2007年大阪、京都五天自由行(Day 4–游览大阪城、天保山 + 心斋桥shopping)
行程:(10月3日,天晴,气温27度)
[7:30]起身梳洗 >> [8:20]酒店早餐buffet >> [9:00]从酒店出发,坐地铁去大阪城 >> [9:20]游览大阪城>> [11:00]坐地铁去天保山 >> [11:30]游览天保山一带 >> [12:00]乘坐圣玛丽亚号游船游览大阪港 >> [13:00]坐地铁去黑门市场 >> [13:30]游览黑门市场 >> [14:20]食lunch >> [14:50]难波高岛屋百货shopping >> [16:00]回酒店小休 >> [17:00]心斋桥shopping >> [18:50]食dinner >> [20:00]道顿堀一带shopping买手信 >> [22:00]返回酒店休息
——————–
今日嘅行程主要系去大阪城、天保山,同埋去难波至心斋桥一带行街买野。今日系大阪市内游览,交通同景点入场券使用大阪周游卡2日券,唔洗另外再俾钱。
7点半起身梳洗完之后,8点4就去食早餐,然后9点左右坐地铁去大阪城。从难波坐地铁去大阪城要转一次车,去到谷町四丁目站落车,大约15分钟就到。我觉得从谷町四丁目站行去大阪城最好,因为可以经过大手门、多闻橹呢d主要景点,而且路程都唔远,大约行5分钟就到大阪城外面,再行多10分钟就可以入到去天守阁,如果一边行一边影下相就当然唔止10分钟啦。
大阪城系丰臣秀吉建造嘅城堡,相信“信长之野望”同“太阁立志传”呢两只game嘅fans一定唔会陌生。原来大阪城都有唔少游客去,除左日本人之外,仲有好多大陆、台湾同香港嘅旅行团。
大阪城远望
大阪城护城河
大阪城大手门
大阪城樱门
大阪城天守阁
天守阁入口
系大阪城内逗留左大约一个钟,11点左右就坐地铁去天保山(地铁大阪港站)。天保山系大阪嘅港口位置,主要有海游馆同世界其中一个最大嘅摩天轮大观览车。不过plan行程果阵睇左d资料,觉得海游馆同曼谷嘅海洋馆、台湾垦丁嘅海洋生物馆差唔多,所以决定唔去,而至于大观览车,因为有d畏高,而且又唔见有人玩,所以都冇玩到。
11点半去到天保山,街上冇咩人,好冷清,只系海游馆有几班学生系度旅行。去到日本,发现个个旅游景点都有好多著住校服嘅学生,上至中学下至幼稚园学生都有。睇黎系日本做学生都真系几爽,可以系返学时间成班同学去旅行。
天保山街头
今次去天保山,主要系去坐下佢只圣玛丽亚号游船游览一下大阪港,因为斋坐呢只船要成1,500円,但系用大阪周游卡就可以免费,心谂超抵冇理由唔坐架。12点上船起航,但系加埋都唔够10个乘客,只船系大阪港兜左一个圈,但系冇野睇嘅,揾笨嘅,上次系高雄坐船游高雄港又系咁,今次又系,发誓以后都唔坐船游港口。
呢只就系圣玛丽亚号
从船上影大观览车
12点10终于游完船河,跟住去左隔离个Market Palace度睇下同食下小食雪糕,之后行返地铁站坐车去黑门市场。1点半左右到左地铁日本桥站,一出去就系黑门市场。唔记得系边个讨论区睇过有人话系黑门市场可以买左鱼生之后有地方坐低食,不过去到发现原来冇架,而且d鱼生又唔新鲜,生果都唔系多(可能唔当灶瓜),所以最后只系用700円买左两个桃准备今晚返酒店食,之后就行过去难波揾野食。
黑门市场,好多唔同款式嘅寿司
2点4左右,系南海通商店街见到间元禄寿司好多人食,好肚饿于是入左去食回转寿司,d寿司只系130円一碟,而且好好味,抵食。
食饱之后就行左过去难波车站上面嘅高岛屋百货shopping,今次终于系Burberry Blue Label专柜度买到手袋,跟住又去Agnes b专柜买埋,又买左一d其他野,跟住就上7楼办理退税。要有得退税一定要系同一日系同一间百货公司买满10,000円以上,退税时要出示passport同填form。不过记住化妆品系冇得退税架,如果要买名牌化妆品,都系留返系机场免税店先买,平一大截。
买完野先攞左返酒店,同埋休息左一阵,之后5点左右又出去心斋桥一带shopping。原来心斋桥商店街好长架,行极都行唔完,不过沿住心斋桥越向北行,游客就会越少,d野亦都会越平,不过就要睇你有冇心机同脚力行啦。我就冇咩啦,所以行左一半就折返转头去返道顿堀食dinner。
今晚系系大阪last一晚,所以去左道顿堀果间道乐蟹(即系有个红色巨蟹标志果间)食网烧蟹。食左5千几円,不过觉得一般,可能自己唔识点烧。
食完dinner之后又返酒店放低之前系心斋桥买左嘅野,因为酒店就系附近,可以随时上去好方便。跟住再系道顿堀同心斋桥附近要买下手信。10点钟左右,好多店舖都关门冇地方好行,于是返酒店冲凉休息,完成第四日行程啦。
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!