2009年台北自由行 (Day 5 – 完)

终于黎到旅程最后一日，因为坐黄昏机，所以都仲有大半日时间可以出去行下。朝早起左梳洗完先执埋行李check-out先，然后将行李寄存系酒店，再请酒店同我地接收李仪饼家会系中午时送到嘅手信。

一切安排好之后出发去忠孝敦化嘅度小月食嘢。

食完嘢之后我地再到台北车站附近最后冲刺买下手信，然后就返酒店攞行李准备去机场啦。由台北去桃园机场亦系坐国光巴士，因为拖住行李唔方便，所以需要先由西门町坐的士去到台北车站旁边嘅国光巴士总站。去到买左飞等冇几耐就有巴士，因为冇乜人坐所以唔洗好似黎果阵咁辛苦，坐得舒服好多。

今日写呢日行程再睇返资料，先知道原来澳门航空嘅counter系系桃园机场嘅第一航厦，之前一直以为佢系系第二航厦，原来搅错左。

因为本旅游书入面有介绍桃园机场有个Hello Kitty候机室，所以Check-in完见仲有时间，于是又想去见识一下。不过Hello Kitty候机室系第二航厦，由第一航厦过去路程都好远，先要搭电梯，之后又要行一大段走廊，仲要坐埋接驳电车，足足15分钟先到第二航厦，但去到又唔见有Hello Kitty候机室，之后问工作人员先知，原来仲要行多10几分钟先到。睇返时间去到再返转头时间会好赶，唯有放弃啦。

五日第二次台北自由行结束，期待新春第三次台北之旅. . . . . .