2008年秋季京阪神红叶＋白浜温泉之旅（第二天）I – 金阁寺、银阁寺

2008年11月26日
梅田 > 京都駅 > 金阁寺 > 银阁寺 > 清水寺 > 梅田

 
秋天关西既天气都几清爽下，呢几日气温都系介乎7度至15度之间，除左早晨较冻之外，其实大部份时间都可以唔著褛。不过开头几日就冇乜阳光，个天阴阴地，都有D影响影相既质素架。另外，最唔好既地方系日落时间太早，下午5点之后就开始天黑，5点半周围已经系黑妈妈，大大减少左游览既时间。

 
今日既行程主要系参观京都寺院，而重头戏就系去清水寺参观夜间参拜。今朝本来打算一早起身，不过最后都系摸到9点半先去食酒店早餐，去到发现西式早餐9点半close，只可以选择食日式啦。

 
酒店既日式早餐，真系好睇唔好食，食完之后果朝仲搅到有D肚痛添

食完早餐就开始京都之旅啦，首先由大阪駅坐JR去京都駅，本来预计唔洗30分钟就到，点不知…..上错普通车，站站停，最后用左50分钟先去到京都駅。到左之后再系駅前巴士站坐巴士去金阁寺，点不知等左好耐先有巴士到，而且仲要系行左成大半个钟先去到金阁寺。

 
京都巴士。今次坐巴士发现左两样野，第一样系巴士停站时会向门果边倾侧，方便乘客上落，开头仲以为果边人多架巴士受重力侧埋一边添；第二样系巴士系红灯前停车会息匙，真系好环保㖞，不过唔知会唔会好伤engine呢。

呢度就系金阁寺表参道入口啦

金阁寺表参道

红叶啊!!

跟住就到金阁寺正门

金阁寺入场券，每人400円

今次去日本发觉佢D景点门券收费真系好似乱咁定，有D好有价值既地方，例如金阁寺、姬路城呢D世遗景点，只系收400~500円，但有D冇咩睇既地方，好似白浜既三段壁洞窟就要1200円，而京都寺院夜间参拜既收费亦相差好远，最出名最多人去既清水寺只收400円，但系隔离既高台寺就要900円，唔通多野睇D？

 
呢度就系金阁寺入面既主角金阁啦

从后面影既金阁，近睇冇咩特别，仲以为系油左层金油

 

金阁寺入面既投币式求签机，真系求签都自动化，唔知准唔准架呢

出门口之前有成排手信店，仲可以试食架，我地就食左好多，不过冇买

行完金阁寺之后，我地就行返过刚才落车个巴士站斜对面既反方向巴士站，系呢度可以坐巴士去银阁寺。不过由金阁寺坐巴士去银阁寺都用左大半个钟，乜京都真系咁大架咩？定系佢行得慢又多红灯位？

 
银阁寺附近既哲学之道，点解呢度D叶咁快落晒…..

感觉好掉零既哲学之道

前往银阁寺既路上，同清水寺一样都系好多手信店

终于到左银阁寺门口啦

呢度就系银阁寺入口，入场费要600円，贵过金阁寺，唔知系唔系佢堆沙成本太高既关系

银阁寺入面

从银阁寺后山上面远眺京都

参观完银阁寺差唔多系3点半左右，但系感觉上就好似平时5点几咁，好似有D就黎天黑既感觉，因为仲未正式食过野，所以我地决定先坐巴士去河源野揾野食先。