今次旅行係hea遊，所以行程好輕鬆，而今日全日只得一個節目，就係留喺小樽慢遊，其實主要就係行小樽堺町通，遊完小樽傍晚時份先坐火車返札幌。

因為之前係LeTAO買嘅芝士蛋糕要放雪櫃，所以行完堺町通之後先回一回酒店先，放低蛋糕之後再出去食今晚dinner。聽講小樽嘅壽司出名，所以今晚決定去最出名嘅政壽司。 本來打算去位於壽司通嘅政壽司本店，不過開車經過時發現冇開門，所以轉移到位於小樽運河對面嘅分店。