《2009年初秋北海道自驾之旅》- 第二天(1) – 定山溪、丰平峡、支笏湖
2009年9月27日(星期日),天晴,气温12~20度
今日系连续六天自驾游嘅开始。好多人去日本旅游喜欢自驾,除左自驾有佢嘅乐趣之外,我觉得一定程度上都系迫不得意。其实系日本,除左大阪同东京两地旅游点比较集中之外,其他地方嘅旅游点都相当分散,北海道就系其中最突出嘅地方,如果唔自己开车,每日要攞住大件行李搭火车巴士,一定会辛苦死人。
其实今次都只系我第二次系日本自己开车,上次由大阪去白浜只系租左两日车,今次要一连开六日,都系一次挑战。
今次租车都系透过ToCoo租车网租,因为万士得有promote,所有今次租左Mazda Demio ( 1300c c),6日5夜合共28000円(包第三者保险)。而系取车时个职员问买唔买埋免责保险,每日1040円。因为第一次系外地开咁多日车,所以决定买埋,就算发生意外都唔洗怕要自己再赔钱俾租车公司。不过好彩到还车时都冇出过任何意外。
今次租车连保险合共用左大约34000円,另外六日入左约10000円油,行两程高速公路洗左大约6000円路费,停车场费用大约3000円,total用系自驾上嘅直接开支大约系53000円。
系网上租车时选择左系Mazda Rent a Car嘅札幌站北口分店取车,仲租埋最近嘅酒店Hotel Fino,谂住行两步就到架啦。点知. . . . . .揾极都揾唔到间舖,最后周围问人,转来转去用左差唔多45分钟先揾到间舖。原来间舖真系好近,由酒店行去唔洗100米,过一个街口就系。因为间舖个招牌好唔明显,Mazda个字只系贴系个门上细细个,又冇突出来嘅招牌,所以自己行经都唔知道,好惨,早知前一晚去揾定啦。
因为有上次租车经验,所以揾到间舖之后第一时间俾齐晒证件同email copy俾佢,好快咁俾埋钱就可以去取车,之后例牌check下车身有冇花,OK晒个职员交低条匙自己就走人,佢好似冇问我识唔识用个GPS㖞. . .好彩上次用过姐。
呢架就系我地嘅战车Mazda Demio,陪左我地六日,行左超过1200公里,不过因为只得1300cc,上斜唔系咁够力。
车上嘅GPS,原来呢个model系冇得入map code架,死啦,之前揾左咁多景点嘅map code都用唔到,点去果D冇电话嘅景点啊?
原来唔系只只GPS都有以map code定位嘅功能架,我睇晒佢成本manual都冇讲到,所以大家准备资料时记得除左搜集景点map code之外,一定要揾埋电话number,以防万一。
对于用GPS,有以下几点经验可以分享:
1. 如果入电话number,一定要系系统显示地点之后用肉眼睇清楚个地图系唔系真系你想去嘅地方,因为有时电话number可能系公司office,唔一定就系你想去嘅目的地,所以对你想去嘅目的地系地图上边度附近一定要预先有认识;
2. 如果GPS唔support用map code同时又冇景点电话number,咁就要利用地图功能,先去到景点附近,再将地图比例放大,然后用手指点击地图,一般有名嘅景点系地图上都有标示,我地今次都系用呢个方法去一D之前揾左map code但系又冇电话number嘅地方;
3. GPS只可以带你去到你想去嘅地方附近,差唔多到达目的地时,最好慢车,用自己对眼揾你要去嘅地点;
4. 转弯时一定要慢车,唔系好易miss左街口;
5. 有时GPS按照最短距离或者最短时间计算出嘅结果,会指示你行一D小路,呢个时候如果你相信行小路危险,就应该keep住行大路;
6. GPS计算嘅行车时间似乎唔系按法定限制时速黎计算,例如行100公里高速公路,GPS估计行车时间会系大约1小时,而高速公路限制时速系80公里,所以个GPS系统应该系按大家正常超速,即系时速100公里黎估计,同样行国道限制时速系50公里,不过GPS系统会以70-80公里黎估计,可能大家都习惯超速。
以下系今日嘅行车路线图,总行车距离大约200公里,由札幌经定山溪、丰平峡、支笏湖、苫小牧到登别温泉。
第一站定山溪,离札幌只系30分钟车程
可惜仲未有红叶
定山溪二见吊桥
第二站系去丰平峡,离定山溪大约7-8分钟,汽车只可以停系峡下嘅呢个停车场。
要去丰平峡就系坐呢部电动汽车,来回每人600円,如果唔坐行路都可以,不过我觉得行路会后悔,因为实在太长. . .
丰平峡其实系个水库,同定山溪一样系北海道著名嘅红叶圣地。
超短嘅缆车,免费架,可以坐上去观景台。
观景台上影出黎嘅景色
丰平峡水库大坝
参观完丰平峡,下一站要去支笏湖,途经中山峠休息站
用薯仔整嘅当地特产,味道麻麻,不过都几饱肚。
中山峠休息站可以望到北海道著名嘅羊蹄山,所以又叫望羊中山。
途经支笏湖傍边嘅苔の洞门,时间关系只系门口影张相就走。
终于到达支笏湖,不过已经接近4点,有D黄昏Feel。
湖边好多鸭仔船。
待续. . . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!