2007年大阪、京都五天自由行(Day 1–向关西出发)

行程:(930,天晴,气温27度)

[10:00](澳门时间)出门口 >> [10:30]饮茶 >> [12:00]澳门机场check-in >> [13:30]飞机起飞 >> [18:00](日本时间)降落关西空港 >> [18:30]办理入境手续 >> [19:35]乘坐南海电车空港特急至大阪难波车站 >> [20:11]到达难波,步行到酒店 >> [20:50]到达酒店check-in >> [21:30]行道顿堀,食dinner >> [23:00]返回酒店休息

——————–

由于飞机要到中午之后先至起飞,所以可以训晏d先起身,但因为兴奋得滞训唔著,哈。所以都系起身出去饮茶先。10点半去到金都喜福轩,因为时间尚早所以唔洗等都有位。食到119,都系时间出发去机场啦。去到机场,发现机场南北两个停车场都full,好彩兜左一阵系南面停车场终于揾到个车位,如果唔系真系唔知点算好。

 

泊好架车拖住行李去到离境大楼,即刻揾旅行社领队攞机票。呢个package系要去到机场佢地职员先会俾张机票你架,领队仲会同你办埋登记手续同行李托运,不过返黎果程就要自己搅。

 

123入到候机室冇咩做,于是入去贵宾室度饮下野睇下书仔。等到1点钟终于上得机,原来班机有两个日本5天团。飞机系1点半起飞,比原定时间只系迟左5分钟。

 

Air Macau橙色飞机,角度唔靓影唔到机身侧面
飞机1


去大阪要坐成三个半钟飞机,都几闷下,唯有一边等食飞机餐一边睇下本旅游书解下闷。等左差唔多个半钟,终于开餐啦。

 

飞机餐,照烧鸡肉饭,几好味,不过返黎都系食同一味
飞机2


食完饭填埋张入境表,一定要填齐所有资料,如果唔系入境果阵d职员会叫你行开去填返好。

 

日本时间下午6,飞机终于到达关西空港,由于6点钟已经天黑,所以起系人工岛上嘅机场系咩样都睇唔清楚。落左机等左一阵就攞到行李,再行一阵就到入境counter,不过发现咁大个空港原来只开得3个入境counter,条龙排到好长,好彩早到,只系排左半个钟就搅掂,后面果d睇怕都要排成钟先入到境啦。早排睇新闻话日本入境要打手指模,原来系关西空港入境仲未有咁嘅需要。

 

入左境之后,系询问处见到第一个kawaii日本小姐,同佢爹左一轮(英文),然后照佢教路去左travel agentcounter买第二日去京都坐嵯峨岚山小火车1050分班车嘅车飞。跟住系左手边扶梯上二楼转右直行去南海电铁同JR售票处,系JR售票处买埋第三日环球影城嘅入场券,然后去南海电铁售票处买机场至难波嘅来回车飞。

 

735坐南海电铁空港特急去难波,不过架车只得小猫三几只,睇怕间公司都系蚀钱多。

 

南海电铁空港特急列车,车头好似铁人28,好有型

南海电车1

 

 

南海电铁空港特急列车车内
南海电车3


810到达难波车站,出左车站,向心斋桥方向行,一出门口就见到0101大厦,右边有戎桥筋商店街同南海通商店街,沿住戎桥筋商店街直行,行左大约10分钟就到左道顿堀。不过认错路兜左差唔多20分钟,最后问人先揾到酒店,原来酒店就系道顿堀傍边,行去道顿堀只需要1分钟,行去心斋桥都系1分钟,行去难波地铁站2分钟,行去黑门市场大约15分钟,行去难波南海车站大约10分钟。

 

南海通商店街入口(由南海电铁难波车站出口望过去)

难波道顿堀心斋桥一带1

 

戎桥筋商店街入口(由南海电铁难波车站出口望过去)
难波道顿堀心斋桥一带2

 

南海电铁难波车站,夜景(由戎桥筋商店街望过去)

难波道顿堀心斋桥一带10

 

南海电铁难波车站,日景(由戎桥筋商店街望过去)

难波道顿堀心斋桥一带16

 

戎桥筋商店街,其实条条商店街都差唔多样,只系将条街加建左个上盖,两边开晒唔同类型嘅店舖,整个难波-道顿堀-心斋桥购物区就系由呢d有盖嘅步行街组成
难波道顿堀心斋桥一带17


850系酒店check-in,终于入到房。日本嘅酒店房果然系好细,不过装修得好靓感觉好舒服。

 

我地住嘅Cross Hotel正门

难波道顿堀心斋桥一带12

 

由酒店望出去嘅御堂筋大街
难波道顿堀心斋桥一带11


欣赏完间房同安顿左行李之后,9点半就落去道顿堀行下同食dinner啦。道顿堀只系好细嘅一条街,主要部分只有百几米长,不过就集中左好多得意嘅食野同卖野嘅店舖,晚晚都有好多人架。

 

戎桥,位于戎桥筋商店街、心斋桥商店街、道顿堀的交界处,而家啱啱做紧美化工程,整好之后应该好靓。呢度系睇人嘅好地方,因为唔同类型嘅人都集中晒系呢度,有等紧朋友嘅年青人,有等紧团友嘅旅行团游客,有成班著晒返工套装嘅OLOM,有着住校服同超短裙打扮妖野嘅学生妹,仲有好多著晒黑色西装好似黑社会嘅人士成晚企系度唔知做咩( 单身 女士千其唔好一个人行呢度,因为呢d人一见单身女仔行过就会上去唔知同佢讲咩,而果d女仔就系咁急急脚走人,唔知系唔系想揾佢地拍AV??)。

难波道顿堀心斋桥一带3

 

道顿堀景一

难波道顿堀心斋桥一带4

 

道顿堀景二

难波道顿堀心斋桥一带5

 

 

道顿堀景三

难波道顿堀心斋桥一带14

 

赤鬼烧章鱼丸,好似好出名,因为好多人排队买

难波道顿堀心斋桥一带6

 

另一间烧章鱼丸,叫做本家,虽然好似街边档,不过一样好多人排队买

难波道顿堀心斋桥一带23

 

拉面店出面嘅自动售票机,要食咩先入钱然后按想要嘅拉面就有张飞出黎,跟住攞俾佢地就可以架啦

难波道顿堀心斋桥一带8

 

呢碗系四天王拉面嘅拉面,好大旧叉烧
难波道顿堀心斋桥一带9

 

行完道顿堀,食完烧章鱼丸同拉面就沿住千日前商店街、南海通商店街、戎桥筋商店街兜左个圈,最后返回戎桥,11就返酒店冲凉休息,完成第一日行程啦。

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share