因為已經係午飯時間，去到箱根町開始肚餓啦。箱根町海賊船碼頭出面有間賣手信嘅專門店，樓上有間幾大下嘅食店架，我地就係呢度食左係箱根嘅第一餐。呢間野真係好多遊客食，仲見到有個旅行團係度食添，不過有個男侍應就真係冇乜禮貌。我地入到去以為係就咁坐低然後叫野食，但原來係要先係個Counter度寫低個名同人數，再等佢地同你安排坐位架，第一次去鬼知咩，但個男侍應就表現得好唔耐煩咁，可能太多野做做到好燥。