會比較方便，所以我地都諗住坐去大原站。問左司機原來架車唔去仙石原文化センター前，但就會去大原，咁當然啱晒我地啦。