《2009年初秋北海道自驾之旅》- 第五天(3) – 政寿司、小樽运河、天狗山
因为之前系LeTAO买嘅干酪蛋糕要放雪柜,所以行完堺町通之后先回一回酒店先,放低蛋糕之后再出去食今晚dinner。听讲小樽嘅寿司出名,所以今晚决定去最出名嘅政寿司。
本来打算去位于寿司通嘅政寿司本店,不过开车经过时发现冇开门,所以转移到位于小樽运河对面嘅分店。左手边系出拔小路,右手边就系政寿司。
小樽运河对面嘅食街 – 出拔小路
政寿司,行楼梯上去就系正门。
先来个响螺刺身,真系好爽好鲜甜. . .
再来一set寿司套餐,用料真系冇得顶,贵都值得。
之前买左本叫“北海道自览游”嘅旅游书,里面有唔少折扣券,其中有一张系小樽政寿司嘅九折券,又悭到成千円。
食饱饱再行返小樽运河取车,因为架车又泊系运河边免费停车吉地。
顺道睇下小樽运河夜景
九月尾十月头北海道嘅天气都仲未冻,夜晚气温都有18度,日间通常都有20度,如果出太阳仲会好热添。
入夜之后小樽都冇咩地方好去,所以决定去一去天狗山睇下小樽夜景,听讲小樽夜景系继函馆、札幌之后,北海道第三大夜景。系函馆因为天气关系睇唔到第一名嘅夜景,咁今晚睇到第三名都好啦。
由小樽运河开车去天狗山脚嘅缆车站唔洗15分钟。同函馆相比,天狗山缆车嘅规模真系细好多。上到山上观景台亦冇咩设施,夜景亦属一般之中嘅一般。
呢个就系从天狗山上望到嘅小樽夜景啦
天狗山上面有个叫天狗之馆嘅展览馆
第五天行程结束。
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!