2008年东京春季赏樱+温泉之旅(第二天[1]) – 筑地市场

2008327(天晴,气温9~17度)

行程:筑地市场 _ 浅草寺 _ 隅田川游览船 _ 台场

 

今次旅行每日都系大约7点半(即系澳门时间6点半)起身,今日系旅程第二日,早起都冇乜难度,起身洗完面著埋衫就出发去筑地市场。由新宿坐地铁丸之内线系霞ケ関转日比谷线,去到筑地站落车就到,出左车站大约行100就见到筑地外市场架啦。

 

一出地铁站就会见到嘅筑地本愿寺

筑地本愿寺

 

筑地外市场

筑地场外市场1

 

一到筑地外市场,即刻可以见到呢间好多人食嘅井上拉面

井上拉面1

 

650一碗拉面,有四块肉,真系好好味,系今次系日本食过最好食架

井上拉面2

 

筑地外市场,由呢个路口行左边同右边都可以去到筑地市场同鱼之横丁,行左边会多野睇D,直行到神社转右过左桥就系筑地市场

筑地场外市场2

 

筑地市场嘅运输车,好有特色

筑地市场运输车

 

豆类散卖用斗黎量

筑地场外市场3

 

呢个季节只得草莓当造

筑地场外市场4

 

去到筑地市场除左行下市场之外,最主要系想去试下食出名嘅筑地寿司。出名嘅老店集中系筑地市场对出嘅鱼之横丁,最多人排队系寿司大同大和寿司呢两间。其实老实讲食嘅人唔系好多,有咁多人排队只因佢嘅舖面好细,寿司大只有约10个人位,而大和寿司最多亦唔超过20个位,所以形成好似好多人排队嘅感觉。

 

最多人排嘅系呢间寿司大,前面系大和寿司

寿司大门外

 

我地选择左食大和寿司,不过系呢度排队都几受气,个侍应成日出黎质D人排密D,可能怕阻塞条路挂,不过个侍应唔系太有礼貌囉

大和寿司门外

 

排紧队冇野做影嘅大和寿司店内,另外仲有一边,每边大约只有9个位,好迫

大和寿司店内

 

我地排左大约都有9个字时间,入到去发现地方真系好迫,坐得唔舒服。一坐低佢就每人俾一个放寿司嘅木板,只系讲左一个字“Set?”,跟住我地望下左右隔离,见每人都系一人一set,咁咪每人要左一set囉,后来先知原来可以几个人叫一setshare架,蠢左

 

放满晒呢块板就为之一set,好似total有10件寿司,本来想等佢俾晒先影,但系佢见我唔食好似唔想再整俾我咁,唯有少少都影张先囉

大和寿司

 

本来抱住好大期望排左成大半个钟谂住会食到D好好食嘅靓寿司,点知食左之后发现味道真系麻麻,食剩几旧都唔想再食,唔只系我地,隔离几个香港人都系。而且个寿司师傅好似好不满咁,我地话好饱食唔落,佢仲话出面好多人好肚饿等紧入黎,即系明催我地走姐。最后卖单走人total 10,500円,即系一个set要3,500円,好贵。

 

隔离条横街都有D舖头好多人排

筑地食店

 

食完寿司我地又行左去筑地市场入面睇左一阵,然后系11点半左右就出发去下一站 – 浅草。

 

筑地市场里面,不过地下湿立立,冇乜野睇

筑地场内市场

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share