2008年东京春季赏樱+温泉之旅(第四天 [1]) – 井之头公园、吉祥寺、新宿御园
2008年3月29日(天晴,气温9~17度)
行程:井之头公园 _ 吉祥寺 _ 新宿御园 _ 明治神宫 _ 原宿 _ 千鸟渊公园 _ 靖国神社
今日系成个旅程中去得最多点景嘅一日,我地成个旅程总共去左五个樱花名所赏樱花,而今日一日之内就走左三处,真系行到脚都软,不过三个地方嘅樱花都真系好靓,就算行到脚痛都值得。
第一站先去位于吉祥寺嘅井之头公园,由新宿去吉祥寺,最快同最直接系坐JR中央线,不过要睇清楚有特快同快速之分,特快列车会停三鹰,如果去三鹰之森美术馆就啱,不过特快列车唔停吉祥寺架,如果去吉祥寺应该坐快速列车。我地开头都坐错左特快,好彩即时发觉,跟住系下一站落车再系同一月台等一阵就有一班快速列车到,完全冇浪费时间。
由新宿只需要15分钟时间就到吉祥寺架啦,JR吉祥寺駅只有两个出口,去井之头公园由公园口出去,再向住对面嘅0101大厦行去,再转右系0101大厦傍边条小路直行就到。井之头公园嘅樱花树围住井之头池黎种,个view真系好靓。
一早就有好多人系井之头公园内霸位等夜晚赏樱花
系井之头公园睇樱花最正就系可以系湖上划艇仔,可以近距离划埋樱花树下影相
有三种唔同嘅船可以选择架,唔同船租金唔同,最平系划掌船,租一个钟都只系600円
系船仔度影嘅近镜
我地租左一只要用船掌划嘅船仔,好多年都未玩过呢D野,真系唔系咁识控制,眼见湖面上好多船,而且大多数人都好似我地咁鸡手鸭脚,真系几惊会翻船,我唔识游水架。我地大约划左大半个钟,兜左一个圈就上返岸啦,再唔上岸怕冇机会,因为划一个圈都已经手软脚软,仲搅到成身汗添。不过可以近距离接触D樱花,都算值得架。
划左一个圈船之后真系好肚饿,所以离开井之头公园之后,就去左旅游书介绍嘅松坂超人气牛肉丸买返几个黎试下。松坂牛肉丸就系正JR吉祥寺駅附近,不过要系JR站嘅另一个出口中央口出去,一出中央口再过斑马线行前少少,系间M记之前个路口转左直行一阵就见到架啦。
松坂超人气牛肉丸,一见咁多人排就知系佢啦
热辣辣嘅牛肉丸,真系好好味架
食完牛肉丸都仲未到11点,跟住我地坐返JR中央线返新宿,再由新宿駅新南口行去另一个樱花名所新宿御园。大约行10分钟就可以到新宿御园嘅新宿门,不过当日因为人太多,要分阶段放人入去。
新宿御园嘅新宿门,要买200円门票先入得去
新宿御园入面有好多大草地,今日星期六所以全部都坐晒人系度野餐
新宿御园入面嘅日式庭园
新宿御园都真系几大架,行左起码个半钟先行得晒,脚都软,好彩间中可以坐系草地度抖下。离开新宿御园时我地选择系另一边嘅千駄谷门出去,因为由呢边去原宿比较方便坐JR。
新宿御园千駄谷门
出左千駄谷门跟住人群行一段路就去到JR嘅千駄谷駅,由呢度坐中央线一个站去代代木駅,再转山手线一个站就到原宿。
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!