2007年东京公干之旅（进行中@day2）

而家仍然仲系东京酒店房内.

今日系主要开会既一日, 所以今日既schedule主要系开会, 由朝早9点半去到下午5点几. 跟住就系大会host安排既晚宴, 又系要social既场合, 不过今次唔洗食到好晏, 9点前就可以散席返酒店.

由于第一次到东京, 而且又只停留4日咁少, 所以当然要抓紧时间出去行下. 今朝清晨趁住未食早餐先去左酒店附近既日本桥以及佢周围既三越百货同高岛屋睇下, 咁早去当然只系去影下相啦, 因为百货公司都仲未开门.

到夜晚食完晚宴之后, 离开地铁关门都仲有两个几钟, 所以选择左去涉谷行下, 由酒店坐地铁去要坐20分钟车架, 所以去到主要都只系周围行下, 影下相, 到此一游咁喇.

今次黎东京又系带错衫, 本来以为5度至15度会好冻, 所以带左件大褛同埋一D厚衫, 点知黎到发现都唔系咁冻, 出街只需要著多一件厚少少既褛就可以架啦, 而且东京室内系好热架, 入到室内就好似去左焗桑拿, 一出街又冻, 真系一日几次三温暖….