《2010年新春台北之旅》- 第三天(1) – 乌来泰雅婆婆、五分埔shopping

[ 2010216 (星期二,年初三);天阴有雨;气温:around 13]

 

因为系山上而且又落雨嘅关系,呢一晚训得好舒服,训左足足12小时。因为寻晚领教过佢嘅食物,所以今朝都唔敢再去食旅馆嘅早餐。起身之后再浸多次温泉,大约11点就check-out走人。

 

因为未食早餐,所以返到乌来老街之后我地先去揾地方食嘢。按照旅游书介绍,我地去左泰雅婆婆美食店。叫左竹筒饭、排骨汤、麻油鸡同埋一碟清炒龙须菜,总体味道一般啦,食左NT$440

乌来(39)乌来(40)乌来(41)乌来(42)乌来(43)

 

系泰雅婆婆美食店食完早+午饭之后,再去食买多次好好味嘅山猪肉香肠,之后就行去公共汽车总站准备坐公共汽车返台北。系公共汽车总站有好多的士系度揾客,当我地排队等车嘅时候,就有个的士司机黎问我地坐唔坐,每人收NT$200,由乌来去到新店捷运站,不过就要上齐四个人先走得。因为当时啱啱走左一部公共汽车,所以决定坐的士出去,悭返一D时间。个司机好快又揾到另外两个乘客,够人可以开车。坐的士由乌来去到新店客运站大约需时20分钟,比起公共汽车快15分钟左右。

 

因为要去台北车站地下街嘅李仪饼店买手信,所以先由新店站坐捷运直去台北车站,车程大约25分钟。系李仪饼店落左单,叫佢地系第二日中午送去丹迪旅店。之后再上去微风台北车站行下,上面有间专卖日本得意产品嘅商店,中山站上面嘅SOGO顶楼亦有分店,而且面积仲大。

 

行完微风台北车站差唔多三点,于是沿中山地下街行返去中山站,不过呢条地下街完全冇嘢睇架。

 

下午三点半再次返到丹迪旅店check-in去到职员已经帮我地办好手续,攞返之前寄存嘅行李之后就入得房。今次入住嘅系最高级嘅精致双人房,入到房真系好大惊喜,感觉好正。房间介绍系第一天行程中已经讲左,呢度就唔再重复啦。

 

而今日下午嘅主要节目系去五分埔shopping五分埔系位于捷运后山埤站附近嘅平价成衣市场,就系饶河街夜市附近。从捷运后山埤站1号出口出到地面之后,行向马路对面嘅莱尔富,再行过另一条马路对面嘅康是美就系架啦。

五分埔(1)

 

康是美对面有间胡须张鲁肉饭,见到当然入去食下嘢先啦,佢除左鲁肉饭出名之外,猪手同鸡汤都好好味架,我地叫左三样盛惠NT$155

胡须张(1)胡须张(2)胡须张(3)

 

五分埔系由永吉路、松山路、松隆路、中坡北路所围成嘅地带,由多条横街窄巷所组成,而大部份横街都加装左简单嘅上盖,所以即使好似我地果日落到咁大雨都可以系入面shopping

五分埔(2)五分埔(3)五分埔(4)五分埔(5)

 

系五分埔行左唔系好耐,买左几件衫之后就走人啦,下一站系去西门町。

 

待续. . . . . .

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share