2008年东京春季赏樱+温泉之旅(第四天 [2]) – 原宿、竹下通、明治神宫、千鸟渊公园、靖国神社夜樱
去到原宿先发现选错时间来,原来谂住星期六原宿会多D野睇,点不知星期六嘅原宿真系超多人,可以话水泄不通,原宿駅又鬼死咁细,落车之后迫出车站出面都迫左好耐先到。
东京最古老嘅原宿駅,地方真系好细
去到原宿真系被D人潮吓亲,跟住我地先行去明治神宫参观先。由原宿駅行去只需要过左神宫桥就到明治神宫入口,不过由入口去到神宫里面要行差唔多10分钟嘅石仔,当做脚底按摩都几好架。
神宫桥上,免费拥抱,唔敢试
明治神宫入口
终于到左明治神宫啦
明治神宫入面
入到明治神宫咁啱见到有两对新人系度行婚礼,系日式架,好得意,个个都争住影佢地,我都唔执输。
日式婚礼
大合照
明治神宫大约行左一个钟时间,出返去之后就去竹下通见识见识。
超多人嘅竹下通,见到都唔想行
竹下通入面D舖头真系冇咩好行,可能我唔够in,不过D野我觉得香港澳门都系差唔多姐,冇咩特别,特别嘅反而系行竹下通嘅人,有人男扮女装,又有D著成咁…..
男扮女装嘅唔敢影佢,靓女就影左几张
去完竹下通其实都几累下,所以都唔想同人迫,最后系竹下通口嘅一间班cake店买左班cake黎食,我觉得都几好味架。食完班cake抖左一阵之后,就离开原宿呢个咁多人嘅地方,向另一个赏樱圣地千鸟渊出发。
坐地铁系九段下駅落车,出左地铁站就系千鸟渊,呢度系皇宫护城河嘅其中一段,两边种左好多樱花树,而家系千鸟渊公园,入面有个为举行1964年东京奥运会而建嘅体育馆叫武道馆,好多大型柔道、剑道赛事都系度举行,亦都系东京主要嘅音乐会场地黎架。
千鸟渊公园内嘅武道馆附近
千鸟渊
去千鸟渊主要系想睇下佢夜晚系灯光下嘅樱花景色,因为我地去到嘅时间尚早,所以决定先去对面嘅靖国神社睇下。靖国神社对于中国人黎讲真系有D敏感,中日两国成日因为参拜靖国神社嘅问题而有争辩,所以今次去参观心理上都有D压力架。不过因为系每年3月尾至4月初樱花季节,系靖国神社都有樱花祭举行,所以我地都主要系去见识下樱花祭,纯粹旅游,与政治或者民族恩怨无关。
由千鸟渊公园过一条天桥就系靖国神社
靖国神社外嘅靖国通
靖国通夜景
樱花祭其实系系靖国神社外围嘅广场同空地度临时搭建左好多小食档,等人可以系樱花下食野饮酒,即系类似美食嘉年华咁,好似间中仲有D表演,不过我地去果阵冇。
樱花祭会场
樱花下食野,好好feel
小食档
靖国神社入口
靖国神社入面嘅樱花
我地系靖国神社同埋樱花祭会场行行食食,大约6点左右见个天开始黑,而且靖国神社亦都关门,不过出面嘅樱花祭会场就继续进行,于是我地就决定行返去千鸟渊睇夜樱啦。
点知行返出靖国通之后,发现成条马路都系人,而且系千鸟渊果边嘅行人路上实行左单向潮水式行人管制,只可以由入口单向行走,但系行左好耐都见唔到龙尾,最后行都地铁站入口附近先见龙尾位置,但系因为人太多,移动速度又慢,所以最后都系打消同人迫去睇夜樱嘅念头,索性返酒店冲个凉抖下先。然后再系新宿歌舞伎町一带食饭同行下,就咁就结束呢日丰富嘅行程。
因为第二日要一早check-out出发去箱根,所以今晚要用D时间执下行李。
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!