2008年秋季京阪神红叶＋白浜温泉之旅（第二天）II – 清水寺夜间参拜

上一次黎京都既时候按照旅游书介绍，去过位于河源町既鱼心寿司食晚餐，当时真系觉得好正好好味，所以今次谂住再去回味，不过食完觉得D材料同味道同上次好似差好远，所以今次都唔系食左好多，亦都冇影到相。

鱼心寿司系梅田同道顿堀有分店，如果要去，记得print埋佢张coupon出黎带埋去，卖单时俾佢就可以有九折架啦。

鱼心寿司河源町店coupon

鱼心寿司道顿堀店coupon

鱼心寿司梅田分店coupon

鱼心寿司梅田总店coupon

食完野个天都已经入黑，我地就慢慢经袛园穿过八坂神社行去清水寺方向，由于上次去京都已经系附近行过，所以今次都冇点影相。

沿途好多日本女人著晒和服去参拜

穿过八坂神社

高台寺门口灯光照射下既红叶

夜间参拜既吸引力睇黎真系好大，同上次日间黎果阵相比，今晚清水寺附近真可谓人山人海，入到清水寺入面果阵，更加系水泄不通，要实行潮水式既人群控制。

清水寺三年坂

中途系三年坂附近一间食店食既红豆加年糕糖水，超好味，好味过道顿堀既夫妇善哉好多，而且只系550円，又平又好味，可惜唔记得影佢门口既相

清水坂

行左一大段路终于到达清水寺门口啦，入场费每人400円，包埋入内堂。

呢棵系清水寺入面最红既红叶树，个个都争住影。

打左灯既清水寺真系好靓架，不过人太多想揾个位影相都难。

呢张系由下面影返上去

夜游清水寺大约用左2个半小时，之后坐巴士返去河源町，再坐阪急电车返梅田。

阪急电车

返到梅田由于时间仲早，所以再去附近行下揾下有冇好野食。

呢间系阪急駅与阪神駅之间条食街既章鱼烧好好味架，六粒只售320円，比起道顿堀既赤鬼仲好味，而且仲平D添。

食完章鱼烧再行多阵，又比我地系Hep Five附近条横街发现左一间叫一风堂既拉面店好多人排队，段估应该几好味。

排左差唔多20分钟有得食，叫左佢既招牌拉面，超过一千円架，比起同区其他拉面贵成300几円，不过真系好好味。

食完好好味既拉面之后，第二日既旅程完满结束啦，明日再战。