2008年秋季京阪神红叶＋白浜温泉之旅（第四天）III – 海舟：温泉&晚饭

因为check-in时预约左8点先食晚餐，返到酒店仲有成三个钟时间，唯有先系酒店内周围行下浸下温泉先。呢间酒店其中一个特色就系大堂有个地方，放左好多和服系度，有不同款式，住客可以随便取来穿着，所以每浸完一次温泉揾一次衫都冇问题架，我地都换左几套，最后check-out时房入面就留低成房和服系度。

 
其实选择住海舟，其中一个重要原因都系受佢既温泉吸引，海舟总共有六个温泉，包括一个室内男汤（入面其实又分为三个唔同既池，仲有一个桑拿房），一个室内女汤，三个露天贷切风吕（每个都对正大海，设计又各有特色，只要冇人用就可以免费包起自己浸晒），同埋一个超靓海景既男女混浴温泉，全个白浜好似只此一个，不过浸果阵当然要有野遮掩重要部位啦。

 
咁多唔同既温泉，要全部浸晒都花左唔少时间。以下系偷偷地影返黎既温泉照片，有D系当晚浸时影，而有一D系第二朝浸时影架。

 
温泉区入口

进入露天温泉区既入口，因为行出室外，所以要换上拖鞋

 
每个货切风吕出面都有个咁既牌，个牌黑色字“空…..”向外时表示冇人用紧，只需要将个牌返转，令红色字“只今使用中”向外就可以包房自己慢慢浸架啦，不过浸完走时记得再转返个牌㖞. . . . . . . . . .

露天货切风吕之一 – 石匠の汤

 
露天货切风吕之二 – 岩户の汤

 
露天货切风吕之三 –梅香の汤

 
呢个就系全酒店最靓景既男女混浴露天风吕，叫做浜千鸟の汤，从外面都可以望到温泉里面架，不过有野遮住都唔怕俾人望到重要部位既

 
系男女混浴露天风吕浸温泉需要用一块布遮住重要部位，块布可以系进入温泉区既走廊度自取，进入男女混浴露天风吕前系更衣室围上就可以架啦

 
呢个系休息室，浸完温泉可以坐系度抖抖，除左有水饮之外，仲有绿茶味同牛奶味两款雪条任食架，牛奶味果只好好味

 
浸完温泉又周围行行睇睇之后，终于等到食饭时间啦，酒店既dinner时间分为两更，分别系5:30同8: 00，当check-in时要选定。海舟既晚餐全部都系要去佢餐厅入面食架，冇得系房度进餐。

 
先来前菜，仲有杯好味梅酒…..

再来蟹肉豆腐汤

 
跟住系主菜新鲜鱼生船，有好多种类架

 
之后仲有火锅

仲跟埋饭添，不过已经好饱啦

 
餐晚饭整体黎讲真系唔错。食完饭返房抖抖，临训前又浸多次温泉。可能第一次开咁长途车既关系，今晚训得非常之林。