《2009年初秋北海道自驾之旅》- 第五天(2) – 天然温泉 灯の汤 ドーミーインPREMIUM小樽、小樽运河、堺町通

见到海代表就黎到小樽啦

小樽外

 

今次北海道之旅嘅住宿都好满意,而今晚系小樽住果间系最满意嘅一间,呢间酒店叫天然温泉 灯の汤 ドーミーインPREMIUM小樽,不过想叫得简单D都唔知点叫,佢系日本其中一间集团式酒店dormy inn系小樽嘅分店,今年6月先啱啱开张,仲系做紧promote,7,200,好抵

 

可能间酒店太新,所以GPS唔识去,差D又俾佢点左去第二度,好彩一早睇左地图,知间酒店就系小樽駅对面,所以改为去小樽駅,好易揾到。

 

天然温泉 灯の汤 ドーミーインPREMIUM小樽就位于JR小樽駅对面中央通路口,好方便。

小樽酒店1

 

天然温泉 灯の汤 ドーミーインPREMIUM大堂

小樽酒店2

 

入左门口先系洗手间,而厕所同浴室就系右手边,睡房要推开前面个门先见到

小樽酒店3

 

睡房内嘅写字枱同电视机

小樽酒店4

 

张床size比一般大

小樽酒店5

 

房入面个窗望出去就系小樽駅

小樽駅

 

灯の汤 ドーミーインPREMIUM嘅其中一个卖点系系佢二楼有一个大浴场,虽然唔系真正嘅温泉水,但系装修好靓好有特色,浸落都好舒服架。

小樽酒店6

 

灯の汤 ドーミーインPREMIUM嘅停车场,系自动泊车果种,即系驶架车入去,熄车之后人出返黎,然后部机会转走架车果种,泊一晚要1000円。

小樽酒店7

 

天然温泉 灯の汤 ドーミーインPREMIUM样样都好,但有一样就有待改善,就系员工嘅英文水平,成间酒店似乎冇一个人识英文,连单字都唔多识,check-in时想问清楚点攞返架车,但搅左好耐都冇办法沟通得到。最后唯有由得佢,等取车先算。原来系泊车时职员会用张卡纸写低你车牌同名,然后自己将卡纸交俾reception,想出车时再向reception攞返张卡,咁就会有人去车场同你整返架车出黎架啦。

 

搅掂check-in之后都接近3点半啦,所以争取时间即时出去玩。虽然由酒店行去小樽运河都好近,不过有架车系度冇理由唔好好利用。由酒店出车两分钟就到小樽运河。

 

小樽运河浅草桥傍嘅小樽运河食堂,系佢侧边有块空地可以免费泊车架,如果自己开车过去,可以好好利用,不过地方唔系太大,可能旅游旺季时好难有位

小樽运河1

 

小樽运河浅草桥

小樽运河2

 

小樽运河

小樽运河3

 

其实小樽运河真系冇咩好睇,唔可以用靓字来形容。虽然对大街果边都仲算企理,但系对码头果边就好似工厂区,灰濛濛,冇咩生气。

 

行完小樽运河,下一站就去堺町通行街街。堺町通系一条步行街,有好多卖纪念品嘅店铺,以玻璃制品为主,另外亦有唔少食店同埋卖糕点嘅铺头。呢条街虽然细细条又唔长,不过系度行街感觉好舒服。堺町通系可以单向行车架,不过因为行人太多,所以车辆都行得好慢,如果开车黎附近有好多收费停车场。但系如果由小樽运河行过去堺町通都系好近,主要嘅商店集中系小樽浪漫馆至童话十字路口一段,大多数店舖都系下午6点左右关门,所以要多D时间行就要趁早啦。

 

呢度就系堺町通

堺町通

 

堺町通上唯一一间街边即烧海鲜店

堺町通2

 

北菓楼系小樽好出名嘅糕点铺

北菓楼

 

呢个就系北菓楼最出名嘅树轮蛋糕妖精之森

妖精之森

 

呢间系小樽另一间出名嘅糕点铺LeTAO,其实系我地酒店楼下都有一间分店。

LeTAO

 

LeTAO最出名嘅系呢只干酪蛋糕

干酪蛋糕

 

小樽堺町邮便所

小樽堺町邮便所

 

呢度就系童话十字路口

童话十字路口

 

待续. . . . . .

fb share

如果喜欢这篇文章,请点个“赞”吧!

fb share

2 comments

  • KK Lee

    请问在Dormy Inn 泊车一晚可否多次出入?是先checkin后泊车, 还是先泊后checkin?

    • Dilbert MO

      可以先将车泊入停车场, 再去check-in, 停车场入口在酒店背面小街. 在停车场有工作人员, 泊入车辆时他会给你一张泊车卡, check-in时将泊车卡交给酒店职员先付泊车费, 之后可以多次出入, 但好像每次出车时都要去柜台拿泊车卡, 另外以前好像也要将车匙放在柜台, 现在不清楚要不要.

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share